［科幻x搞笑］英雄再戰聯盟第一部曲：重遇者: 真。特孤特攻（中）

十年過去，件事就咁無聲無息咁被人遺忘——冇人理、冇人提、甚至冇人知。世人已經將「滅靈」呢個傳說拋諸腦後。我都只係偶然間亂咁碌新聞，先發現到佢，愈搵愈覺得成件事勁可疑。

雖然我都未諗到可以做到啲咩，不過——
「好，我決定⋯⋯」

喺一間唔算多人嘅咖啡店，我坐高枱嗌咗杯咖啡，一邊開住部laptop，一邊不斷搜集資料。爆搵咗成堆有關小朋友失蹤同「滅靈」嘅舊聞。

「後生仔果然係未夠班，未夠爐火純青。」
身後傳嚟一把老男人嘅聲。我仲未回過神，佢已經舉起拐杖，輕輕戳咗我一戳。





「做咩呀老友？」我扭身問。

佢打完我之後冇咩火氣，反而語重心長咁話：「後生仔，唔好咁衝動。」
我頂返：「你又知我想做咩？」
老人望住我，慢慢話：「我雖然老，但唔代表我咩都唔知。我唔想你走去送死。你知唔知‘別靚’個傳說幾得人驚？淨係你一個平凡後生仔，點打得贏佢呀？」

成間咖啡店都算靜，唔知點解佢就啱啱喺我身邊出現，又咁想阻止我。佢嘅出現，唔係咁簡單啊。

老實講，我都知自己普通人一個，拍拖有個女朋友，生活冇咩特別。雖然我唔想佢擔心，不過咁多年嚟冇人理嘅都市傳說——對我嚟講，正正就係人生一個大挑戰。冒險，未必係為做英雄，只係想查到真相。





老人聽完，諗一諗：「你呢個年青人，真係有心。但我要提醒你多一次——呢個任務，可能會賠上條命。你真係咁堅？」

老人又咳咗兩聲。

「你咩事呀老人家？」
我想安慰佢，又覺得佢好撩事鬥非，有啲唔耐煩。

呢刻，佢忽然遞咗樣嘢畀我。

「銀狐——」佢細聲講。





佢嘅舉動令我呆咗一呆。

佢除低眼鏡，淡淡然：「其實，好多年前我就係索道爾，我仲未死到咁快。你信唔信由你，遇到你咁勇敢嘅後生仔，算我有緣。之前嘅戰衣冇咗，不過用我嘅研究人生，原創咗副新裝甲——銀狐，送畀你！」

老人話咁快，轉身離開。我想追問清楚，但「索道爾」個名又好熟口熟面，咩話唔係十年前鬧出事個車長？佢冇死咗咩？點會又出現喺度？

「老人⋯⋯」

佢人影愈行愈遠。

只有一個可能——佢根本唔係索道爾！

但點解佢咁清楚索道爾件事？佢究竟係邊個？






講返我女朋友，阿欣。之前大把人追，我好彩先追到。雖然平時大家都係開開心心，普通人生活，但自從佢知我想查滅靈，頭先係有啲驚同唔滿，不過我死死氣同佢解釋晒之後，佢竟然話要陪我一齊去探險！

「點解老人會畀副咁嘅嘢畀你？」阿欣對住個銀狐裝置好好奇。
「可能佢見到我有勇氣，想我拯救呢個城市掛。」
「都合理，咁多年冇人搞，政府就咁畀件事擱喺度，真係冇啲責任感。」

其實我都慶幸，自己搵到個咁識體貼又有冒險精神嘅女朋友。今次真係唔知咩下場——但至少有人同我一齊。

通常冇車會行返嗰條路線，所以我搞掂咗車長身份證，準備過晒月台，去搵滅靈個傳說。

「今日唔諗咁多啦，食餐好先！」阿欣肚餓扮cute咁話。
「食多餐炸雞都唔知會唔會係最後一餐呢⋯⋯」我自嘲。
「頂你個肺，又話我咁唔樂觀，我哋一定做得到啦！」





嗌咗炸雞，呢一夜過得特別慢。因為我哋都知，訓醒就要迎接未知冒險。

食完野，阿欣望住銀狐：「你覺得呢件裝置真係咁勁？點用架？」
「應該有得拉開安裝，我試下！」

我啱啱一掹——

「Boom——Surprise？」

突然有男人聲喺窗外傳嚟。我同阿欣一望，居然係朝頭早咖啡店個老人，但佢而家中晒戰衣，仲浮咗起嚟！

「老人！？你啱啱仲話冇套戰衣！」

佢居然錄好片交代，笑笑口：「我預咗你唔識用，所以留低個影像。只要戴上身就得。銀狐設計得同狐狸動作好似，只要你記住狐狸特性，就可以好容易控制。其他嘢靠你自己啦。我睇好你，Ha ha ha！」





片段消失，我同阿欣都呆咗。

呢晚星星特別多特別靚。
「會唔會係星星都係嚟幫我哋打氣？」我笑住講。
「平時唔會睇星，今晚真係好難得。」阿欣依偎住我。

夜漸深，冷氣開住，感覺舒服。
人生，有時真係要同命運拗手瓜——
我哋唔覺意，喺星空下沉沉睡著……