［科幻x搞笑］英雄再戰聯盟第一部曲：重遇者: 真。奇雉驅滅人1（下）
第二日
一返到公司，就見到有個新同事入職——表示有人升職啦。
宏照走過嚟問：「今日去唔去做gym呀？我今日有閒。」
其實，我已經好耐無去gym，淨係掛住練新戰衣咋。但係又真係想去，想搵個藉口推咗佢先。
「今日唔得啦，要陪女朋友食飯，下次啦！」
宏照：「咁都好啦，下次囉！」
話音未落，老細就拍住手走入嚟。
「各位！今日有新同事加入，即係有人要升職啦。新人會坐其中一個你哋嘅位。嚟，介紹下自己！」
「大家好，我姓閘，叫恆源，叫我阿源得啦。」
老細掃一掃我哋，似乎心裡已經有定案。大家都忍唔住估究竟係邊個升...
下一秒，有人拍我膊頭。
老細微笑住同我講：「阿杰，我決定升你職！」
呢結果真係始料不及。升職……代表工作量會暴增，人工都未必有咩起色，壓力只會更大。生活只會更加忙啦。
老細指住我個位：「阿源，呢張就你張枱啦！」仲叫我做source buddy，即係要帶新人喇。
老細走咗之後，偉明都行過嚟：「估唔到老細揀咗你，今晚一齊食餐飯慶祝下啦！」
我心入面已經預咗：「今晚唔得啦，下次再補返數，今日真係要陪女朋友。」
偉明笑住話：「都合理啦，升職咁大件事，緊係見吓女朋友先啦！」
「就算唔係升職，我今晚都忙，真係無法抽身呀。」
欣都即刻搭嘴：「唔緊要，遲啲再聚都得㗎！」
---
放工前，我帶阿源熟習一下公司環境。
「有咩唔明隨時搵我，或者問其他同事都得，得個天重唔好理佢，條友麻煩兼陰險，知嗎？」
「明。」阿源點點頭。
六點打後，大家都走晒，只剩低阿源仲未收工。
其實我都仲未走，只係執啲手尾——老細叫我睇住佢。
阿源伸個懶腰：「搞掂晒啦，文件睇咗，頭都大埋。」
「第一日做嘢唔需要咁拚，啲野可以聽日啦，快啲收工返屋企啦。」
阿源奇怪：「點解你仲未走呀？」
「我仲有啲細碎野要執，你先走啦。」
大家揮個手就分開，夜麻麻我收埋啲東西都已經七點。
同女朋友報個平安，佢一如以往體諒我，冇埋怨半句。
不過，我又唔想就咁拖住，練戰衣又未夠，心裏有啲唔安。
---
公園奇遇
夜晚，孤零零咁企咗係個靜晒嘅公園。
「呯——」
公園空無一人，氣氛莫名壓抑。
「會唔會又係越霧者，定係格雷斯……？」周圍一片無聲。
「喂——」
我以為聽錯，特登都無理。
當我準備拎戰衣嘅時候，竟然發現滑梯邊露咗隻腳。
我：「你係越霧者定格雷斯？」
「哈哈…你都幾醒喎，我就係格雷斯。」
佢一派笑容，口吻客氣到反而令我渾身唔自在。
「你咁清楚于換俾咗件戰衣我，點解唔殺咗我？」
「其實，我唔會為咗戰衣去殺無辜嘅人。但如果你唔交出嚟，我唯有搶。」
「假于換嗰單嘢關你事？」
「你真係估得啱，係我安排嘅。想知原因咩？」
我未答，已經拳頭飛過去。但果個只係投影，擊唔中。
---
轉頭，于換就出現左。
「你係咪真于換？」
「我真係失咗能力呀，成日監住你，等搵到格雷斯……其實我救唔到你，只可以遙距教你用戰衣。」
「咁你點解唔幫我？仲要報警？」
「我都無能力！匿名報咗警，幫得幾多得幾多啦！」
「等陣先……其實上次報警係我，原來都有另一個係你？」
「嗯，你明就得。」
世事越嚟越古怪，一轉身又涼風陣陣。呢個城市，陰影越嚟越重。
「只要唔係格雷斯，你出面暴露都唔會出事。但我真係擔心，佢會搞埋你家人。」
「佢唔會殺普通人，但萬一出事都難講呀……」心裏總有種唔安感。
---
于換見我咁驚，主動教我用戰衣。講到好似易，其實要學曬所有功能好複雜。但我都係踩住一個信念：「如果真係要面對格雷斯，寧願一決生死！」
---
晚上，森林21771。警察已經包圍咗建築物四周，舉槍準備。
「支槍係鐳射槍，專射啲超常人！」
誰知話口未完，格雷斯用能力即刻殺咗一個警察。
警察開火反擊，但冇用，最後個個都死。
---
我同于換趕到場。
門口有血，入面有人倒咗落地。再行入少少，見到一個熟悉既背影。
「格雷斯……」于換牙關咬實。
格雷斯慢慢轉身，右手一伸，隔空掐住于換條頸。
「唔好理我！快打死佢！」
「唔得！」我變身，成為奇稚驅滅人。
雙方打到難分難解。佢識傳送，閃來閃去。
「縮頭烏龜咩？今次唔俾你走！」
我聚齊全身怨氣，高舉雙手——
「地獄烈焰！」
烈火捲起，格雷斯係火海中漸漸燒成黑炭，一句都冇再講過。
我疑惑——佢係咪真格雷斯？但已無從稽考。
---
直升機聲響，最後一批越霧者都撤咗——都市重歸平靜。
警察雖然發現佢哋痕跡，但始終俾佢哋走甩。
警員問：「我哋真係要通緝越霧者咩？又唔見得佢哋傷害地球？」
同事嘆：「世界無絕對好壞，命令嚟就要做。」
---
我如常返工、生活——
結果，女朋友主動分手。
佢覺得呢排見唔到我，唔開心。「我最想要身邊個人係英雄——奇稚驅滅人！」
我心諗：原來佢一直都唔知……但有一日，房間見到多咗套戰衣，先發現到我既身份。
「轟——」
---
「于換，你要走咩？」
「係啦，我返返老家。你同女朋友點？」
「佢竟然向我求婚咗！」
「好呀，終於『有情人終成眷屬』，我都可以放心離開啦。後會有期！」
---
世界浩瀚，無奇不有。未來如何，唔使再諗，活在當下就好。
《完》