【愛情 | 師生 | 真人真事 | 校園】如果當年冇去到就好: 3. 巧合定注定？一夜情？

「要唔要出去行吓？」

「好啊 反正我留喺度都冇嘢做 同埋都想上去吹吓風」

於是 芷莎就跟住子濤行咗出會場 一路吹水 一路慢慢由2樓行上5樓

「其實我差唔多走 要翻去食飯」

「吓 咁你唔係應該行落去教員室咩？」





「教員室聖誕假會裝修 所以我哋臨時搬咗上5樓電腦室」

「諗起我都冇去過教員室 陣間可唔可以入去參觀吓？」

「我唔肯定入面仲有冇人喎 但應該可以入嚟嘅」

芷莎用期待嘅眼神望住子濤。「好吖！」


到咗電腦室門口 子濤撐住門「你入嚟啦」




芷莎一踩入電腦室 就見到眼前有佢上年就認識嘅領袖團隊負責老師 余添sir
芷莎由中二開始已經擔任其中一個領袖團隊嘅隊長 而余添sir就喺上年開始做嗰個領袖團隊嘅負責老師 所以芷莎同余添sir一早就頗為相熟

「咦 點解芷莎你喺度嘅？」

「做綠社副社長被迫喺聖誕舞會表演」

「係喎 唔記得咗你今年開始做埋副社長㖭」

子濤呆了一下「原來你哋兩個識㗎？」





「識呀 芷莎喺領袖團隊好幫得我手 幾做得嘢」

芷莎聽到余添sir稱讚後 不自覺地面紅「係你教導有方啫」

佢哋三個傾咗陣偈
子濤一路傾偈一路執背囊準備走

子濤收拾完背囊後 向芷莎問咗句「我行啦 你仲留唔留喺度？」

明明芷莎同余添sir熟啲 但唔知點解俾子濤莫名其妙地吸引住 好唔想子濤走
所以芷莎就同余添道別 再同子濤講「我送你出門口」

佢哋一齊離開電腦室 行翻啱啱上嚟嘅嗰條路





「其實我知道啲關於你嗰個領袖團隊嘅嘢 但我唔講得」

芷莎聽到後就捉住子濤上返幾層樓梯
「你講一半唔講一半㗎…好想知 你不如照同我講 我一定唔會講出去 冇人會知你同我講過」

子濤猶豫咗一陣 就係差唔多講出口嘅時候 決定都係唔講出去 再擰擰頭「而家唔講得 你遲啲就會知」

芷莎失望咁望住子濤 「咁估吓得唔得？」

「你估到我都唔同你講」

芷莎聽到子濤咁堅定嘅立場 最後都係選擇放棄 唔再糾結喺呢個位

芷莎突然好奇並問咗子濤「你嘅MBTI係咩？」





「好似係…INTP？」

「咦 咁啱嘅！我都係INTP 」

「哇 難怪覺得同你幾夾啦 原來係同一類人」

「我都估唔到…睇你唔出喎」

「唔好咁講 我都睇你唔出」

唔經唔覺間 佢哋兩個已經行到去校門
芷莎少少唔捨得咁同子濤分別
但突然醒起聽朝仲有制服團隊訓練
所以突然向子濤講「聽日你翻㗎嘛？聽日見」
子濤聽到後扮傷心咁答翻芷莎「可唔可以唔翻？算啦…都係冇 聽日見…」




芷莎見到子濤反應後忍唔住笑 再慢慢向子濤揮手 直到見到子濤消失喺視線範圍中就轉身翻去會場

呢刻佢哋兩個點都冇諗過呢個「一夜（友）情」 會發展成為一發不可收拾嘅友情兼愛情…
令芷莎嘅中學生涯變得不平凡
令子濤嘅教師生涯落下陰影