【愛情 | 師生 | 真人真事 | 校園】如果當年冇去到就好: 6. 意想不到嘅蛋糕

去到第二朝八點八左右
芷莎去咗學校附近嘅A1麵包舖 揀咗件細蛋糕
之後就急急腳行翻學校 希望趕得切喺九點 制服團隊訓練開始之前俾到今日生日嘅子濤

喺8:5X左右 企喺學校一樓嘅芷莎終於見到子濤入學校
芷莎即刻攞起電話text子濤

「1/F
Look up」





子濤突然停低 攞起喺褲袋嘅電話
睇咗眼電話就望咗上一樓
子濤望到喺一樓嘅芷莎 子濤好快就將注意力擺翻落電話

「😂」

「Laugh jor
U so blind」

之後子濤就行咗上一樓搵芷莎





「做咩吖 琴晚咁夜瞓 而家卻咁早企咗喺度？特登等我？」

「係」

芷莎將收喺背後嘅細蛋糕攞去前面 再推俾子濤

「呢個俾你㗎 生日快樂 23歲嘅濤伯」

子濤望到眼前嘅蛋糕之後 首先覺得驚喜 之後覺得搞笑 最後覺得疑惑





驚喜在冇估到「識」咗一日嘅學生會送生日蛋糕
搞笑在一大早 未瞓醒就食蛋糕
疑惑在點解芷莎會對佢咁好

芷莎將子濤嘅每一個感情變化放在眼內

「首先 覺得驚訝係正常嘅 我都好驚訝自己會送蛋糕俾你呢個琴日先「識」嘅老師
其次 個蛋糕可以喺教員室雪櫃雪住先 陣間訓練完先食
仲有 其實我都唔肯定點解我會對你咁好 但應該係因為我覺得同你有種莫名嘅熟悉感 所以先會咁」

芷莎將蛋糕交咗俾子濤之後 再喺袋攞咗個信封出嚟 並將個信封放喺子濤手上

「呢張卡俾你嘅 之前未「識」你嗰陣已經寫好 諗住今日俾你 只係冇估到咁啱得咁繞我哋琴日「識」咗haha 所以入面啲嘢可能唔update...希望你唔介意」





子濤見到手上嘅嘢後 好呆 隔咗5秒鐘左右先輕輕對住芷莎講到句「多謝」

「唔使～陣間見」

芷莎講完就前往訓練班房
子濤就反方向咁行去教員室

子濤遇到芷莎後嘅第一個生日就係咁過
緣份嘅嘢 冇人估到 往往出人預料
之前咁多次見面 每個禮拜見至少三次都唔太熟
偏偏喺子濤生日前一日「識」
一切冥冥中注定
佢哋係孽緣定因緣？除咗當事人兩位 冇人知...






(各位 好耐冇見！真係對唔住 咁耐冇更新qwq
我一直冇呢個心情+動力去寫
一方面係唔得閒 另一方面係好唔夠膽記起 每次見到以前嘅text msg 就開始唔開心 漂翻起好多唔同點點滴滴
開心 興奮 辛酸 傷心 等等嘅記憶都突然殺入我個腦 令我即時心情跌到落谷底...
我好想完完全全放低 所以好努力咁嘗試忘記以前啲嘢 逼自己日日嫌棄佢...希望成功la：（
我唔想再鍾意佢 唔想再因為佢而影響到自己心情 唔想再因為要見佢而特登襯衫 唔想再咁重視同佢約嘅時候
總之我好想脫離苦海！！！
But睇翻我哋以前啲text真係好傷心 好唔想再睇....好想直接唔再寫落去 咁就唔使睇text 唔使諗起啲回憶

至於張卡入面寫咗咩 我真係唔係好記得 我只係記得我寫過「唔知點解覺得對你有種熟悉感」 嗰陣時係未識 但已經有咁嘅feel lol 真係好奇怪 我到rn都解釋唔到www

另外 其實我唔係太記得嗰日打後一至兩個禮拜嘅事...我記憶力時好時壞 如果有一日我記得翻 我會打翻出嚟！
如果有下一篇 如無意外係會跳咗兩個禮拜 但其實嗰兩個禮拜都一直keep住Text 仲要text到凌晨兩三點 有日最遲仲要係四點
所以如果想睇我哋無聊咁傾咩 可以同我講 我再crop翻落嚟
不過我印象中係呢一兩個禮拜開始令佢信任我 所以成日開vanish mode講學校八卦/不滿/呻教書嘅辛苦or幻想同現實嘅落差




總之啲嘢唔太出得街 所以用即焚 導致都唔係太多嘢可以crop到 我自己都唔記得之前傾過啲咩...

我都唔知下次係幾時 但如果仲有下篇...
下次見～)