【重甜】父親難做，咁不如做個鬼父: 無關重要嘅公告

大家好，我係走來走去。大家可能都發現，思穎篇我喺紙言同penana都獨立開多個位俾佢。遲吓嘅番外篇，我都會咁做，不過喺本篇度我都會跟住而家嘅流程咁，本篇夾住番外篇再夾返本篇，線性咁更新，唔會變，番外篇都會喺度睇到，唔使要去其他po度睇，呢度都可以睇晒。

我之所以會想獨立開多個位俾番外篇，主要係我想分得仔細少少，方便自己，又方便人睇，而且仲可以呃多少少流量（誤）。近排因為以前嘅章節開始死圖，於是乎我就逐張補，順便當執吓字，但我補補下執執下先發覺，我啲圖冇分類過，啲文又冇分類過，要補要執真係玩死自己。雖然最後我執好晒文補好晒圖，但真係勁辛苦。

於是乎我開始諗，呢個故都更新咗好耐，章節都越來越多，而且仲分咗本篇、思穎篇、小晴篇，遲下都會有更加多番外篇，所以諗住分好纇。本來係想將google文件嘅文，將唔同章節、番外篇分好晒分頁、子分頁。但當我分分下，又發現google文件嘅分頁只可以分100個，最後我將所有番外篇開多個google文件檔嚟放。既然咁，不如都喺紙言同penana分好埋佢，所以我就喺紙言同penana都獨立開多個位俾番外篇。

不過到最後，其實要感謝大家一直以嚟嘅睇文，陪我癲足咁耐。