毒撚都可以召喚老婆？幻想同步異世界: 第八章：異世界築夢
《第八章：異世界築夢》
交歡完之後，我攬實住榮子，佢嘅體溫包圍住我，攬住佢就好似攬住全世界。喺交纏過後，我哋冇再講多一句，只係安靜咁擁抱，聽住彼此急促變得平穩嘅呼吸聲，喺營火閃爍下慢慢進入夢鄉。
我只記得最後一眼係望住佢微笑嘅臉，然後就喺一種半夢半醒嘅狀態下，身體好似被一陣無形力量輕輕一拉——畫面一轉，我已經喺自己間房張床上瞓醒。
手機鬧鐘刺耳地響起，顯示時間係早上7:00。我攬住個枕頭，望住天花板發呆，仲有少少唔捨得醒。琴晚同榮子嗰場纏綿，畫面清晰得好似仲喺眼前：佢嘅體溫、呼吸、柔軟嘅觸感、同埋佢望住我嘅眼神……樣樣都好真實。
腦裏面不斷重播住榮子嗰對白滑巨乳、溫柔舌頭、同埋佢騎上嚟果陣個畫面……搞到我起身嗰陣，條褲都頂起晒，條褲都濕濕地。我輕輕嘆咗口氣，喺床邊坐低，用力拍吓自己塊面。
「唔好再諗啦，返工啦你條廢柴。」
洗面、刷牙、沖涼，出門。一路搭緊巴士返工，我坐喺窗口邊望住出面嘅景，腦海不停重播昨晚發生嘅每一秒。個巴士晃下晃下，我又忍唔住靠喺車窗度打下盹，幻想緊夜晚可以幾時再返到去榮子身邊——只要一瞓着，我就可以再見佢，真係等唔切夜晚嚟臨。
呢排已經唔只一次發生呢啲事，我開始意識到，只要喺現實世界訓着，個人就會返去異世界。
呢個狀況維持咗大概一個星期。
每晚一返到屋企，食完飯就即刻瞓覺，落異世界搵榮子。白天就返工撈人工，夜晚就喺異世界度打怪練等收素材，再同榮子一齊沖涼、愛愛，然後攬住訓。
就喺呢段時間，我開始發現咗一件事。
異世界嘅時間流動，比現實世界快好多。
大概我現實訓三、四個鐘，喺異世界已經過咗成日。一日兩界咁遊走，我已經習慣咗呢種生活節奏。
AI助手每日都會發任務俾我，通常係：「收集X樣素材」、「擊敗某某怪物」、「探索某某地點」。
完成任務有錢賺，而我就靠呢啲素材賺嚟嘅錢，慢慢儲資金。
榮子每晚都會等我，等我返嚟帳幕一齊食乾糧、分享當日戰況、再一齊沖涼然後啪完訓，係咁loop。一個星期後，我終於升到Level 10。
「恭喜玩家達到等級10，已開放技能點數分配系統與裝備製作功能。」
腦內AI用平淡無奇但依然串嘴嘅語氣彈咗句出嚟。
【技能分配介面已解鎖，快啲去配點啦，唔好咩都靠女人啦屌你老母。】
我呆咗一呆：「吓？你講咩？」
【不如我教埋你溝女屌你老母，女就我教你點溝，嘢就你仆，如果咁樣你都叫召喚者？】
我苦笑：「你夠串喎……」
AI：【串你都要串醒你！而家配點啦，點？想成為物理坦？遠程弓箭手？定係咩補師？】
我望住介面，真係好似細個玩Online game，STR、AGI、INT、DEX、VIT等stat點晒出嚟。
我心諗：「唔係啩……真係RPG咁樣玩……」
不過老實講，我明白，唔可以單靠榮子幫晒我。每次出去打怪都要靠佢保護，自己就只係做撿垃圾同素材嘅人，根本唔夠carry。
呢段時間，我靠素材賺錢，終於喺手機商城入面買咗一啲現實世界嘅武器，例如簡單版嘅弓箭。
點解係弓箭？因為AI商城裏面啲槍械武器，價錢高得嚇死人；再者，榮子都話：「主人，如果你喺呢個世界用啲太過先進嘅武器，會引嚟不必要嘅注意。有啲盜賊或者貴族可能會對你出手，到時我都未必護得住你。」
結果我選咗弓箭，夠靜又夠遠攻，至少唔會太高調。
而家升到Level 10，裝備製作功能開放，我第一樣做嘅唔係造武器，而係防具。
我搵AI幫我scan手上所有素材，再列出可以製作嘅基本裝甲：皮甲、輕型鐵護肩、簡單靴子。
「AI，我想做啲耐用少少嘅，點解啲素材唔夠？」
【因為你日日都掛住返嚟啪老婆，邊有時間真．farm素材？】
我：「屌你……」
【講真，你長期喺異世界行動，係時候諗下要有落腳點。】
就喺AI講完呢句，我腦入面彈出咗個商城推薦：
「簡易貨櫃屋x1，價錢：80,000 G（特別優惠）」
我心諗：「咦……咁唔使再夜夜喺森林紮營，起碼有個穩陣嘅地方修煉、儲存素材、搞……嗯，榮子都可以舒服啲。」
結果我二話不說落咗單，隔日貨櫃屋就「啪」一聲送咗嚟森林邊緣，仲有簡單太陽能發電、冷氣、床褥、廚房、廁所，雖然唔豪華，但夠住同有返啲生活上面應有嘅基本質素。
當晚我帶住榮子走入新屋，佢就好似成個女主人咁巡視晒成間屋，當然啦，呢間貨櫃屋好多現實世界嘅嘢相信喺異世界亦都冇出現過，好多嘢對於榮子嚟講都好新奇有趣，例如座廁啊水龍頭等等…榮子亦都玩到發晒光，好似成個小朋友咁，同平時嗰個形象有好大落差。一輪嘅感嘆之後榮子好滿意咁話，以後就交間屋俾佢打理。呢一刻我嘅感覺就好似娶咗個老婆咁，有種好似展開新婚生活嘅感覺
入到睡房，佢睇到張床之後，第一句唔係問張床硬唔硬，而係望住我，露出一抹略帶嬌羞又誘惑嘅微笑：「今晚……可以舒服啲服侍你啦，主人。」
我心入面一震，然後身體再次誠實咁反應起嚟……
（第八章完）