即將震撼香港地下樂壇！是哪位？是哪位？是突如其來嘅李白！: 《漫天琵琶任天飛，俯拾即是808Base 》

「一撥二揉，三搖四掄；五掃六拂，七彈八挑」
右臂熟悉既指法，彈奏出窈窕熟女，按摩指壓。

嘴角自信地上揚，向身旁某某秀才微微笑道：
「左臂推、拉、按、滑，呈現長！腿！白！滑！」

我橫抱演奏，手舞足蹈，一臉享受，並說道：
「此乃天下第一神器—琵琶。未請教，請問閣下姓什名誰？」

如此優美，實在令人垂涎欲滴。只見秀才蹙眉斂額，一臉疑惑，未聞其趣，一連珠炮從口中向我道：





「我叫做撻酷，係一位地下音樂人，我本以為今次發起既聚會肯定無人問津，直到你既出現，燃點返我小小既鬥志。呢度係我工作既地方『是雕·條傲』。雖小，但設備齊全，唔好介意。」

說畢低頭雙手合十，祈求拜托之意盡顯有趣表情包。我隨即收起意淫笑臉，揮一揮寬袖既長袍，脫下紗帽，解開腰繫玉帶，除下腳踏皂靴，手持琵琶瀟灑飄逸地坐了下來。

『是雕·條傲』，雖則不明，意味卻甚深，雕似臥虎，傲似藏龍。我在心中暗自思忖一番，問：

「撻酷，我對你條傲十分感興趣，願聞其詳洗耳恭聽。」

「好，等我簡單介紹。呢部叫Elektron Analog Rytm MKII，開關擺係"input"時808唔會自己郁，需要連接Roland，當我切到"output"時就可以直接拎黎控制Roland既其他產品。」





「是也….是也….」我堂堂詩仙竟然一句都聽不明白！

「呢度係輸出孔，呢度係電源。當你將模式選擇切到PATTERN CLEAR，然後按紅色既TRACK CLEAR掣就會將你所選擇既音軌刪除，第一同第二部分都可記憶一組編好既旋律，一共有MANUAL PLAY手動、PLAY同COMPOSER 編曲，三種編輯模式可以比你選擇。」

「是也….是也….」我堂堂詩仙竟然第二句都聽不明白！

「至於樂器或姐音軌選擇，當模式係第一或姐第二部分果陣，呢個掣就係選擇要編輯何種樂器，姐係連你手上既琵琶都得，如果模式切係play或姐compose，呢個掣就係用黎播放所指定同埋已編輯完成既旋律。」

「是也…是也…」我一頭霧水，可是手上既琵琶卻聽得很明白。





「而呢個係自動填充選擇，當模式揀咗係MANUAL時按步驟掣12可以將你所揀既填充物插入，一共有16、12、8、4同2呢幾鍵可以按，同埋節奏速度控制好重要，就連聲音選擇既器用、修改樂器的聲音，都會將重音強調係以同一步驟編寫既任何聲音上。」

「如果擺在"A"同"B"即"AB"位置之間，咁個"A"掣既聲音將會先放，然後先係"B"既聲音……..」

「長度預設預設咗每個節拍既步驟多寡，時間代表既意義係1 = 6/8、2 = 3/4、3 = 4/4以及4 = 2/4………」

「我輕輕講解下咁啦，希望你明白，係呢，你又叫咩名？…喂？喂？？喂？？？」撻酷見我未有反應，拍了拍我的肩膊。

元神已經出竅的我，即陌生，又興奮。一時之間，無言以對，靜默數秒，隨手寫下：

「古時漫天琵琶任天飛，如今通街808BASE。」