即將震撼香港地下樂壇！是哪位？是哪位？是突如其來嘅李白！: 《BATTLE賽前練習，竟然是練這個？ 》

我被三巨頭帶到樹下乘涼，偽裝一副緊張又仰慕的心，試圖迎合埋堆。

「好高興可以加入NOVEL！」我非常激昂、高八道。
「無他既，唔撚夠腳丫嘛，時間無多，馬上開波。」Novel ANGUS隨即從頭巾裏拿出印有『洪爐火』三字既啤牌。
「開咩波呀？咁快雙人劈桃啦？我洗唔洗撥住葵扇咁吟詩作對呀？…」我禁不住擺出了八兩金的姿態。

「係rap之前，手先要郁，手部動作係好緊要，好影響你既舞台觀賞性。行雷！」Novel Thunder 用左右手既姆指、食指同尾指夾住整副啤牌，從牌中準確挑走兩隻Joker出黎，其後以掟標既手勢，一一交給Novel Monday，認真華麗猶如魔術師，令嘍羅們不得不向老大刷鞋：「渣住曬啲Dee，打到班契弟變Deedee。」

「餓死派，坐椅利息過河？」Novel Monday亦不遜色，一張又一張從口中接住，亦不忘向我開口交待佢洗緊牌，仲關心我識唔識鋤Dee。





「下，我…細個鋤……鋤..禾日當午架咋。」我一副認真地想起了種田的美好日子。

一派完牌，風吹草動，剎時之間，風聲鶴唳般似的年代氛圍感緩緩驟降，邊個揸住隻大dee，邊個攞住隻階磚三，都可以從眼神，一舉一動察覺出來。

此時此刻，大家神情變得非常僵硬，突然！被Novel Monday以『阿婆嗲氣聲』一句話打破沉默！「幾時都話～乖孫岩～，先出一隻～階磚三～」

Novel Angus同Novel Thunder擘到隻眼勁大咁你眼望我眼，令到我都有樣學樣，有咁大擘咁大，深怕被識穿手裏牌。隨後Novel Angus以重低音，既嚴肅、又好似含住舊屎咁，逐字吐出：「我 講 野 可 靠，同 真 實，再 出 多 隻，紅 心 十。」說畢震動了樹上既葉枝，緩緩打圈飄落，為佢既頭巾上再添加一層葉環。

「傾計傾到跌落渠，King係代表我行雷！」Novel Thunder隨即雙手抱拳，打向自己胸口，可見其虛張聲勢程度。講完就到班嘍羅昅昅副牌附和：「老大好野，老大無得頂！嘩，呢鋪你贏硬呀，無得輸喎。」說畢互相用胸口碰撞慶祝，只見Novel Thunder默默無言，其舉止已被眾人揭穿，他已打出自己最大的牌了。





係時候到我出牌，絞盡腦汁，冥思苦索，嗌PASS實在有失威風，靈機一觸，我決定…

「就8910JQ 啦！」

眾人哇聲四起，議論紛紛。
「打一隻你出五隻？」
「我條女幫我吹又唔見我射五獲既？」

三巨頭為平息眾人怒火，開口質問：「此牌何解？比個理由我啊唔該。」





我被灌注詩仙嘅力量，徐徐站立，以啤牌作為合歡扇，慢步而行，曰：

吾揮擊出蛇花，
八完九十積累；
汝妻叫我射啦，
擘完口實識吹！

Angus頭巾上打緊圈既葉環散去，變成『8=====D』的形態紛紛飄到我的褲浪下。

眾人既表情😑😑😑😑😑😑😑😑
一時之間，風雲色變，飛砂走石，激起大家既勝負慾，節奏都變得越來越快。

「床上有碌柒！34567！」
「奸奸濁濁狡狡猾猾！33669988！」
「🎼有你有我有秤有草有煙有義～444542494A42～🎶」





並拎扮爛一聲係電光火石之間，紙牌四散，邊個渣住隻dee做大佬，又或姐邊個有話事權行先，一切都變得唔再重要。
鋤大Dee就好似Rap battle咁，好需要你記憶力同對抗性，記住上家出過既牌，記住上家講過既說話。從本質上係一樣，牌類遊戲，輪流出牌、比大細，最先出完牌者勝出。同樣應用於Rap battle，說唱比賽，輪流演說，依照出色既詞彙、流暢既韻律、即時既應對、韻腳既策略、精湛既語句黎帶動全場氣氛，最引人入勝者為Rap King。

突然一班小嘍羅破壞了氣氛：「咁撚多隻4既，屌你老未出老千，呢鋪係我大佬贏！」