原來我喜歡男生.....: 01. 升中一

我叫阿熙，今年升中一，好幸運可以派到去區內的保良局中學，因為呢間學校對比同區中學嚟講，已經算係好好。以我所知，同我一齊由小學升去讀保良嘅，都有十位左右，不過全部都同我唔同班….因為我考Pre-S1的時候都係亂考，所以可能因為咁樣分咗去D班。

分咗去D班，我一個朋友都無，所以開頭都好少講野，小息都係自己坐係課室度。不過好彩我隔離位嗰男仔，阿峰，對我好好，會主動撩我傾計，於是佢就成為我第一個係中學認識嘅朋友。
 
阿峰好明顯仲係未變聲，而且矮矮地，所以每次同佢傾計嗰陣都覺得佢好得意….而且佢份人好好，好單純，基本上問佢咩野都答。好快我就同佢越嚟越熟…..