原來我喜歡男生.....: 03. 內心的恐懼

從來無諗過，我竟然會因為拖男仔隻手而有呢啲反應…..

回想咁多年小學生涯，雖然偶爾會掂到男仔/女仔隻手，但今次係第一次可以長時間拖住對方隻手….而呢個人，仲要係我對佢有少少感覺。

不過當下我唔想比人見到我扯旗，所以盡量唔諗呢方面的事。直到社員大會結束，我估都無人留意到呢件事。

「你陣間可唔可以留低，我有啲野想問你。」正當我諗住拎起書包走人，阿峰突然同我講咗呢句。

阿峰突如其來的一句說話，即刻令到我心入面有好多個問題浮現出嚟。到底佢想問我咩野呢？佢係咪發現咗我扯旗？佢係咪覺得我好嘔心？定係佢只係有其他野想問我呢？



無論點都好，我都知道我無可能拒絕佢，於是我就跟住佢的步伐，慢慢從禮堂離開。