香港人傷痛嘅故事，我冇用被綠了: 4

荷官姐姐派完錢收完牌就同我講一係你呢鋪就買兩萬贏埋走，一係就呢鋪都唔好買睇下你諗嘅啱唔啱先買，荷官姐姐咁樣同我講好似有提示咁，果然有個大肥佬大陸佬已經坐低咗擺咗5萬落個閒到喇，按之前嘅嘅路如果跟住就係4個閒嘅，我突然有啲猶疑，望下自己啲籌碼有16萬4萬自己嘅12萬贏返嚟，好啦就睇唔買啦，荷官姐姐笑一笑，冇再講嘢，可能因為有其他人落注了，閒有三個人投注了一個肥佬5萬一個伸手嘅5000一個坐低嘅2000開牌，閒5萬嘅肥佬睇牌，莊未開，肥佬甩完牌揸住牌叫荷官姐姐開牌，一開，哈哈，肥佬用普通話操了，8輸9起身掉牌即走，荷官伸手去拎牌放回，另外坐係到嘅2000投注男都起身走了，後面嘅伸手男仲係到，荷官姐姐就同講慳返啦，笑一笑，我話係喎，慳返兩萬呀，照咁睇可能長莊喎，荷官姐姐又笑一笑，我話係咪呢你估，荷官姐姐話你頭先贏嘅時候你都冇問我嘅，你而家問我姐係冇咩信心啦一係買小小一係唔好買，我話你又啱喎，伸手男聽唔明我哋講咩已經坐低咗放了一萬係莊，我就睇睇先，荷官準備開版又有人衝埋嚟落咗兩萬莊，卒之開牌啦，伸手男收咗牌同我一樣，閒開版先，兩萬落注個個冇睇牌企係到睇，閒開4點2加2對子，莊伸手男甩完開咗牌2加公仔2點小朋友對小朋友，閒莊各補牌，伸手男叫荷官姐姐閒開埋佢嚟隻公仔姐係閒都係4點，伸手男好嚴肅咁甩甩甩企係到個個睇到我睇唔到，係咁叫吹吹吹我就知係3邊啦，因為一邊甩完又一邊…轉咗牌甩再嗌吹就知…吹唔到8點…2加8等於0莊冇點4對0閒贏又爆，伸手男都起身喇，後面果個都走咗，荷官姐姐又對住我笑啦，嗱你睇係咪，我係到笑話真係，幫我慳返兩萬又慳可能一萬，咁好啦唔喇多謝晒你指點我呀16個一萬籌碼幫我換返大碼啦，15個伸出去換了一個十萬個五萬，荷官姐姐就話咁就啱啦唔玩，贏12萬好好了你4萬本，收回兩個大籌碼之後我係銀包拎咗兩張一千蚊出嚟，比荷官姐姐做貼士，荷官姐姐話唔啦你袋住啦，贏多啲啦，我話你都袋住啦，荷官姐姐細細聲話唔係我落晒袋㗎要全場分㗎，咁都好啦小小心意，咁不如咁啦換兩千蚊籌碼比我，荷官有啲奇怪，兩個500一個一千，哈哈我明啦你想買對子同和呀嘛，我話係呀，哈哈，就咁啦中嘅咪多啲分囉，唔中嘅咪由佢囉好嗎，荷官姐姐只係笑，冇人買我哋就咁開牌，閒34冇莊21冇晒對子，哈哈我哋兩個都笑咗，莊補牌我好大聲嗌4呀4呀4呀，企係側邊嘅主任都笑了，哈哈哈哈哈哈，真係真係4呀，哈哈哈哈哈哈，主任笑咗荷官姐姐都笑咗，派錢8000原注1000贏7000有9000，荷官姐姐叫我收錢，我收完遞呢9000蚊去話貼士，荷官姐姐話好啦多謝，不過咁你袋返呢2000LuckyMoney唔好換咗佢，荷官姐姐比返2000我收咗我7000同監場主任講客人貼士7000，主任多謝我，其實隔離枱兩個荷官都聽到同睇到，係到笑我，哈哈，傻仔呀，哈哈，我起身走了，行到一半就比兩個西裝友捉住咗我，咩事呀，你好呀先生睇到你頭先玩牌贏錢，好多謝你醒我哋員工貼士呀，對我哋係一種鼓勵，咁嘅冇咩特別只係想送兩晚酒店比你休息下同埋送個6880籌碼比你答謝你哋支持我哋姐，先生你去櫃檯簽個名就可以拎得㗎啦，又會咁好笑嘅，哈哈我啱啱先比你哋7000你哋就送返6880比我又送酒店我，係呀多謝你哋呀嘛，我哋都係咁啱睇到你唔係刻意睇住你㗎，請你唔好誤會，只係你嘅熱情令到我哋多謝你，而家好小呢啲客人咁熱情啦贏錢都好小人比貼士啦，咁好啦我收咗佢再贏再醒你哋員工啦，好呀多謝你先先生，係啦我哋幫你個會員升級咗，你下次嚟玩會有相對嘅優越服務，哈哈咁好嘅我玩咗十幾萬好小炸喎，哈哈呢個係我卡片呢個係我同事卡片，犀利兩個都真係高層，唔怪知可以隨便送，好啦再講啦，去櫃檯換返16萬，兩粒1000幸福籌碼就留住啦，先生頭先高層比咗信息我哋你係咪X先生呀，麻煩你身份證會員卡呀，有6880娛樂籌碼送返比你㗎，簽完名拎現金16萬拎埋6880籌碼，真可愛6個1千1個5百3個1百3個25蚊1個5蚊，呢80蚊點玩，哈哈，貼士嗎，哈哈，留住先下次先嚟玩LuckyMoney，酒店都唔住啦，已經十點幾喇，快快趣拎12萬去買隻靚錶買條靚鑽石鏈比我老婆先，出咗賭場叫車飛的去老澳門錶鋪睇下有咩靚嘢先，係呀我係新澳門果邊玩所以買嘢要飛的去返老澳門果邊喇，時候都唔早，名店開嘅關，靚錶嘅都冇得買，囉有炒價買啦，好快去到老澳門一百蚊唔洗找落車睇完一間又一間，第一間啲態度好似唔係咁好咁睇兩睇hea答，經濟咁差都咁嘅態度不了88，去第二間睇到有我老婆鍾意嘅最顏色靚錶，睇睇個價錢牌先， Relax123456全新有卡全套$148800，上網睇睇先，比原價炒貴了5萬喎，不過算啦，贏返嚟嘅，做生意都冇了，就買啦，拎疊現金出嚟先，有誠意嘅我，老闆你好我想睇下呢隻錶呀，好呀老細，有錢就係精神，坐低幫我點埋口煙先慢慢睇，老細呢隻新卡新日期全新全套呀老細贏咗錢買比老婆呢老細，係呀你真聰明，咁啦老細睇啱就146800啦，好意頭呀老細，咁啦老闆你咁爽就一人行多步啦144800即比，1448還好意頭，成交多謝老細，就咁打包了，呢間老闆真爽後期上網睇返香港都要呢個價，回收都係13萬多，一萬幾千總係要比人賺嘅，老細加個微信下次再贏錢再幫襯，到時你買隻男裝同老婆情侶錶嗎老細，好呀，承你貴言，係啦老闆，你有冇全新嘅鑽可鏈呀我想買條比我太太，不過下次先，睇咗先想，有呀老細，睇下先啦，嗱嗱嗱呢條幾好㗎唔貴又係大牌了周XX有單㗎，原價8萬幾而家先係5萬蚊，大方得體呀老闆你拎放大鏡睇睇全新架冇打磨冇花㗎，唔係呢人輸錢賣㗎，係配搭新品新貨嚟㗎，我賣緊6萬㗎你香港人你又爽快直接一口價5萬就係，你可以落住2000訂先下次先嚟拎都得呀，就咁決定啦，兩張一千開單，專業A4單都有彩色圖單訂金尾款48000港元限期一個月，多謝老闆，多謝老細你至真，唔講啦趕返香港搵老婆，哈哈哈哈，今晚開心開心哈哈哈哈，的士飛去金巴返去搵老婆，16萬買完仲有萬零蚊剩返去比家用老婆，完美，下次有時間先嚟贏埋條鑽石鏈比老婆，差唔多凌晨兩點先返到屋企返到屋企開房門老婆已經瞓咗啦，我走去食支煙沖涼先返房，上床摸下老婆諗住比個驚喜佢…