香港人傷痛嘅故事，我冇用被綠了: 決定

我理智知道呢一刻我衝埋去，冇證冇據，只可以講其他嘅說話去瞞我去呃我，就算影到拖手嘅相都可以講唔代表啲咩嘢，但係我亦唔想知道個事實， check in 好男人走去老婆身邊準備去搭𨋢上酒店房，依我已經行唔郁亦都唔想行過去，慢慢理性又或失去理性咁走咗去𨋢口附近人都比較多試一試衝埋入𨋢拉低頂帽戴實個口罩，心跳加速，唔知叫好彩定係唔好彩喇，佢哋完全冇留意到我近距離係㗎𨋢到，我先入𨋢先佢哋係外面出先，我刻意唔出𨋢住，等等佢哋行咗先，差唔多關𨋢門我再按開小心翼翼出去，真係心驚膽跳，好彩分兩邊走廊，有個轉角位，我慢慢提起腳步尾後觀察，終於睇到佢哋拍卡入咗房啦，房號清楚記低，我已經知道一切已經係我所想我所諗嘅啦，其實我已經可以走又或者可以拍門再或者就係可以等佢哋完咗再算，千萬個想法心如刀割，最後嘅決定…