每消滅一隻怪獸，我條女對波就大一個cup！: 70

本來我其實都唔知有呢單嘢，直至到有一日上網見到有人share佢啲相出嚟，而我「有幸」揸過晴天博士對波，印象深刻仲記得佢心口左邊有粒墨，所以望左兩眼就認到。

男人扮女人賣J圖，咁都俾佢過到骨，最荒謬嘅係，條友竟然靠賣相，喺短短半年內就還清曬一大筆賠償費。

以前聽人講Patron賣相好賺錢我都唔信，依家我信啦。

諗諗下，Yanny個IG有咁多followers，其實都應該好好加以利用，鑿嗰班麻甩佬一筆。

只可惜Yanny唔鍾意見到自己啲相俾人cap低放上網，再俾成班人圍埋一齊J，所以佢索性del咗成個IG，以後都唔po相。





對我嚟講就無乜所謂，本身我唔係好介意自己女朋友俾其他人J，反正佢地都係得個睇字，但我就晚晚攬住對波瞓覺。

然而對於Yanny嚟講，變成大波妹之後，生活上的確有啲嘢唔同咗。

例如出街會成日俾麻甩佬𥄫、公司男同事又不時借頭借路接近佢，甚至逼巴士嗰陣，仲會有人批踭搏懵。

試過有一次Yanny喺街上面遇到有個麻甩佬抽佢水，佢成個人當堂嬲到震，憤怒值直線上升，即場變成女巨人，仲爭啲一腳踩死嗰條抽水嘅麻甩佬。

後來呢單嘢上咗新聞，自此全香港幾乎個個人都認得佢。





本身我都有啲擔心Yanny變成大波妹，可能會被其他人溝走咗，但係自從班鹹濕佬見識過「女巨人Yanny」，個個嚇到怕曬，無人再唔敢埋佢身。

咁當然，就連我呢個男朋友都唔敢隨便激嬲佢，因為隨時都可能會受罪。

「朱大志！你條友仔又喺度𥄫女？」

「無呀…我眼尾都無睄過一下…」

「你講大話！我頭先明明見住你眼甘甘望住個學生妹！」Yanny一路講，憤怒值一路飆升，同時佢嘅身體開始變大。





好快成條街嘅人就望曬過嚟。

我尷尷尬尬，一時口窒窒，唔知點答好：「Er…Er…我…」

「你答唔到，咁即係默認啦！」

Yanny眨下眼就發嬲變成女巨人。

佢用兩隻手指稱起我，再將我放入條波嚹，用對波夾實我全身。

「點呀！你認唔認？」

我全身上下俾佢對波夾到扁曬，幾乎抖唔到氣咁滯。

喺咁嘅情況下，我別無選擇，唯有立即耍冧say sorry：「對唔住！係我錯！頭先我係有𥄫女！你大人有大量，請你原諒我！」





「想我原諒你都得，咁今晚屋企啲家務就交曬俾你啦。」

「好！無問題！」

「哈哈，咁就乖啦。」

就係咁，喺Yanny面前，我變成咗一個千依百順、言聽計從嘅小男人，幾乎每一日都喺波嚹中掙扎求存。

所謂「欲戴皇冠，必承其重」，或者呢啲就係我得到巨乳嘅代價。


（全文完）