天水圍成長故事: 16.試後活動

中學既時候考完試有所謂既試後活動
其實就係等放暑假
大約一星期左右，咁可以報下活動咁
如果冇報既話就係班度7下或者參加班既活動
其實我就興趣唔算大
個時既我只係想快啲放假
不過yan都係咁叫我報
因為有啲活動可以跨年級參加，咁佢就可以同我一齊
咁我就半推半就咁參加左兩個



其中一個係參觀下博物館咁
去到港島個邊
其實真係悶到飛起，都冇咩好講

另一個就值得講下，係兩日一野係宿營
地點係西貢個邊
落車之後仲要行多半個鐘山路先去到
參加既除左yan仲有阿A
山路雖然唔算太難行
但都覺得有啲辛苦，始終已經夏天


雖然未到最熱，但係太陽既照射下都行到身水身汗咁
幾經辛苦終於到營地
個營地其實同村屋冇咩太分別，有三層高
千祈唔好同北潭涌個啲康樂營比
佢真係一個幾普通既青年旅社咁

去到我地就食lunch,都係一般既野食咁，
至於住宿方面
都係分男女，男既一層，女既一層咁
因為帶隊既導師都係男女各一咁


我就特登揀左冇老師住既個間，方便夜晚唔洗咁早訓

食完飯之後，佢地話行完山梗要解下暑
就安排左水戰
水戰一開始分左兩組
我抽中左同A係同一組，而yan係對面組
一開始要準備入下水落啲波，同用繩同竹砌個架
其實我同其他人都唔太識，參加既大部分都係中三四學生
所以我都同A傾下計咁
A雖然比較肥少少，但身型都幾豐滿
佢著住件白tee短褲踢拖，
雖然小肥又唔算高，但都幾吸引