天水圍成長故事: 18.夜半七級豬

之後既活動都唔算太特別
夜晚食完飯就搞下夜行咁
就係唔比開電筒行一段路咁
個度因為都荒山野嶺都有啲靜既，成段路正常大約十分鐘咁
老師就分左大家要兩分鐘左右出發一個人
一開始大家都耍下小聰明，前面條友會行得勁慢等人
之後太明顯被發現就唔比啦
我就係排左最尾出發
我都唔知點解
行左一半左右，一切都正常


其實都冇咩好驚，不過條路又冇燈又唔比用電筒真係好暗
但前面就係樓梯，我心諗叉錯腳就仆街
正當我小心翼翼行緊樓梯既時候
我見到有個女仔坐左係度
心諗唔係咁撚邪麻
但又覺得個背影有啲熟悉
走近一睇原來係阿A黎
佢原來隻腳扭到，我問佢行唔行到佢小小哭腔咁講ok 既
我叫佢手搭住我膊頭，我支撐住佢慢慢行到終點



依件事之後我feel到yan有啲呷醋
女人就係咁麻煩，其實又係你介紹佢比我識
你地又係好閏蜜，但咁都要呷醋
半夜大家點會咁易訓
係canteen有幾個拎左副啤出黎話不如玩7級豬
今次帶隊既老師都係冇咩後生
佢地淨係叮囑我地唔好離開營地範圍就冇咩點理我地

好快有個眼鏡男講完規則之後大家就玩住學
而輸既就有大懲罰


好快大家都玩到好投入
其中眼鏡男係咁針住阿A黎玩
Set up左陷阱比佢幾次
好快大家已經食哂花生咁等睇戲

好快阿A就輸左第一局
而佢地既大懲罰係比每人打下pat pat
阿A不情不願咁企係度
一開始yan同另外兩個女仔都好細力咁打
而男仔們就老實不客氣
好大力拍落去
我就正正常常咁打，A有啲肉地所以patpat都有啲彈力幾好打
眼鏡男把口好衰咁笑A個pat pat一定紅哂啦
A滿面唔順氣咁話要再玩過