我和阿思的約會

我係啊世，唔知點解畢業後每份工都做唔長。仲借咗咭數冇錢還。老竇老母被逼幫我還咗。之後佢地就睇死我成世無出頭。所以我喺屋企我好似隱形一樣。但細佬同我都有偈傾嘅。所以佢就成為我哋嘅傳聲筒。老竇老母食飯都唔會叫我架。食飯時間唔浮頭，嗰餐就冇得食。自己搞掂！好似兩個月佢哋都冇同我講過嘢啦！你哋屋企係咪噉架？

晏晝返嚟又瞓過龍，呢餐冇著落囉。不過又唔肚餓。望下個鐘11點，大乸鑊！約咗班friend出去飲野遲曬大到。咋咋臨飛奔出門口。老竇老母坐喺度睇緊電視，細佬戴住個耳筒打機。我同細佬講聲出街，其實係同老竇老母講，不過佢哋都唔會理我。

出去搭lift。落咗兩層lift門打開。見到以前條女，佢住我樓下幾層，係我小學同學。佢條仔攬住佢入lft當睇唔到我。我企喺佢地後邊。條仔係噉摸佢屎窟，又揸又搣，佢一啲都唔介意，之後重又攬又錫。我真係想一腳伸過去。我咳咗兩聲。佢哋即刻停住，lift門就立即打開到大堂了。我冇眼睇佢哋，佢轉咗我就轉右走人。

行到街上。見到班古惑仔追個住個靚仔喊打。前邊啲人立即退後。我跟住退後點知撞到個女仔。一齊跌咗喺路邊。我立即轉身扶起個女仔say sorry! 個女仔好瘦，真正弱不禁風。我想立即走人但係佢拉住我問：你……趕住去邊呀？
我話：唔好意思啊撞親你，我冇心架。我趕時間，約咗朋友啊。
佢話：我唔係要追究。我……一個人又唔知去邊好。睇下你得唔得閑可以陪下我咋嘛。
我心諗：嘩！而家啲女仔咁主動嘅。唔緊要啦當識多個friend帶埋佢一齊去。橫掂班死仔成日話我溝唔到女。




我話：好啊一齊啊，我約咗班frient喺前邊酒吧飲嘢！
佢對住我笑一笑我哋就一齊行去酒吧度。佢自我介紹叫阿思。我問佢點解一個人出嚟？佢支吾以對，之後話同屋企人嗌左交所以出嚟行下。

我去到酒吧行咗個圈，唔見佢哋。睇嚟班死仔唔等我走咗。我心急出嚟又冇帶電話搵唔到佢哋添。我同阿思講，不如我哋喺度飲杯嘢。佢拉住我話，呢度好嘈唔想喺度飲嘢。佢帶我行左去附近一個好靜嘅公園。我哋就坐喺度傾偈。公園遠望見醫院，佢指住醫院話其實佢有長期病，經常要出入呢間醫院。今晚都係偷走出嚟。我覺得大家都好似冇親人一樣，所以傾得好投契。不過附近啲情侶個個都喺度攬攬錫錫，好鬼纏綿。氣氛影響下，我竟然咁大膽，伸手過去攬住佢。佢冇反抗。我再進一步貼塊面過去。佢竟然擰過嚟主動吻我。好快我哋就攬埋一嚿上下其手。我想再進一步。佢用手格住我。細細聲說：不如去你屋企。我開心都嚟唔切，但諗下成家人都喺屋企喎。不如去爆房？但我再諗，成身無銀，唔通爆房都要條女畀錢咩?我又諗既然佢主動想去我返屋企，返到房細細聲咪得囉，佢哋唔會發覺嘅。

我帶阿思到屋企門口才發覺沒帶鎖匙。屋裏烏燈黑火睇你成家人都瞓咗喇。我唔知點算好，撳鐘佢哋一定醒，帶條女返去就俾佢哋鬧死。唔禁鐘又入唔到去，點搞野。正在躊躇之際。阿思拉著我的手，竟然穿過大門進了去，我揞著口嚇得驚惶失措，又不敢大聲叫。我話：你點會識特異功能呀？
阿思笑笑說：你都得架，你心諗住穿過去就可以喇。你試下我畀力量你。
我拖住阿思去到房門口。照阿思的方法，腦中諗住穿過去。我一冲前，我同阿思竟然進入了房間。我開心到不得了，我竟然也會特異功能。我立即攬著阿思。開始激吻。盡情的撫摸。不知吻了多久，我抱住阿思轉身就將佢一手推落床。但此刻我呆著了。

看見床上……我自己躺著床上。床上的不是我細佬，確確實實是我。阿思看著我。跟我說：而家你知你冇特異功能啦！我大聲嗌。嗌到應該全棟大廈都應該聽到。但係屋內一點反應也沒有，老竇老母細佬完全聽唔到一樣。我問阿思即係點樣？




阿思雙手摸住我塊面細聲話：你死咗架喇。
我呆著了三秒，突然望住佢。將佢推開。坐喺地下喊。阿思也啊跟住我喊。佢話：唔好噉啦，我都好唔捨得你啊，你唔應該係噉架！我試下幫你。

佢叫我瞓喺自己個軀體上，我六神無主唯有聽佢講跟住做。佢用力將我推回軀體內。感覺好奇怪。像是瞓在一個洋娃娃身上。佢用力推但係推到一半又彈生來。如是者推了好多次。看見她筋疲力竭，氣如牛喘。我勸她放棄。但他一意孤行出盡全力要把我推回軀體內。我終於感覺返回軀體之內。但見阿思身體就如爆炸一般粉碎。我也昏了過去。醒時已經在醫院了。

我問細佬發生什麼事。她說只聽到一聲爆炸聲，還有房間一看就見我昏到床上。我在醫院住了一個多月。期間不斷打聽阿思這女孩。原來她跟我相遇那天已死了一星期。很不容易找到阿思的墓地。看見她的遺照天真漫爛笑容甜美，不禁掉下來。