黑神話﹕Ocamp新鮮人(NTR向): (5) First Impression
終於齊人返到房，將電話一路擺喺房嘅Loraine發現原來男朋友已經懷疑佢偷偷地去咗Ocamp，除咗好多個未接來電之外，仲不停Send Message質問佢，見Loraine好耐冇覆仲認定佢係存心隱瞞咁去淫camp。
Loraine企埋一邊眉頭深鎖，本來佢都想理直氣壯咁反駁，但係經過啱啱一連串嘅經歷之後，雖然最後冇完全失陷，但係確實又於心有愧，比人誤解而又無從解釋嘅困境刻晒喺佢塊臉度，佢呢個時候先諗起Andrew臨尾同佢講嘅一句。
「做咩呀Loraine BB？唔開心？」Karina主動過嚟關心佢。
見過啱啱嘅激戰，Loraine對呢個組媽嘅感覺一言難盡，完全唔知點面對佢，又唔可以露出破綻，唯有簡單答句「冇嘢呀~」帶過。
Karina都冇深究，拍拍佢膊頭就返去同其他Omate嘻嘻哈哈，同時Andrew都若無其事咁同啲組仔有講有笑。
Loraine心諗﹕明明......點解佢仲可以扮到咩事都冇發生過？繼續同我地嘻嘻哈哈？我應唔應該將啱啱嘅事同男朋友講？但係佢宜家咁嬲一定鬧死我......
思前所後最後佢決定勇敢咁覆男朋友「係呀我係去左Ocamp 但係有咩後日返嚟再講La」，然後直接Mute咗佢個對話。
......
......
......
跟住全部人沖晒涼之後，連埋組爸媽Total 6男8女集齊晒喺地下一樓間房度玩房Game，Jeannie提出為咗同令大家可以再暢所欲言啲同冇咁尷尬，決定玩咗First Impression先，男女分開兩邊坐，男Group同女Group分別開個WhatsApp Group，然後私底下幫異性每人改一個代號，然後喺跟住落嚟嘅公開問題用代號喺Group入面投票，再公開總票數結果。
男子組女子組分別喺房嘅兩個角落圍埋一齊，各人不停向對方陣型打量，女仔就望住啲男仔嘅樣去諗有咩特徵可以幫助改名；而男仔就好簡單，唔少目光都係望住女仔坐低之後短褲收束到好似冇着褲咁而露出嘅修長美腿，尤其是Coco同Jeannie對腳嘅線條就最為性感誘人，白色嘅燈光打落去反射出迷人嘅光澤。
「第一個改邊個先好？」
「不如Jason啦！佢咁高！最易諗！」
「咪住先！我地用咩方向改先？特徵？性格？定係純搞笑？冇咁易比佢地估到邊個打邊個好似好玩啲喎！」
「原來都好難諗喎......」
「咁不如改咗Andrew先啦，我都好好奇你地會改佢做咩笑死......」Angela不嬲都鐘意食花生同睇Andrew出醜，而一眾組女都相視而笑。
「就咁叫佢On9仔咪得！簡單直接！」Karina毫不留情咁笑住講。
「笑死你勁Mean囉！」Jeannie答。
「Andrew會唔會嬲㗎......」
「唓我地鐘意改咩就改咩㗎啦，邊到佢話嬲！再加上佢地班仔肯定咪又係幫我地改埋晒啲變態名！我地唔叫佢做痴漢已經好比面！」Angela挺胸叉腰咁講，睇嚟佢之前啲Camp都比人性騷擾唔少。而Loraine聽到呢度又有啲百感交集，腦中浮現一個鐘前發生嘅羞恥記憶。
「其實我覺得......佢幾似Timothée Chalamet囉......不如叫佢『甜茶』？」一個女仔突然講。
「吓唔係呀嘛？？佢喎？？你係咪認錯人呀？」Angela即刻反駁，然後佢望向其他人，點知除咗Karina同Jeannie笑咗之外，原來唔少組女都點頭認同。
「咦Loraine你覺得呢？我信你嘅眼光係正常人㗎~」Jeannie突然向企喺最邊邊嘅Loraine發問。
「吓？Errr......唔似囉......Timothée靚仔過佢十倍啦！」Loraine講完都有啲心虛，明明佢內心其實覺得Andrew算係幾Charm，尤其是無幾耐之前先同佢四目交投完，搞到差啲就身心都淪陷埋。
「真係呀！唉不過由佢啦~如果唔係改到聽朝都未改完~益晒佢添~唉原來我啲女視力都唔係好掂~」Angela好似好勉為其難咁Mark低第一個代號。
全部組女連埋三個組媽圍埋一邊細細聲密密斟，所謂三個女人一個墟，成班女仔一齊就更加係越講越興奮。
......
......
......
就係咁，所有男仔嘅代號都改好晒，同時間男仔嗰邊都改好晒名。
玩法由男仔組同女仔組梅花間竹咁輪流問問題，對家就用傾好嘅代號私下匿名投票，再統一公佈結果。
Lady First 所以由女子組問第一題先，兩邊都係啲易入口嘅友善問題。
「邊個最易相處？」票數都幾分散，分別有人投「地下Idol」、「青梅竹馬」同「二次元」。女子組個個即刻交頭接耳，傾緊究竟邊個打邊個。而認真嘅Coco同Karina就即刻喺電話Mark低每輪嘅票數。
Loraine心諗﹕我估青梅竹馬一定係思晴啦，佢個樣完全就係乖乖女樣，但係邊個似明星呢？二次元好似係啲動漫嘢？好相處嚟講應該會揀Ka姐啦！佢咁Caring！雖然佢......唉......
「邊個最似會爆4？」Loraine默默咁投咗「學霸」一票。最後投票票數多數集中喺「學霸」同「霸道總裁」度，同樣地男仔嗰邊都好想知自己係咩代號。
到第二輪開始啲經典問題開始出嚟﹕
「邊個最似褶友、唔嚟Re-u？」「Elsa」壓倒性五票，「地下Idol」攞到一票。
Loraine心諗﹕唔通我係「Elsa」？我咁頹、又唔係啲Yo嘅人......但係「褶」嚟講唔係應該投「二次元」咩？動漫嘢正常唔係代表毒啲咩？
「如果流落荒島，你最唔想同邊個去？」Loraine雖然都覺得呢條問題好衰，但係都投咗「的士佬」一票。結果「的士佬」真係最多票，而「胖虎」都有兩票。
第三輪﹕
「邊個最似會A住Grad？」「沙灘排球手」、「白雪公主」同「青梅竹馬」各得兩票。男仔嗰邊嘅投票過程望落都好苦惱，可能因為個個女仔都條件唔差，正路就個個都會有拖拍住咁畢業。而女仔就面面相覷，唔希望自己係嗰三個代號之一。
「邊個最似會最早做老豆？」Loraine投咗佢覺得幾平易近人嘅而又好主動嘅「胖虎」一票。最後「胖虎」同「甜茶」各得三票，而「霸道總裁」都有兩票。
到第四輪Karina問得開始再深入啲﹕
「OK！邊個最Jeng？嗱講明先！Jeng係包晒樣啦身材啦性格啦！總之計成個Package啦！」Karina奸笑住咁釐清返條題目。
全部女仔都豎起對耳仔聽實投票結果，投票結果係兩票「Elsa」、兩票「細廟」、一票「米高華素基」同1票「白雪公主」。
Loraine聽到兩票「Elsa」不自覺內心開心咗一下，但係下一秒就心諗﹕吓唔係喎......我求先仲估我係「Elsa」，但係冇理由會有兩個人覺得我正個喎......定係除咗Andrew仲有第二個男仔......
Loraine淨係諗起Andrew同佢表白嘅畫面又開始面紅、心跳加速。
「咩呀？？細廟係咩嚟？邊個細邊個廟呀？」Angela聽完即刻忍唔住大聲問，身邊嘅女仔都一頭霧水。
男仔嗰邊淨係有零碎嘅笑聲，但係冇人答Angela嘅問題。
「邊個最似A380？」Loraine毫不猶豫咁投咗Andrew，俊朗嘅外貌同鋼條型身材，最重要係，識咗幾日就同人表白嘅仲唔係Fuckboy？
「NBA球星」、「霸道總裁」同「甜茶」嘅票數旗鼓相當，男仔問呢條好明顯背後係想問邊個最似Fuckboy，雖然個個女仔都口講話唔鐘意Fuckboy，但係最後拍拖都係鐘意揾Fuckboy，無非都係因為人終究都係睇外貌行先，所以Fuckboy某程度上都代表最能夠吸引異性。
到最後第五輪Jeannie提議﹕「不如最後一輪你地問先啦！嗱最後一條要問啲最Deep個囉喎！」
「都得嘅，咁我問㗎啦！我地邊個最似......有Sp？」Andrew似乎一早諗好呢條問題。
Loraine同樣都係冇乜點諗就投咗Andrew，原因好明顯都係因為夜晚發生嘅事。
佢心諗﹕佢求先咁猴禽咁搞我一定係平時玩開啦......佢 隻手技術咁勁......好似知道晒女仔啲敏感位咁......又大隻......條J好似都......幾大......頂！我又亂諗咩呀！好似越諗越讚緊佢咁！癡咗線！
最後投票結果係六票「甜茶」、兩票「NBA球星」。
成班女仔不停笑，有種「英雄所見略同」嘅感覺。
「唉Andrew爸爸成日諗埋啲咸濕嘢，咁我問啲你想答嘅問題啦！你地覺得我地......邊個私底下最淫？」Jeannie用佢對迷人電眼望住Andrew嚟問。
「哇......」
男子組個個面面相覷，而大部份女仔都睇到二人嘅神情係有啲內情，佢地表情各異，或者係出於妒忌，或者係出於食花生嘅心態，當然都有聽到問題就怕羞而唔敢望而睇唔到嘅女仔，例如係思晴同Loraine。
男子組一番內心掙扎之後終於有投票結果﹕
「細廟」三票、「沙灘排球手」兩票、「白雪公主」一票。
Loraine鬆一口氣，好彩自己嘅形象都唔係咁差。
男子組個個又相視而笑，當中不乏一眼就睇得出係不懷好意嘅邪笑，似乎大家嘅口味都相去不遠。
「究竟咩係『細廟』呀？？兩條都最多票喎？邊個咁大膽又Jeng又淫！」Angela彈起身叉住腰咁講，令本來就細件嘅Camp Tee戚起，雪白幼細嘅小蠻腰微微露出，漲卜卜嘅天然大胸一連震盪咗幾下，盪到男子組個個都目定口呆。
「你陣間咪知囉！陣間公佈完你慢慢諗啦！嗱問題就問晒，嗱嗱聲公佈返你地啲代號邊個打邊個先。」Andrew起身拍拍手講。
「唓！咁KaKa你講啦！」Angela繞埋雙手望向Karina。
「Okok！首先......Jason係NBA巨星......啊球星......然後Kenny係...... 」Karina一路攞住電話筆記簿宣佈男子組每人嘅代號。
......
......
......
「最後Andrew係『甜茶』，又A380又有Sp哈哈哈笑死我！」Karina笑到停唔到咁款。
Andrew第一下意外地有啲激動﹕「吓我屌呀？但係咩係『甜茶』？」
「咁大個人自己Google啦！」Angela終於揾到機會窒返佢轉頭。
「唓！你贏囉！咁......到我地公佈返你地，首先二次元係Karina，因為我地覺得你白色頭髮好似二次元啲角色，呀唔係喎！好似唔洗解釋個名點解！」
「咩料呀！我呢啲係霧灰色唔係白色囉，講到我好老咁！」
「講故唔好駁故啦！跟住......青梅竹馬係思晴...... 地下Idol係Elka......沙灘排球手係Jeannie...... Elsa係Emilia啦......」
Loraine一路心諗﹕嗯......哦原來...... Jeannie咁陽光，沙灘都似係佢...... 哦Elsa係Emilia......吓？？Elsa唔係我咩？咁我係咩呀？
「米高華素基係Coco，細廟係Angela，最後白雪公主係Loraine。」
Loraine內心好似所有嘢都亂晒龍咁，佢即刻睇返Notes嘅投票結果，心諗﹕白雪公主？白雪公主？即係......A住Grad兩票？吓？我已經有男朋友囉Sorry！好正同好淫都有一票？？頂！一定係Andrew個仆街投我啦咁！
「吓我係『細廟』？點解呀？？點寫呀比我睇吓？」Angela一臉迷惘，佢行過去Andrew度想搶佢部電話睇，但係Andrew緊係唔肯就範，兩人好似打情罵俏咁又追又躲，矮小嘅Angela纏喺佢背後搶電話嘅時候成對巨乳壓晒落去Andrew嘅背脊，睇到男子組又羨慕又妒忌。
Loraine望住兩人好似好親密咁互動，唔知點解內心有少少乸住乸住咁。
「喂唔好再搞......我淨係可以講......係大細個細，廟宇個廟！」Andrew笑住咁一路避一路講。
聽到個字點寫之後Angela都係唔明，之但係有幾個女仔都露出恍然大悟嘅樣，有啲仲即刻笑咗出聲。
「返嚟啦Angela，我知點解啦！」Jeannie Yap手叫Angela去佢身邊。Angela即刻放開Andrew跑過去將耳仔靠喺Jeannie口邊，好奇嘅Loraine都坐近一格想聽答案。
「佢地應該係想講你廟細燈籠大呀！」Jeannie細細聲講。
Loraine聽完都終於露出恍然大悟嘅樣，望一望Angela冇G都肯定有F嘅傲人上圍，又再低頭望一望自己雖然唔係飛機場，但係自卑嘅感覺都不自覺被放大。
「即係咩？？咩係廟細燈籠大？？」身材成熟但係頭腦不嬲唔太靈活嘅Angela都仲係唔明。
Jeannie都冇咁好氣，直接講﹕「即係話你雖然細細粒但係好大波呀！」
「哦~~~唓！直接改做大波妹咪得！係人都知㗎啦我唔怕認呀！」Angela刻意挺胸咁講。
惹來全場一陣笑聲，Karina都冇佢咁好氣﹕「得啦知你勁啦！跟住到你Hold Game呀！」
「呀係喎！Err......我宣佈......大家休息15分鐘！方便我......係你地討論啱啱嘅投票結果！我都想估下邊個投邊個~邊個仔仔投咗我最正嘅歡迎主動認頭~」Angela對住組仔嗰邊單一單眼。
Loraine同思晴一齊起身去廁所，途中都係忍唔住討論啱啱隻Game。
「話說我地兩個個代號都幾淺白你Ar唔Agree？我妹妹Feel就青梅竹馬，你皮膚白就白雪公主。」
「係囉！我開頭以為我係Elsa因為我褶哈哈~」
「唔會啦~ Emilia人地講十句佢先講一句，又成日西面，你估真係靚就大晒咩！況且呢度個個都係靚女，洗比面佢咩！」
「吓係咩？我都未同佢講過嘢......」Loraine一路洗手一路講，佢估唔到外表斯文、人畜無害嘅思晴竟然一開口就講人壞話。
「呀係喎！求先你Disco Night去咗邊？我想揾你玩都揾你唔到哈哈~」思晴嘅提問伴隨住一個耐人尋味嘅眼神。
Loraine冇諗過會突然比人咁問，窒咗一窒先答﹕「Errr......我見有啲焗所以出咗去行吓，點知行行下蘯失路揾咗一大輪先返到嚟哈哈......」
「哦~~」
「呀！我想去買枝水，你返房先啦~」Loraine感覺同佢傾計有啲Chur，所以想揾個籍口嗱嗱聲離開呢個是非之地。
「我陪你一齊啦~」思晴碌大對眼好誠懇咁講。
「哦唔洗啦......不如......你返去幫我八吓啱啱邊個投咗我啊！」Loraine回報一個誠懇嘅眼神。
「哦係喎~我都想知邊個投我！咁好啦！今次唔好蘯失路啦！」