森の浪人去旅行 Season 3 （Update ：20251205 #16）: 森の浪人去旅行 Season 3 #3 20251010
讀者須知：
1. 本物品內容可能令人反感;不可將本物品派發、傳閱、出售、出租、交給或出借予年齡 未滿18歲 的人士或將 本物品向該等人士出示、播放或放映。
2. 讀者必需年滿18歲。
3. 本作品純屬故事創作，人物、插畫、故事完全虛構。
讀者責任：
1. 請支持原創。
2. 歡迎讀者到 Patreon、Instagram留言。
3. 請以Patreon登入gmail，發一個訊息列明，如「希望得到第五集。」，以便管理、多謝合作。
Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員。
森の浪人去旅行 Season 3 #3
夜晚要去見Chiara，臨出門口嘅時候，Yoyo覆咗我message。
Yoyo：Hi，整容嘅嘢？點解會問我嘅？我唔識㗎喎。
我：噢，你唔係讀緊護理咩？
Yoyo：護理？你問緊整容喎，起碼都要問啲讀醫科嘅人啦。仲有啊，我唔係讀護理，我讀教育㗎！
吓？原來Yoyo讀教育，唔係護理？唉，我真係太耐無聯絡佢喇。咁點好呢，仲同Greta 講咗話自己有辦法添。
我：咁你識唔識到啲讀醫科嘅朋友可以幫我問下？
Yoyo：讀醫科嘅，我都識啲嘅。不過，實畀人話我要整容啦！
我：求求你。
Yoyo：你要整容咩？有意外？定想參加造星？
我：唔係我，係我朋友。
Yoyo：噢，造星嘅嘢，唔洗整容啦，你睇下嗰隊MISTAKES，咁嘅樣都咁紅，洗鬼整咩！
MISTAKES ? 甚麼來的？
我：唔係啊，我朋友係有意外啊。
Yoyo：吓！咁啊，好嚴重？
我：唔。塊面有條長疤。
Yoyo：…
我：…
Yoyo：…我試下啦。
我：唔該。
算係拜託咗Yoyo ，於是我就出門口去見Chiara。出咗門口先發現，講咗咁耐話我要交返畀Chiara嘅遙控鎖根本唔喺自己度！
妖！喺Durante度啊！我離開意大利之前一路都無機會見返Durante！不過，又奇怪喎，Chiara好似都無問過咁。
既然約咗，我當然都會照出去見Chiara，只係情況已經完全唔同。
去到大堂，等咗一陣，Chiara終於再次出現喺我面前。夾起咗頭髮，但仍然係意大利高級model嘅姿態，同第一次喺火車上見到嘅Chiara可以話係一樣咁靚。今日喺尖沙咀見到Chiara真係有一種超現實嘅感覺。
我哋上咗二樓嘅酒店餐廳，坐低之後有啲唔知點樣開始話題。
Chiara：係呢，意大利之旅，好唔好玩啊？
我：好，好好玩啊。啊，係啊，本來話畀返個搖控鎖你，但係…
Chiara：噢，啊，得㗎喇，我會搵Greta 㗎喇。
我：哦？我諗應該仲係喺Greta 細佬度。
Chiara：係咩？不過，都得㗎喇，我會搵Greta 㗎喇。今次真係唔該晒你啊，如果唔係我都唔知點算，又畀你救咗我一次添。
吓，Chiara 覺得我咁樣已經算救咗佢一次，令我即刻諗返起救佢三次嘅奬勵，而唔記得咗佢對Greta 嘅冷淡。
我：啊，咁啊，咁我前前後後都算救咗你三次喎。
Chiara笑：係囉。
我尷尬硬tag話題：我救過你三次…咁今晚…
Chiara：今晚呢餐係我㗎喇！
吓？喂，唔係呢餐飯啊。
我即刻兜：哦！唔得，我主場，我請你先啱。
Chiara：哈哈，咁我要報答你㗎嘛。
我：咁…你用其他方法囉，總之，呢餐係我嘅！
仆街，其實呢餐都唔平，不過…嗱…Chiara ，你一晚肯定唔只呢餐飯嘅價啦，你間房就喺上面，好簡單啫。
Chiara苦惱：其他方法？唔…無喎…
我：啊…你用你平時嘅方法就得㗎啦…
Chiara：平時嘅方法？唔係好多人好似你咁救到我咁多次㗎喎。
我再大膽啲：你同Greta 、Tania無傾下呢啲無聊嘢㗎咩？
Chiara：無聊嘢？
我扮講笑：好似，「喺街上遇到白馬王子英雄救美咁應該點回應呢？」之類。
Chiara：唔，係有傾過類似嘅嘢嘅…
好明顯，Chiara知我講乜喇，Yes！
Chiara突然好凝重咁同我講：Mori，其實呢啲都係我哋model之間嘅…唔…可以話係秘密？又或者係無聊時吹嘅水…
我等待Chiara繼續解釋：…
Chiara：…我哋model之間，有一個講法，就係如果遇到啱嘅男人，都要畀佢救自己三次，先可以…
我：…
Chiara：…先可以畀一晚佢。
我極力扮鎮定地意外：哦？又會有啲咁嘅講法嘅。
Chiara：因為我哋呢行好易鍾意人，如果唔set啲限制，咁…咁會好亂㗎。
我：…哦…
Chiara：但係都係講緊行內人啦，你…你唔會係想…？
嘩，Chiara咁樣反問，我…我…
我：…我…
Chiara：其實我覺得…Mori 你真係一個好人嚟㗎。畀你救三次，其實…就算跟返我哋model之間嘅講法咁報答你…我覺得…都唔過份啦。
係囉！就係咁囉！
Chiara：不過，我知Mori你唔係想咁嘅！
吓？
我：Chiara…我…
Chiara突然叫咗一聲：啊！
我：…
Chiara：係咁嘅，我臨嚟香港之前，其實我啱啱同咗個男仔一齊啊！
吓！！？
Chiara面帶抱歉：所以，我諗我都係用其他方式報答你好啲啊…唔好意思啊…Mori…我…我有男朋友啊。
我：…
Chiara補充：我估你可能唔信我㗎，但係…我唔似Greta，佢長期保持單身。Tania啱啱入行，佢仲會想玩。但係我，我想要個穩定嘅關係啊。雖然你係救咗我三次，但係，我
都唔可以背住男朋友…畀你…
我呆咗一陣，唔知點回Chiara。
明明我就合資格扑你，你而家搬龍門！
我好仆街咁即刻轉彎：儍㗎咩，講笑好喇！
Chiara都對我苦笑。
我強忍極度失望嘅情緒：啊，其實呢，Greta喺意大利發生咗啲事啊。
Chiara突然沉默：…係啊…
妖，扑又唔畀扑，又對Greta嘅事咁冷淡，我第二次提Greta 有事喇，至少問下發生咩事掛！
我：你好似唔係好關心Greta 咁嘅，你哋唔係朋友咩？
Chiara無講嘢：…
呢個時候，Chiara 手機突然有message到，佢一睇，講：吓？
我：…？
Chiara 突然擺出一個喜出望外嘅表情，右手揞口，講：唔係掛？
之後，Chiara 就慢慢冷靜落嚟，對我講：唔好意思啊，我男朋友畀surprise 我，佢突然嚟咗香港，佢嚟緊呢度啊。
我：吓？
Chiara：咁就好喇，嗱，我無講大話㗎，我真係有男朋友㗎。
我：啊…咁…咁我走先？
Chiara：唔洗，你食快啲就得㗎喇。
嘩，多謝晒喎，唔洗走先但要食快啲。
喺Chiara 催促之下，我哋好快食完。Chiara話佢男朋已經喺大堂，叫我都一齊去見下，順便介紹埋畀我識。
其實我咩癮都無晒，嗱嗱臨走人好過。
落到大堂，一位攞住一紮十幾支大玫瑰花束嘅歐洲男士企起身回望我同Chiara。
我即刻呆咗，唔係，我係呆L咗。呢個所謂Chiara 嘅男朋友，竟然就係飛機上面認識，抽空姐水嘅電影人兼大學講師Antonio ！！？
Chiara即飛撲去Antonio 度連𡃶幾啖，接過花束，對Antonio 講：等我介紹你識，我嘅香港朋友，Mori。
Antonio都覺得意外，伸手握手：Hey, good to see you again.
我：Hi.
Chiara：吓？你哋識㗎咩？
Antonio：喺飛機識㗎。
Chiara：咁你實知Mori 係畫家喇。
Antonio ：係咩？原來你係畫家啊，咁搵日要欣賞下你嘅作品先得喇。
Chiara又對我講：Antonio 拍戲㗎，你哋可能好多嘢啱傾㗎。
同佢傾？佢咪又同我傾點抽靚女水。𨳒，Chiara 同得Antonio 一齊，咁實無啦！
喺飛機上面，我多少都好似認同咗Antonio，所以又唔好意思而家爆佢抽空姐水大鑊。唉！咁我都無謂糾纏喇。
我：咁就好喇，我哋搵日再傾，唔阻你哋。
就係咁，我行出酒店，回身望住Antonio 搭住Chiara 膊頭入𨋢。
森の浪人去旅行 Season 3 #3 - 完
成為Patreon免費會員，支持香港原創。
http://Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員。