森の浪人去旅行 Season 3 （Update ：20251224 #18）: 森の浪人去旅行 Season 3 #17 20251212

讀者須知：

1.  本物品內容可能令人反感;不可將本物品派發、傳閱、出售、出租、交給或出借予年齡 未滿18歲 的人士或將 本物品向該等人士出示、播放或放映。
2. 讀者必需年滿18歲。
3. 本作品純屬故事創作，人物、插畫、故事完全虛構。

讀者責任：

1.  請支持原創。
2. 歡迎讀者到 Patreon、Instagram留言。


3. 請以Patreon登入gmail，發一個訊息列明，如「希望得到第五集。」，以便管理、多謝合作。

Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員。

森の浪人去旅行 Season 3 #17

我落返樓，搵個位抖下氣。爽係爽，但突然咁樣執劑大姐姐真係幾攰。

我WhatsApp Yoyo，表示成功討好Prof. Yau，然後我就向Yoyo聽緊talk嘅嗰個theatre行去。



我到達theatre嘅時候，個talk已經完咗。我入到去，見到只有Yoyo同應該係今日講talk嘅講者喺度。不過，最令我錯愕嘅係，呢位教授竟然就係Chiara 嘅男朋友Antonio！？嘩！𨳒，又係你！？

Antonio對Yoyo講：Well，你呢個問題真係問得好好啊…Yoyo同學…不過啊…

Antonio見到我出現，同樣愕然：噫？你唔會係嚟搵我掛，好兄弟。

Yoyo 都見到我，聽到Antonio咁講：噫？佢係我朋友喎…Antonio 你識佢㗎？

Antonio：識…畫家嘛。



Yoyo：噫？咁啱嘅…咁不如我哋一齊食飯囉。

我仲未攪清楚咩事，Yoyo就畀個眼色我，表示叫我和議佢，咁即係…Yoyo好想同Antonio食飯。不過，我仲未嚟得切反應，Antonio就講：好啊！我想去食茶餐廳…

Yoyo：咁我去個toilet先，之後去食茶餐廳！

Theatre內得返我同Antonio，我就估到Yoyo已經成為Antonio嘅獵物。

Antonio：hey…Mori…你唔得閒可以出聲，我同Yoyo同學去都無問題。Yoyo同學好好學，又細心，佢應該識照顧我㗎喇。

你老味啊…想郁Yoyo ？…Yoyo係…噫…Patrick 嘅…？

呢個時候，Yoyo WhatsApp我：喂！陣間同Antonio 去食嘢，你中間搵位，自己閃人啦！



我：你知唔知Antonio係咩人啊！？

Yoyo：佢咪意大利製片人囉！佢可能鍾意我啊！你幫下手啦！

我拋低一個message ：咁Patrick 呢？

然後我再問面前嘅Antonio：咁Chiara呢？

Antonio：Come on, Mori, Chiara is a big girl, she can take care of herself. 

我：…

Antonio：Come on, we are artists , how can we stay all the way the same ?

我：…



Antonio：Come on bro. OK, let’s do it this way. Next year, I will have a project. We need a painter. 

嘩！仆街！Antonio 咁講，我突然明白咗Yoyo！

我猶疑，我竟然猶疑！Antonio 又講：留個contact嚟啦，你有料嘅，大把好嘢益你啦！

結果…結果…可能我嗰日真係已經好攰。就喺佢哋決定咗食邊間茶餐廳嘅時候，我…我話我太攰…唔舒服…走咗。

事情之後嘅發展係點㗎呢？

Prof. Yau繼續投入教育工作。

Chiara準備喺香港嘅幾場fashion shows。



Patrick繼續活喺自己想像入面同Yoyo嘅超現實純潔愛情。

Yoyo…

Antonio…

直到出席Chiara 喺中環嘅一場fashion show前夕，我收到Antonio嘅WhatsApp message。

Antonio：Hey, bro, I will be back to Italy tonight. 

我：really ? Good trip. But … I think Chiara is still in Hong Kong. 

Antonio：係啊…係咁嘅…我哋分開咗喇。

吓？分開咗？肯L定係條仆街𡁻完鬆啦！等陣先，咁Yoyo呢？唔會係因為Yoyo，所以同Chiara分開掛？唔會，以Antonio嘅技巧，時間管理方面肯定有大師級水平，絕對唔需要二揀一。我聽日就會出席Chiara嘅fashion show，話唔定可以知道佢哋發生咩事。



第二日，下晝落大雨，我嚟到中環fashion show 嘅會場。

同嗰次喺佛羅倫斯一樣，fashion show會場，我一個人都唔識。唔係，我其實認得出幾個喺電視上見過嘅生意人，不過…當然都唔會去做所謂嘅「傾兩句」喇。同喺佛羅倫斯嗰次唔同嘅係，我問咗Maggie家姐借咗專業嘅攝影機，唔晒又用部手機咁異相。香港地，啲人淨係呢個位已經將你評級。

我用攝影機周圍望，一來想搵Chiara，二來想睇下仲有啲咩人喺現場。點知，竟然畀我見到一個我無諗過會再見到嘅人！

呢個人，就係意大利黑幫大佬，Casper！(參見Season 2)

我即刻周圍pan，睇下見唔見Enzo，就係佢！係佢攪到Greta咁嘅！

雖然我好嬲，但其實我唔希望喺呢個時候見到Enzo。至於Casper … 佢喺呢度，香港中環出現，咁係代表咩呢？

Fashion show開始。

香港嘅fashion show比佛羅倫斯時睇過嘅fancy好多，可以想像現場一定唔少大公司嘅大粒佬喺度。另外，model方面，亞洲model嘅比例明顯上升，令我可以認得出Chiara。
咁樣睇Chiara行catwalk，當日對佢嘅性幻想又再一次出現。幾套開胸衫仍然放射出Chiara 雙乳嘅滑溜。係喎！上次佢話同咗Antonio 一齊，所以拒絕咗我，但如果佢同Antonio真係分開咗，咁咪再無藉口推我囉！唔…雖然我可以肯定Antonio 呢條仆街一定已經攪過Chiara，但如果Chiara正正常常每日有沖涼，咁其實同Tania、Gianna、Greta都係一樣啫。唉…衰就衰在知道上一手係Antonio…唉…算，係一樣嘅！

Fashion show完結。記得上次喺佛羅倫斯嘅時候，Chiara喺完咗fashion show之後會同攝影師傾下啲相嘅事，我就利用呢點，send個WhatsApp message畀Chiara，話我影咗啲靚相，叫佢出嚟睇下。Chiara果然換返衫就出嚟。

我畀咗相Chiara睇，佢哄埋嚟睇相嘅時候散發出一陣香味，加上領口可以睇到少少深膚色嘅意大利北半球，令我決定要同佢傾下佢同Antonio嘅事。

Chiara：上次好似趕你就咁，真係唔好意思啊，啲相影得好靚，我要頭先嗰兩張，ok嘛？

我：OK啊！啊…完咗show，我哋去食飯囉，今次一定係我請。

Chiara猶疑：食飯嘅話…

我：約咗Antonio ？

Chiara欲言又止：…

我：其實…Antonio話咗畀我知喇…你哋分開咗…

Chiara：吓！

我：唔…咁突然嘅…？

Chiara：…

我：…唔…算啦…唔好喺度講…我哋食…

正當我諗住安排好同Chiara食飯嘅時候，竟然有人嚟打岔我！

Casper：Hey，畫家！

Casper！？

Casper同Chiara喺我面前嚟個cheek kiss。

Casper：哦？乜Chiara你識畫家㗎咩？

Casper，你想點啊，扮無嘢？原來你又識Chiara？

Chiara：唔…係香港嘅朋友…

Casper：唔，既然你識嘅…畫家，我哋仲有聚餐。Chiara好攰㗎喇，如果畫家有時間，不如你哋去食個飯，聚下，見下朋友放鬆下。

嘩！你個 Casper！我就唔知點解你可以扮無嘢，更加唔知點解你有權安排Chiara嘅活動！不過！OK，我有時間！

於是，我就同Chiara去咗K-11。無計，話咗係我請，帶唔到Chiara去食高級餐廳。唉，其實係咪應該直接返去Chiara間酒店下面間餐廳呢？咁會慳啲時間。唉…已經帶咗佢去K-11…

喺餐廳。

我冷輕鬆咁打開話題：好，可以講畀我知你哋發生咗咩事喇！

Chiara：…其實都無咩嘅…唔夾…咪分開囉…

Chiara明顯有嘢唔想講。不過，我其實都唔係咁志在佢哋分開嘅原因，於是我就硬tag入去我想講嘅嘢。

我；唔…好似好唔開心咁喎…咁啦…反正我都救過你咁多次，唔差在今次啦！有咩唔開心，即管講畀拯救隊長知！

Chiara抱住半笑半疑嘅眼神望住我，好似睇穿咗我咁。

我即刻掩飾：救援服務除咗唔見行李、非官方拍攝補領、遺失遙控鎖之外，亦有心靈拯救服務！

Chiara微笑咗一下，終於講嘢：Mori…多謝你啊…雖然我知你想點…但係…好多謝你成日都幫我。

Gosh！Chiara話知道我想點，咁係得咗定衰咗？

我仲未死心：咁…既然你同Antonio 分開咗…少咗個男朋友…咁就更加需要有人幫下你啦…

Chiara苦笑咗一下：Mori … 我…真係好多謝你啊…我覺得…我真係要搵啲嘢報答下你…

係囉！

Chiara又講：…但係…如果我報答你…我驚你會無命啊。

無命？我就係想死喺你手上！

Chiara突然傷感：生活喺大城市…就係束縛嘅生活…束縛嘅人生…就連被救、報答都係不由自主…Mori …除非我可以擺脫到呢種生活…如果唔係…我都唔知幾時可以報答你，而你又唔會無命。

Chiara講到咁，睇嚟內裡仲有好多故事喎。至於佢講到我會無命，令我即刻諗起 Casper，咁即係…唔通同Casper有關？

我： Casper…

Chiara搶答： Casper？投資者囉，無佢，就無呢個fashion 系列。

我又諗起Greta，於是我講：Chiara，Greta係因為Casper…

Chiara阻止我提起Greta：我哋唔好提Greta啦好嗎！

「唔好提Greta」，我想像唔到當日喺佛羅倫斯餐廳門口，第一次見到Greta嘅時候，佢哋兩人講女人秘密嘅情境，原來係咁超現實。（參見Season 1）

氣氛有啲僵，我勉強提下早前見到兩個中學同學，佢哋而家拍拖嘅事去緩和下。

Chiara亦知道自己語氣重咗，即刻又講其他嘢：我fashion show嘅安排改咗，下星期我就去…

呢個時候，我手機有WhatsApp message到，Chiara都見到，於是Chiara畀我睇下message先。

我：噢…無咩嘅…

雖然我咁講，但我睇到，原來message 係來自Prof. Yau，於是我又即睇message。

Prof. Yau：Hi, Mori，我聯絡到醫生喇，佢下個月會喺三藩市。你有時間嗎？我之後再畀地址你。

我驚訝，叫咗出聲：三藩市？

Chiara聽到我咁叫咗一聲，竟然一樣咁驚訝：吓？你點知㗎？

我唔明白Chiara嘅意思：…

Chiara：我下星期就去三藩市喇。

吓！Chiara下星期都係去三藩市！？

我順勢喺唔提Greta 嘅情況之下緩和氣氛：…我有啲事要去三藩市一趟…我哋可以一齊飛喎。報答唔到我啫，一齊飛可以掛…

呢個情況之下，Chiara都無得say no。反正一齊飛嘅意思就真係只係一齊飛，都唔會坐得埋一齊。

Chiara飛三藩市嘅航班有啲古怪，佢唔係直飛三藩市，而喺要喺東京轉機。既然我已經講咗一齊飛，咁就唯有照跟喇。

難得同Chiara緩和返餐飯嘅氣氛，我都唔敢再提Greta同Casper，反而傾下三藩市有咩玩仲好。呢晚，當然同Chiara亦無下文。

去三藩市唔係問題，問題係…唉…又要同Maggie家姐分開，仲有就係…點話畀Maggie家姐知我要去三藩市好呢？我諗嚟諗去，都無咩辦法，唯有…唔講咁多，話走就走！臨上飛機前一晚，我知道即將有一段時間見唔到Maggie家姐，所以氣力特別好，好到Maggie家姐都覺得奇怪。

亦就係因為Maggie家姐了解我，佢喺我耳邊咁講：係咪有心事啊？

我：…

Maggie家姐：有事發生咗？

我：…

Maggie家姐：唔講唔緊要，家姐知你大個仔，你想講嘅時候就講畀家姐知啦。

我家姐就係咁好。

家姐，你知道嗎？我要離開你，係幾咁辛苦，不過…我一定要幫Greta！

第二日，我趁Maggie 家姐返工，我就自己去機場。

嚟到機場禁區，我周圍望下見唔見Chiara。呢個時候，我突然諗，Casper會唔會同機㗎？當然，我諗就算 Casper喺度，呢個時候佢應該係lounge，咁分分鐘Chiara都係。
我遠遠見到有一群人，應該係圍住一個明星之類嘅人物，我勉強嘗試睇下係邊個，但因為太多人，完全睇唔到。

呢個時候，有人拍我膊頭：喂！Mori！

我轉身一望，畀佢嚇親，因為真係估唔到會喺呢度見到呢位朋友，講：Rosa！？(參見Season 2)

Rosa：真係畀我撞到你！

我：點解…

Rosa：咩啊，我咪話過我會去日本畢業旅行囉！我都估會唔會喺香港轉機會撞到你㗎嗱！咁都畀我哋撞到喎！

我完全唔記得Rosa有咁講過，但佢嘅出現，我就諗起Durante，講：又會咁啱嘅。唔…Durante而家點啊？

Rosa有啲失望嘅神情：佢？我好耐無見佢喇…

我又諗起Durante同Gianna可能先真係couple，所以又無追問落去。我又望下Rosa一身學生妹嘅打扮上機，於是又講：做咩啊？去畢業旅行要著埋校服㗎？

我咁問，但原來Rosa並唔係自己一個去畢業旅行，而係仲有一個同佢著住同款校服但唔同色系嘅女仔。

Rosa：我朋友，Veronica，我哋一齊去日本，呢套係cosplay 嚟㗎！

哦，原來係cosplay，唔怪得一個深血色，一個淺藍色，成個美少女戰士咁啦。咁樣上機，真係好彩Antonio唔係度。

Rosa又問我坐喺邊：你坐咁遠嘅，唔怕，陣間睇下有無人肯調位。

我都好想同兩位美少女戰士一齊坐啊，不過我都要講聲：我其實有朋友一齊㗎。

講到呢度，我哋就開始登機，我一直都見唔到Chiara。

本來有啲覺得唔妥，WhatsApp咗佢又唔覆，但嚟到機門，我就畀第一位接代我嘅空姐分散咗注意力，因為呢位空姐竟然係上次返香港嗰程機上面，我想學Antonio出手嘅嗰位空姐！

佢叫做…佢叫做…畀啲時間我…我記得嘅…佢叫…Fiona！

Fiona 空姐：你好，歡迎乘搭幻想航空。

上次見到呢位咁索嘅Fiona空姐，當時已經覺得佢好面善，但又諗唔仲起佢似邊個。今次再見到佢，我諗起佢似邊個喇！佢就係好似Maggie家姐！我夠膽講！佢哋有八成似！唔怪得我當時對佢咁有感覺啦！死喇！咁仲要唔要再出手一次呢？Rosa、Chiara可能都喺附近，真係要試多次？

我由機頭向機尾方向行，嚟到business class同economy class之間嘅位置，呢度特別多人，結果塞死咗，要企喺度等。

呢個時候，兩位身邊嘅空少喺度吹水。

空少一：係咪呢班啊？

空少二：係啦，陣間攪掂班economy，前面個位就係佢㗎喇！

空少一：你肯定係佢？

空少二：肯定啦，頭先喺下面𥄫到喇，我晚晚睇佢，相沢優子喎，我會認錯？

吓？唔通頭先見到嘅人群就係因為相沢優子？第五位喺日本出道嘅香港女優？Patrick同我講完之後，一直覺得係伏，所以無睇過相沢優子嘅片，而家就算知同佢同機都無咩feel添，無理由而家喺機倉開相沢優子啲片嚟睇㗎…直播沖涼喎…

我坐低咗，睇手機先知Chiara同Rosa都send 咗message 畀我，原來我哋三個坐得好遠，Chiara就果然坐business class。

由香港飛日本，中間經過無數咁多個小島，繪畫上面經常會利用零碎嘅點去製造虛擬嘅連接關係，又或係過渡性質嘅變化，就如由紅到藍，中間會出形紫，小島一樣嘅虛點同樣可以透過集散不一嘅紅、藍點製造出錯覺，令實中帶虛，虛中帶實。

短短四小時嘅機程，我仍然希望Fiona空姐可以serve下我。無盡嘅性幻想，Fiona…Maggie…家姐…空姐…家姐著空姐裝…噢…Gosh…我要返屋企啊！唔得！我要去幫Greta！咁…咁…Fiona空姐，你代替Maggie家姐嘅位置啦！快啲喺我耳邊問我要咩餐啦！

老實講，如果唔係空姐系列可以畀男人咁多幻想，長時間喺咁窄嘅機倉都真係死咗佢好過。正當我坐住自己呢班性幻想航空嘅飛機直飛外太空嘅時候，我萬萬估唔到，一股超強離心力湧上心頭！

咩事啊！

幾位企喺走廊嘅空姐同時失重心，勉強扶住身邊嘅座位！

機師：各位！航班遇上超強氣流，請保持鎮定！機倉服務員請立即暫停服務，返回安全位置！

雖然機師叫鎮定，但離心力仍然持續，完全係玩緊跳樓機一樣！

機師又講咗一堆英文，我聽唔晒全部內容，但勉強聽到「左邊引擎停止」之類嘅意思！然後，機師宣布飛行失控，要緊急海上降落！

好多人大叫，左搖右擺！離心力影響之下，我控制唔到自己嘅身體，唯一可以做嘅就係緊緊捉實座位！

我甚至控制唔到我嘅思緒，腦裡面自動播放一系列人物…Greta！Rosa！Fiona空姐！Chiara！Sophia家姐！Tania！Gianna！Veronica！Yoyo！天台女團隊長！Maggie 家姐！再見啦！

航空墜落海面嘅一刻，我完全進入休克狀態。

森の浪人去旅行 Season 3 #17 - 完

其實呢集已經可以話係Season 3 最後一集，Season 4 荒島篇，2026 敬請期待！

下一集，Season 3 第18集，又話呢集係最後一集？咁點解仲有第18集？無，想玩下啲Hidden嘅內容啫。（我覺得咁樣End一個Season，好有銀魂嘅感覺。）

成為Patreon免費會員，支持香港原創。
http://Patreon: https://patreon.com/firstfantasy_mori?utm_medium=unknown&utm_source=join_link&utm_campaign=creatorshare_creator&utm_content=copyLink
必須先以gmail 成為免費會員。

Season 1 佛羅倫斯篇 修訂版 （唔睇前面，點知後面講乜！！！）
https://www.penana.com/article/1947738

有關黑女巫，請參見Season 2。