［重口味］母親的誘惑 II: 第六回 追星

第六回 追星

阿媽呢排留喺香港，唔使周圍飛來飛去出差，振朗無晒機會偷雞入佢間房攞啲底褲同玩具過吓癮。不過日日照J千葉曈，間唔中仲會整碗加料奄列或者三文治畀阿媽，順便扮乖博個好印象。

振朗有時都唔知自己係J緊阿媽嘅成熟風韻，定係J緊千葉曈嘅螢幕形象。為咗更了解呢位熟女系女優，成日喺網上四處搵片，搜刮可以免費睇同download嘅咸片，甚至連啲專講熟女女優嘅TG群組都入埋，日夜狂scroll群組資訊。不知不覺，振朗已經變成千葉曈嘅「活字典」，連佢啲舊片同訪問都倒背如流。

佢仲發現，原來好多引退女優唔少都仲喺風月場所度活躍，有啲甚至組團出國搵真銀，繼續同fans「親密互動」。有一日，振朗喺TG群組見到台灣成人展嘅消息，話有好多女優會現身，名單入面竟然有千葉曈復出嘅活動！振朗即刻心跳加速，幻想同偶像合照、握手，甚至有啲「不可描述」嘅接觸，諗到成個人熱晒血，已經係度plan點樣飛去台灣。

呢日早餐，振朗一邊整緊一碟火腿蛋三文治，一邊試探咁同阿媽開口：「喂，媽，我想去台灣玩一轉吖。」
敏芝一邊咬住三文治，一邊眼角瞟住振朗：「哈？去台灣？無啦啦點解突然想去玩？」



振朗即刻拋出早準備好嘅藉口，語氣超淡定：「去睇動漫展吖，呢啲嘢妳又唔鍾意，陪我去都係悶死妳，不如我自己去好過啦。」

敏芝停低咗啖三文治，眯晒眼望住個仔，語氣有啲懷疑：「動漫展？真係咁簡單？你一個人去得唔得架？唔好畀人呃咗去賣呀！」

振朗拍拍心口，笑到見牙唔見眼：「哎吔，我咁大個仔，17歲啦，又唔係三歲細路，點會有事！放心啦，台灣又唔係越南柬埔寨！」

敏芝啜咗啖咖啡，諗咗一陣，終於鬆口：「好啦，你自己搞掂晒機票同行程，不過我同你講清楚，啲使費你點都要自己出架，唔好同我伸手拎錢！」
振朗一聽即刻笑到勁開心話：「得得得！我計過數啦，平平哋搞掂，唔使你擔心！」
雖然口裡講得輕鬆，但振朗心知肚明，成人展門票、活動費同機票加起來唔係小數目。佢啲私己錢勉強夠用，仲要慳到爆，連酒店都住唔起只可以搵背包客住嘅青年旅舍。



好快就到飛台灣嗰日。敏芝一早陪振朗去機場，個仔第一次單拖出遠門，佢心入面總有啲擔心。去到禁區入口，敏芝二話不說，攬住振朗大力一抱，聲線有啲哽咽：「喂，大個仔啦，記住小心啲，唔好喺外邊闖禍呀！」
振朗笑住拍拍阿媽背脊：「阿媽！又唔係去阿富汗，有咩好驚！」

做人阿媽，點都會為仔女操心，但敏芝都知要放手畀振朗試吓自己出去闖。佢喺振朗額頭錫咗一啖，振朗就拎住個背囊，興奮到飛起咁衝入禁區。

振朗對今次旅程期望爆晒棚。佢睇過之前台灣成人展嘅片段，見到啲女優同fans玩到癲晒，台下嗌到聲嘶力竭，仲有握手、合照，甚至有fans話試過同女優有「特別互動」。

振朗未去已經幻想同千葉曈四目交投，甚至有機會講句話，諗到成個人都high晒。
振朗入咗禁區後，敏芝手機響起，三叔打嚟：「喂，朗仔上咗機未呀？」


敏芝答：「上咗啦，啱啱入咗禁區，精神到不得了。」
三叔哈哈笑：「好！咁我哋都準備出發啦，行李執好未？」
敏芝嗯咗一聲：「一陣你過嚟我屋企，唔好遲到呀！」

收線後，敏芝返屋企執拾行李，準備出門。母子兩個咁啱都要出遠門，唔通都係飛台灣？

未完待續