［重口味］母親的誘惑 II: 第三十二回 雙生花的對峙

第三十二回：雙生花的對峙

喺一間高級餐廳一角，落地玻璃出面係無敵維港海景。
一個低調得呢又好高貴嘅女人一邊品嚐住手上嗰杯拉花精緻嘅 Latte，一邊享用精緻嘅 High Tea。舉手投足之間流露出嘅氣質，令隔離位嘅客人都忍唔住側目偷望，私下細聲講緊係咪邊位大明星微服出巡。

今日敏芝打扮得異常高貴奪目，化咗一個淡妝，戴住金色邊框CD黑色太陽眼鏡，身穿一條鮮紅色絲絨窄身吊帶長裙，剪裁完美勾勒出佢玲瓏浮凸嘅線條。腳踏一對同色系嘅漆皮細跟高踭鞋，令原本修長嘅美腿曲線顯得更加極致。

雖然環境優雅，理應令人放鬆，但敏芝此刻卻坐立不安。佢對腳翹完左邊又換右邊，手心微微冒汗，眼神不自覺咁飄向門口。因為佢等緊一個足以令佢世界翻天覆地嘅重要人物——千葉瞳。

敏芝心入面好亂。佢知道振朗同呢個女人發生過關係，亦知道佢哋一直藕斷絲連，但真係無諗過，千葉瞳竟然會為咗個仔隻身飛過嚟香港。敏芝心情忐忑不安，腦海入面不斷排練：一陣應該講乜好？



同一時間，心急如焚嘅仲有振朗。
佢一早去咗機場接機大堂守候。

望住航班指示牌，顯示千葉瞳班機已經降落咗好耐。振朗目不轉睛咁盯住出閘位，生怕錯過任何一個身影。可惜等完一輪又一輪，始終唔見嗰個熟悉嘅身影。佢開始亂諗：唔通對方臨時有急事無上機？就算係，都應該會打通電話或者傳個訊息講聲㗎。

振朗愈諗愈唔對路，隨即發咗個訊息問：「Already arrived in Hong Kong?」

等咗幾分鐘都無回應，佢心諗可能真係接唔到人，唯有打算同阿媽講聲。正當佢死心準備轉身走嗰陣，一個戴住深黑色橙字寫著英文簡寫YG(Yomiuri Giants)鴨舌帽、大太陽眼鏡同白色口罩，著住件闊大風褸包到密不透風嘅男人，突然閃身企喺佢面前。



振朗原本心情已經麻麻，見有人擋路，就想繞道而行，點知對方好似夾硬搵事幹咁，又再打橫移一步企正佢面前。

俾人連續阻咗兩次，振朗火都嚟埋，正想開口發火嗰陣，呢個「男人」突然伸手除低口罩同眼鏡，對住佢調皮咁一笑。

見到呢個笑容，振朗嗰股火瞬間熄滅晒，因為眼前人竟然係千葉瞳。
振朗驚訝到想大叫，千葉瞳即刻制止佢，壓低聲線講：「Can't let anyone know I'm here.」

振朗用口形無聲咁問：「Why?」

千葉瞳繼續細聲解釋：「My manager doesn't know I'm here. If anyone took a photo and posted it on social media, it would be big trouble.」


原來佢係偷偷地過嚟，唔怪之得要扮到咁鬼祟。

不過，千葉瞳見到振朗顯然非常開心，情緒激動之下忍唔住用力攬實佢。兩個人唔敢久留，急急腳趕去坐機鐵，因為已經約咗阿媽喺酒店等。

列車一開出，車廂內無咩人，千葉瞳已經急不及待除低口罩，捧住振朗塊臉瘋狂索吻。

呢邊熱吻到停唔到，嗰邊嘅敏芝就等得心煩意亂。

計埋時間，佢哋應該到咗。敏芝越等越緊張，手心嘅汗已經浸濕咗餐巾。就喺呢個時候，背後傳嚟一聲：「阿媽。」

敏芝即刻抬頭，第一眼見到個仔，而佢身邊，仲有一個長髮女人親暱咁翹住振朗隻手。

敏芝反射動作咁企起身，振朗見狀，嗱嗱聲湊到阿媽耳邊提醒要低調，敏芝先識得慢慢坐返低。千葉瞳順勢拉開櫈，坐喺敏芝正對面。

兩個女人，終於正式面對面。



振朗坐喺佢哋兩個側邊，視線喺兩人之間掃視，感嘆咁話：「講出嚟都無人信，兩個完全無血緣關係嘅人，竟然可以生得咁似樣。」

千葉瞳隨手除低件厚重風褸，入面著住一套貼身剪裁嘅衣裳。比起之前，佢明顯瘦咗一圈，輪廓更深邃，身材亦顯得更加火辣誘人。

兩人對望住，眼神入面寫滿震撼。除咗頭髮長度唔同，五官比例、氣質，甚至細微嘅神態都幾乎一模一樣，好似照鏡咁。

最後，千葉瞳先打破沉默。佢微微欠身鞠躬，用日文講：「幸會，千葉曈小姐。」

敏芝亦不甘示弱，同樣用優雅嘅日文禮貌回敬：「能夠見到千葉瞳小姐，係我嘅榮幸。」

坐喺中間嘅振朗成個人呆咗，佢從來唔知自己阿媽竟然識日文。

同一時間，兩個「千葉瞳」坐埋一枱。到底，邊個先係真？邊個先係假？抑或，呢個世界上真係有兩個完全相同嘅靈魂？



未完待續