《藝興大廈16樓12室的教訓》: Sun

星期日：最後的日常
星期日朝早，媽媽起身慢咗啲，話有啲攰。
「媽，你唔舒服呀？」
「冇事，可能尋日行得多，攰啫。」
阿晴煮咗粥畀佢食，媽媽食得唔多，但仲係笑住話好味。
中午，媽媽話想寫封信畀阿晴，叫佢唔好偷睇。阿晴笑住話：「你寫遺書呀？」
「咪亂講嘢啦，係寫信畀未來嘅你。」
阿晴冇再問，靜靜咁畫畫。畫紙上畫住佢哋兩個人，手牽手，背後係藝興大廈。
夜晚，媽媽早早入房瞓覺。阿晴幫佢蓋好被，媽媽摸住佢塊面講：
「晴晴，你真係長大咗，好乖。」




「你快啲好返啦，我哋仲未去旅行呀。」
媽媽冇答，只係笑咗笑。