《I miss U》: 02 回憶

阿耀，全名馮志耀，我都叫他阿耀，或者白卡耀。

我和他由小學一年級相識到現在，他常常做些無厘頭的事，所以我才給他改了那個花名。

「屌你，又恰我矮，你玩晒啦！187cm大晒呀？」阿耀大叫。他剛剛籃球一對一輸給了我。

「係呀！就係恰你得175，唔服氣呀？返上課室認真讀書囉。」我指著四樓的課室。

我順著手指看了一眼，眼角的餘光看見了她。





「喂！嚟多場！」

我回過神，迎面而來的是籃球。

「喂！白卡耀，你打人定打波呀？」我摸著紅通通的額頭罵著。

「明明就係你唔知喺度望乜。」

我再望上去，已經看不到她。





「真係佢？定係我眼花？」接下來整日我都在想著。

臨近考試，這日數學科Ms. Chan派了數本練習，要我們週末回家完成。

「咩料呀！咁多功課點做呀，去打波算啦！」阿耀叫我。

「唔去啦，再去真係做唔切，我啲「免死金牌」用晒啦！唔想留堂做呀！」我背起書包一邊走一邊回答阿耀。

「又真，一齊走啦咁。」阿耀趕緊跟上我。





「我哋好似未試過咁早走。」我看了看手錶。

「緊係未試過啦，宜家先四點。」

走回家的路上，我與阿耀一直埋怨著。

「真係好鬼多功課...」「Ms. Chan 係咪癲㗎…」「好想打波呀…」

走了一陣，眼前出現一個熟悉的身影。

「咦，係咪嗰個女仔？前面等緊燈嗰個。」阿耀問我。

「係佢？真係佢！佢住呢頭嘅咩，點解無乜印象嘅？」

「又問我，鬼知咩。都係嗰句，有興趣你咪去問下人囉。」





「變態咩，無端端問人哋。」

我與阿耀回家是直走，不用等紅綠燈，將會在她身後經過。

就在經過的那一刻，阿耀突然捉起我的手向她肩膊拍去。