由失去暗戀對像到以別個身份再和她相戀: 第六章---感冒
某個周末，老爸告訴我一個這樣的消息。
"呢個禮拜開始，總站啲車長字軌會大汁，你記得因時間出門口喎。"
"字軌"就是每個車長的行程指引。重新整理，就是開車的時間又不同了。
不過，我還是像平常一樣，七點左右到巴士站。
其實時間不用如何遷就，我坐早或坐遲一班，也不會遲到。
不過，平時坐的那一班車，好像早到了少少。
"早晨，平叔！"我向車上的司機打朝呼。
"早晨…咦？冇見一排，好似高咗喎！"
"係咩…？"我淺笑。
"果陣時你先得米4…而家已經成米5幾囉！"
果陣時…平叔剛剛由藍灣總站轉過來，現在算起來，剛好一年。
是啊…我一年間竟然不知不覺間高了10cm…
過程之中我完全不知情；
到了察覺時已一段距離。
"喂係喎！"我問平叔"你呢班係咪開早咗？"
"早咗4分鐘。"
巴士到了寶馬臺，我不期然望一望車門…
咦？
sammy呢？
平叔按下關門掣，還是不見她的綜影。
sammy…你沒事嗎？
我拿出電話致電sammy。
"喂…? "開場白由我負責。
"係…? "一把甜美而柔弱的少女聲從耳筒輸出。
"我係samuel呀…今朝返學唔見你嘅？冇事吖嘛？"
"唉…感冒呀…"我聽得出她的聲音是病得變了聲。
"食咗藥未？"
"食咗喇，有心。"
不過，我仍然有點不放心，就連上課也不能習中。
"喂！你搞咩呀？叫極都冇反應嘅？"午飯時阿俊問道。
"吓？冇嘢呀。"
"喂…覺唔覺今日好似少咗條女嚟？"
"喔…佢病咗呀。"
"吓？你又會知嘅？唔通你地…"
"今朝搭車唔見佢…"一句擊沉他的好奇。
……
我還是有點不放心。
"嘟—嘟嘟"
雖然這個年代已經有whatsapp用，但是我更喜歡講電話，因為電話更可以聽到對方的聲音、語氣。
"喂？"
"samuel? 咩事？"
"你好番啲冇？"
"唉…好咗少少，但係都唔係好妥…"
"咁屋企有冇人照顧你？"
"唉…冇呀，得自已一個…"
"咁你肚唔肚餓？洗唔洗我比啲嘢你食？"
"哈哈…你唔講我唔覺，一講就肚餓…"
"咁…我轉頭上嚟喇。"
"我轉頭whatsapp個地址比你…"
說罷，我趕回家中拿些皮蛋、瘦肉。
……
哎吔…別誤會啦，我去找她只是關心一下朋友的病情。
換着是好兄弟阿俊或其他好朋友，我也會這樣的關心啊。
雖然，我也分不清，我當她是一個好朋友…
抑或是一個暗戀對象。
之前某次上課我忘記了帶課本，結果就被記了一次留堂。偏偏學校就給我安排今日留堂！沒有任何可行的理由之下，我也脫不了。
結果今日就搞到五點才放學。趕回家再去sammy那裏時，已經五點八左右了…
【叮噹！】
【咔！】
"嗨，有冇好啲呀？"
"嗚…救命呀~個頭痛到我…"sammy露出一個痛苦的表情。
"比我摸下個額頭？…哇，好慶喎…你屋企冇啲咩退熱貼㗎咩？"
"吓？冇喎…"
"藥呢？"
"哎…今朝晨早食哂喇。"
"今朝食完到而家再冇食過藥嗱？"
"係…"
"做咩唔同呀爸呀媽講呀？"
"佢地要返工…兩個都行唔開…"
"咁…一係我帶你睇醫生嘞！"
"吓…頭痛到唔想出街…"
"你啲藥食哂又唔配藥，咁唔得㗎…"
"冇計啦，我…"
"一係咁，我陪你去睇醫生，好冇？"
"成一兩嚿喎…你有咩？"
"吓…再唸計喇。"
說着，我打電話回家。
"爸…借住2,3百蚊比我先吖…xxx醫生度見。"
說着，已經下了樓。
"喂，sammy"
"唔？"
"你騎上嚟喇。"
"吓？"
"你病人嚟㗎嘛，唔好咁辛苦喇…"
"吓…哦…"她聽話的騎上來。，
"唔該你啊…"她笑笑。
她的胸部與我的背部緊貼住，我感受到她的心跳。
在心靈上，我感覺到我們的距離很近…
……
"喂仔，3嚿"老爸把300元遞給我。
"唔該。"
"你條女呀？緊張到要帶佢睇醫生？"老爸一語驚人，嚇倒我和sammy。
"撚係呀？如果呢個係阿俊，咁我係咪基佬吖？！"
……
"喂samuel"
"唔？"
"買粥吖？"
"唔買，唔知有冇味精。"
"咁…"
"我整。"
"你識整咩？"
"有時屋企嘅dinner由我負責。"
"咁你仲識整咩呀？"
"西洋菜湯、蕃茄炒蛋、老少平安…"
sammy已經聽得垂涎三尺。
"不過你今晚都係食粥啦！"
"吓？"
"你病呀，廢事食壞你呀衰婆！"
"吓？你叫我咩話？"
我這才醒一醒。
"吓？冇…冇嘢呀。"
我們經過一間麥當勞。
"喂…我想飲可樂呀！"
"你有冇常識架？！"
我沒有這樣講。
"你感冒又發燒仲飲凍嘢？唔得！"
"唔制！我要去喇…"說罷她就轉身。
"唔！得！呀！"
她忽然驚愕一下，因為…
我伸手，用力捉住了她的手腕。
"你比得我照顧你就唔該聽我講啦！"
"咩我比你照顧呀？係你要上嚟咋喎！"她沒有甩開我的手。
"你要折磨自已，我就唔照顧你㗎喇！"我放開我的手，準備轉身。
我口是這樣說，心裏卻不忍。始終我走了就只剩下她，始終我不忍如此待她…
不管她與我是好朋友或有更親密的關係。
"喂…唔好啦…"她苦苦哀求我。
"最多我今晚比食好啲好冇？"
"好喇，聽你話喇"她扁着嘴。
……
之後我們上了一條山路。
忽然一隻狗在不遠處冒出。
"呀…"她忽抱住我的手。
"做咩呀？驚呀？"
"隻大狗會唔會咬人架…? "
"唔好理佢就冇事架喇…"
還好牠只是向途人亂吠…
"喂…你抱到好實呀…"
她這才察覺，之後立即縮開。
"頭先…唔…唔好意思呀…"
哎吔？臉紅了？
"唔緊要…"
"不過今日講好係我照顧你㗎嘛，隻手…都可以借比你嘅…"我低頭望着水泥地。
路邊突然跳出一隻曱甴。
"哇呀！！"她又抱着我的手大叫。
"唔…唔該哂…"這次她沒有放手。
前面的路段開始上斜。
"上嚟喇，我揹你。"我背向她蹲下來，讓她上來。
之後她緊緊的摟住我頸部。
……
"哇…好香呀！你整緊咩呀？"
"廚房咁熱，你走入嚟做咩？"
此刻我正在sammy家中的廚房。
"睇你整咩囉…同埋睇你有冇反轉個廚房呀！"
"大佬…我小三開始已經有下廚架喇！"
"吓…淨係得粥咋？"
"啊？仲想食呀？"
說着我去開她家的雪櫃，有西芹、蕃茄，再在廚房找找，發現有馬鈴薯…啊，弄個蕃茄薯仔西芹湯也不錯啊。
"蕃茄薯仔西芹湯，啱唔啱胃口？"
"好吖，唔該。"
一段時間之後，湯同粥都煲好了。
"喂sammy, 入嚟幫手試味吖？"
"哦！"
我把一匙湯吹涼遞給她。
"點呀…？"
"唔…好味！"
"係咩？等我試下…"
我把湯匙洗乾淨，再試一口。
"唔夠鹹喎…要再落多少少鹽。係喎…你平時食嘢係咪食得好淡㗎？"
"唔係呀。"
這湯也不夠味，那為何她會覺得美味？
奇怪。
……
飯桌已經被我倆清光，碗已洗。
當然…碗也是我洗的。沒道理要病人工作。
"喂，食藥喇。"
"哦。"
她走去拿冷開水壺。
"喂，唔好用凍水，我煲水比你。"
"唔好喇，天氣好熱呀…"
"你唔想好番？"
"…"
她只好乖乖的坐下。
"我想開冷氣…"說着，她起身。
"你病呀，唔比。"我擋住她。
"唔該喇…"
"聽話…"
她只好悶悶的坐下來。
我去冰格找些冰，找個密實袋包好，再找條薄手包裹好給她。
"熱就攞住佢。"
"唔該…"
這時候，大門傳來開鎖聲，準是她父母回來了。
"喂，我走先喇。"
"uncle, auntie你好，我係sammy朋友。你囡囡今日病咗，我係嚟照顧佢㗎。"
"咁真係唔該哂你囉…"
"唔洗，我走先喇。"
"sammy，我走喇！bye bye！"我轉向她。
"bye bye…"
"你地個女交番比你地，走先…"