由失去暗戀對像到以別個身份再和她相戀: 第十一章---回家
八達通機時間2117，巴士終於到達筲箕灣總站。
樂仔把巴士泊入後備車坑。
"我食飯先呀，唔理你地。"樂仔把司機位小門關上，待我們下車後便把車門關好，之後頭也不回就趕去供奉五臟廟。
也因此，我們這次沒有再來一次。
"喂…馬路危險呀，拖住我。"
"哦。"
危你老味！巴士總站已經是我另一個"家"，我瞎了眼也會走啊！只不過後方的新巴路線，除了2X往灣仔和9號之外，全部都不能預料何時有車駛出。我這樣做，只是讓她不要亂跑罷了。
我們路過77、99、529、102站柱，最後經過站長室。
"威叔！"
"嗨，又嚟攞返個細佬妹呀？"
"明知故問！"
"okok…你地自便吖！…咦？叻仔喎！咁快又有喇？！唉。妒撚柒忌死我喇…"
我們的手已經緊扣着。聽阿威這麼一說，她即刻已經紅滿臉。
"你唔洗妒撚柒忌喎，你個夜更站長位係桃花位嚟架嘛。"
是事實，前兩任站長都是在位期間開始成功拍拖的，因此有桃花位之稱。
"唉…你地自已嚟喇"
我逕自行入車長休息室，"小丸子爺爺"師傅正在和小弟妹玩耍。
"嗨，阿澄！攞返仔女呀？"
"係呀。今晚唔該哂你！"
"唔洗，我都玩得好開心吖！"
"喂，雯雯！有冇聽叔叔話先！"
雯雯想了想，然後慢慢吐出個"有"字。
"乖！浩浩呢？"
"有…"
"乖喇！"
"叫聲姐姐先啦！"我指着gigi。
"姐…姐…"他倆第一次見gigi，有啲害羞。
"乖…"gigi摸摸他倆的頭。
"你對細佬妹好得意啊…"gigi對我講。
"佢地訓覺個樣先最得意呀…仲會學你流口水添！"我笑笑。
"我訓覺邊會流口水㗎！"她一記粉拳打落我的手臂。
"好喇，走先喇！"我轉向"爺爺"師傅。
"okay，bye！…係喎！"
"唔？"
"恭喜哂。"
"喔…"我會心一笑"多謝！"
我拖住雯雯，雯雯拖住浩浩，浩浩拖住gigi，一起步向529車站候車。
這一刻，我們活像一對夫婦照顧兒女出街。
"喂！阿澄！"身後有一把聲音喚我。
"喔…阿鈞！"
"嘩…咁快拍拖結婚仲生咗對仔女添！勁人喇！條女都唔錯吖！"
gigi的臉又紅了。
"邊係啫！我細佬妹嚟㗎！"
"咁呢個唔係細佬妹掛！"他指指gigi。"
"呢層…你估吓！"
"……"
"……"
……
回到家裏已經是十點多了。今晚父母都不在，我還要身兼父母職，幫他們洗澡哄他們睡覺，完事後都已經十一點了。
"啊！好攰啊！"
"同你揼下骨吖！"
"你得唔得㗎？"
"你家下係咪唔信我手勢先？"
"都未比你揼過，點知你手勢點呀？"
"咁你咪試下囉…"
說罷，她已經開始幫他捶骨。
"…吖，又幾爽喎！"
"梗係啦，我細個成日幫呀媽揼骨㗎！"
我就這樣讓她揼了一會。
"喂…成十一點幾喇，沖個涼先啦！"
"哦…咪住，我今晚着咩衫呀？"
"吖係喎…我幫你揾下先。"
爸媽的衣服好像都太大了。
只剩下我的…
"嗱，比你着嘅。"我把一件白色tee和一條黑色短褲遞給她。
"唔該哂…係喎，你沖唔沖呀？"
你這樣說話是否另有意思？
"唉我唔理你喇，我去沖涼呀。"
但她沒有把門關上。
"咪住！…我想沖先啊！"
"唔制！"
"喂吔，今日好攰呀！"
"比你沖先就唔好喇…"
"咁…好囉！"我扁扁嘴，打算轉身走。
"不過呢…一齊沖都冇所謂嘅…"
啊？！
"咁激？！我驚我頂唔順喎…"
"嚟啦…我想你陪我…"
那麼…
……
我把水溫調較好。
"上嚟喇，水溫較好喇。"
"哦。"
我把我倆的身體用花灑淋濕，之後把沐浴露塗上。
她忽然用一隻玉手把沐浴露塗到我的子孫根！！
"哇！！"
我也把沐浴露塗在她的乳房上。
"啊…"
我們一直互相抹着對方的胴體，之後不知怎麼就演化成互相擁吻着。
"不如…嚟…嚟多次…？"
"唔好喇…"
我拍拖，並不是建基於性欲的。我很享受這一刻的感覺，我覺得很有安全感。
……
我和gigi抹好身才出來，當然中間會有點"摸身摸世"的動作吧。
甫出來，一陣"哇哇"聲從房間傳出。
"喔？做咩事？"gigi問。
"又要忙喇…"我苦笑。
我逕自步入房間，兩歲的小妹正在大哭。
"唔~奀咕咕~今次瀨屎定肚餓呀~"
還未說完，全房已經充滿糞便味。嘔！！！
然後我就要幫她丟去舊尿片，洗屁股，再換上新尿片。我已經忙得不可開交，完事後已經很累，但她仍然在哭。啊~~！
"搞唔搞的掂呀？"gigi問我。
"唉，又瀨屎又肚餓…"我苦笑着。
"我幫你喇…"說着，她找到了奶樽，熟練的開奶。
"嘩…你老手嚟㗎？"
"我以前幫過姨媽湊表弟嘛…"
她已把奶開好，拿去喂小妹。就讓她和小妹玩一下吧，我就在旁伴着她。
……
廚房內，我洗着奶樽。
"今晚辛苦哂…"
"唔辛苦…今晚我都好開心呀"她從後攪住我。
"係喎…你攰唔攰呀？攰嘅話出去坐陣先啦…"
"唔喇，你又要喺度洗嘢，得返我一個喺出面，no fun la…"
"咁你等一等我喇…"
……
我帶她進入我的房間---應該是，我的小天地。
"嗱，你今晚訓…"
"嘩！！咁多電子牌嘅？點玩㗎？？"她打斷了我的話，望望一個個掛牆的巴士路線牌箱。
"呢啲呢，係我問新城巴工程部買嘅，仲有啲係老頭擺住喺度比我玩嘅古董，唔平㗎，平時我都錫住佢咁玩㗎…"
"教我玩教我玩…"她嚷着。
"好好好…"我接駁電源。
我指着一個品牌名為"hanover"的長方形電子牌。"嗱，舉個例啦，我想佢顯示銅鑼灣8X特別車，就要咁禁…"
我在輸入器輸入"8XY"，電子牌即顯示出[銅鑼灣8X特別車]。
"嘩…"她竟然對這些東西有着很大的好奇心。
"呢個呢，就係咁用嘅…"我指指一個傳統的中巴搞牌機，是我老爸的珍藏。我攪到着小棍，牌箱顯示出[ 荔園 |1|0|5]。
"好似好好玩…"
奇怪，堂堂女孩子怎麼會對這些好奇呢…女巴迷另計。
……
"喂，"我喚她"訓喇，熄燈上床啦。"
"哦。"
她乖乖的爬上來。
迷迷糊糊之間，我感到身體被摟住。
就這樣而已，但我已經好滿足。
……