由失去暗戀對像到以別個身份再和她相戀: 第十六章---新一年
新一年的開學日，開始了。
今天坐中了傑哥的班次。簡單的打個招呼，我便坐上了上車門旁邊的坐椅，一如以往。
早上的精力未[red]旺盛[/red]，我閉目養神了一會。
【beep！】
我不由自主的望去…
sammy的八達通又負錢了。
她皺一皺眉頭，坐上我旁邊找零錢。
我忽然有點懷念那時候…
這情境，很熟識。
"佢嘅！"我投下五元之後坐回去座椅。
"哦。"
這情境，熟識如往日。
但這個她，已經有所屬的人了。
"嗨…唔該哂…"
"朋友之間幫下手啫…"
之後，全程都是沉默。
偶爾傑哥逗我談天，之後又是沉默。
……
下車了。我走下車箱，她也跟着我。
身後傳來一聲"哎呀！"
sammy從車上跳下來之後，仆街了。
腿上的傷口清晰可見。
怎麼你可如此不小心啊…
我好像對她重生了一丁點感覺。
"冇事吖嘛你？…"
"好痛呀…"
"唉…"
我蹲下來，如同當日我帶她去看醫生一樣。
"上嚟啦！"
"…喔。"
我背着她去了便利店買膠布。胸部壓住背脊，使我重拾當日的感覺。然而…
很快我們到了便利店。
"你等一等我…"我把她放下來，之後為她護理傷口。
"唔該你呀…"
"你自已行唔行到？"
她試走了一步。
"哎呀！而家先發覺自已咬埋柴…"
"唉…"我輕嘆一口氣。"上嚟。"
我一直的背着她，直到她的學校。
"唔該…呢位同學隻腳咬咗柴，我咁啱路過幫一幫佢，而家交比你地照顧得唔得？"我跟門口的說。
之後，我繼續返校的路程。離開前她還一直望住我。
我回頭冷眼的望一望她就離開了。
我不能望着她太久，怕舊情再生影響自已。
……
今日gigi又找我吃飯了。
吃着說着，我們不知怎麼的談到大家的理想。
"阿澄，你有冇啲咩理想呀？"
"唔…"
"做巴士佬？"
"其一啦，不過唔會做全識果隻囉！"
"唔？"
"其實我真正嘅理想，係揾到份賺到錢嘅工，之後用嚟買巴士。"
"哦…"
"咁你呢？你嘅理想又係咩？"
"我呢，想去一個有雪玩嘅國家旅行喇…"
"哦…"
"不過最衰呢，每次假期屋企人唔係忙就係要返鄉下，都冇機會去旅行玩雪…"她露出一點不悅的神色。
本來，這些理想都只是拿出來聊聊罷了。
"喂，同你鬥樣嘢吖！"我跟gigi講。
"鬥咩？"
"以前淨係同阿俊條契弟玩過，都未同你玩過添…伙記！兩杯豆漿唔該！！"
"喔…都好耐冇見過你玩喇…"
"係囉…都唔知有冇生疏添…"
"兩杯豆漿！"侍應的動作很快。
"輸咗請食飯！"我道。
"好呀！"
"嚟喇…3、2、1！"
【咕…咕…咕…】
嗄…！
還好寶刀未老，又勝一次。
"唉…又要請食飯…"gigi感到有點不樂。
女朋友來的…就對她好一點吧。
"好喇好喇，你淨係請杯豆漿好嘞，唔洗你請成餐飯喇！"
"好嘢！"她回復笑容了。
……
已經是農曆新年假期了。
gigi的願望，我還一直記着。
不過，有一天可以實現嗎？
【Why baby? Oh tell me
爱なくして憎もない
(沒有愛就沒有恨)
见て见ないようなフリ
(為了守護你)
その身を护るため？
(若即若離？)
Oh baby you are maybe…】
"喂？"
"阿澄！"是好友阿晉的電話"
"你今晚得唔得閒？"
"得掛…做咩？"
"哦，之前睇過天氣報告，聽日大帽山好似會有結霜…"
"咁…你想約我去影？"
"係…"
"唔…比我諗諗先，晏啲覆你！"
"ok…吖係喎！"
我正想掛線，他大叫一句。
"唔？"
"如果你去嘅話記得帶遮。"
冬天帶遮幹麼？
"做咩要帶遮？"
"天文台話聽日係香港有史以嚟最凍嘅一日，大帽山可能會落雪。"
"吓？！咩話？！！"
天氣會不會返常得離譜？！
天方夜譚吧？
"信不信由你。"
"吓…喔，唔該哂。"
結霜嘛…
還可能落雪…即使我暫時不相信。
我好像想起一點東西。
gigi她…大概整輩子也未見過這些東西吧？
澄："here? " 18︰26
這是我慣用的開場白。
gigi︰"？" 18︰27
澄："今晚得唔得閒？" 18︰27
gigi︰"得嘅…" 18︰30
gigi︰"做咩？" 18︰30
澄："要捱夜啵" 18︰30
gigi︰"得嘅…" 18︰31
澄："今晚帶你去個地方" 18︰32
gigi︰"where? " 18︰33
澄："secret" 18︰33
gigi︰"懶神祕！" 18︰34
我致電阿晉。
……
凌晨4點，大帽山。
我們約好了一起坐的士上山。
"嘩…已經咁多人！"阿晉驚嘆。
一堆又一堆龍友圍着一些植物。
"佢地影緊乜？"gigi問我。
"一啲好靚嘅嘢。"
我帶她到一堆植物前。
"你帶我嚟…就係睇呢啲？"
"係…唔好意思，今年帶唔到你去睇雪…只可以帶住你睇呢啲先…"
我說完都覺得，我特意帶她來就是看這些，總不太好吧…
"唔緊要喇，你帶我睇咩都係咁正！"她攬着我的腰。
料不到她這麼說。
禾巧滾動…
其實有時我會想，究竟我來是拍拖或是做龍友？
但一切都不要緊吧？
有些事，想也沒想過會發生…
"哇！"她伸出雙手接着從天而降的白色物體。
"吓？！"
竟然真的落雪？！
"你係咪一早就知道會落雪㗎？！"她問我。
"唔…"
"估唔到你仲會記得我講嘅嘢…"她流露出感動的眼神。
"多謝你…"她攬住我。
"喂，"她叫我。"我想玩雪！！"
這時地面已經積了一層雪。
"喂…"我叫住她"再上去先喇！呢度多人…"
我們三人就一直再上山。 當我們再上到去高度較近山頂的地方，她已經向我擲了一巴雪。
"掟我？！"
我們一直在山頭上玩着雪，不理旁人的目光。
儘管環境有點暗，我們也玩得好快樂。
話說回來…香港的冬天，大帽山頂居然落雪！
奇蹟！