成長的天空: 回程

第三日嘅活動就係上午去耕吓田、落田割吓菜、掹吓番薯咁，然後用收割嘅蔬菜煮個午餐。一輪雞手鴨腳，終於搞掂有三餸一湯、白飯任裝嘅一餐，屈姑娘都滿意我哋嘅表現。

下晝收拾行裝，墩咗兩個幾鐘頭車返梧州，聽朝先回程返香港。

今晚正呀，入住間三星級酒店，好過第一晚嗰間好多，唔使再住間有陣大叔味嘅酒店房！

我哋一行二十一人，屈姑娘自己一間房，F1學生連埋學長十一個男仔九個女仔，分房嗰陣，最令我估唔到嘅事發生咗！

屈姑娘問Heidi師姐同我介唔介意......住同一間房！同師姐同房呀！yeah!



「冇問題呀屈姑娘，一晚啫，我OK㗎！我會睇實呢個Form 1仔，唔俾佢鼠去其他房度玩！」Heidi師姐爽快答應。

「我...我...都OK嘅！」我就梗係唔介意啦，不過都要扮吓有啲勉為其難嘅表情嘅！

食晚飯嘅時候，真係食不知其味，只想快啲上房同Heidi師姐......！

Heidi師姐同其他學長，要先去屈姑娘間房度開檢討會，所以得我一個响間房，唯有睇吓電視碌吓手機啦，碌碌吓我就瞓著咗！......