忘記雜貨舖

12月23號，阿程由7仔晚五返嚟，打開咗彩虹邨一個舖位嘅捲簾門。搬完啲嘢食嘢飲入去，就急急腳去沖涼。間舖樓上有個淨係畀佢自己沖涼嘅神秘地方，就連阿妹都唔知呢間房嘅存在。

「和誰撞到亦怕生保 寧遠在醉酒中辛苦嘔吐 仍然在頭痛 合唱的詩歌聽𣎴到」
正喺阿程吟唱Lonely Christmas嘅時候，佢喺水渠見到一條女人嘅頭髮。

「哥，返嚟啦。」鋪門口傳嚟一把冇乜活力嘅女聲，啱啱放學返嚟嘅阿零擺低背囊，換返件長袖衫著返對人字拖。見阿哥唔喺到，梗係急急腳去阿哥樓上間沖涼房。
呢個時候阿程又沖完涼落翻嚟，轉個樓梯一落樓——

兩個人你眼望我眼。

總所周知，忘記雜貨舖除咗嘢食嘢飲煙酒同粗口之外，兩位前老闆亦都會八卦一下每位客人嘅心事。啲客買下買下嘢，就冇啦啦俾人套料，跟住套下套下，啲客就冇啦啦開始講經，講盡自己嘅陳年往事。有啲人講下講下就冇啦啦喊出嚟，又嘥多幾張紙巾。

而家，老豆老母退休，老闆呢個位就好自然咁推咗俾兩兄妹。

阿妹做下做下功課，門口傳嚟「叮叮」聲

鐘響，有客到。係一個步伐蹣跚嘅六旬女人。呢個客阿程見過，以前老母睇舖嘅時候日日都嚟，但係又12月直至依家，婆婆嚟得越嚟越少。

「喂！陳生陳太，好耐冇......喂，程程，你阿媽呢？」

阿程好嬲咁嬲咗一下：「李嫲嫲，佢哋退休唔撈啦。」

李嫲嫲：「咩腿呀哇？」

「退休呀！」

阿零喺隔離笑到抽筋，阿哥曾經講過佢好撚憎人嗌自己疊字。見阿哥就嚟一把濺落阿婆到，就即刻出嚟解圍。

「李婆婆今日買咩呀？」

「一樣，3罐5%。」

狂言！簡直係狂言！兩兄妹同時詫異咁望住呢個望落勁虛嘅女人。

阿婆笑住咁話：「屌你呀，望咩望？你哋一人一罐呀！我七字頭點會飲得晒......｣

阿零其實有啲驚阿婆飲下飲下突然原地瞓低。不過老母交代過無論啲客嘅要求幾離譜都好，只要唔係殺人屙尿屙屎或者洗廁所，都應該要同意客人嘅請求。

不過最後阿零都係收佢一罐嘅錢，剩返兩罐就當係陪飲。

阿程搵張摺凳俾李嫲嫲坐，跟住就係激動人心嘅講故仔時刻。

「我叫李天芬，我喺88年識咗我老伴......