軟妹．硬棍．偷姦樂: 五．租客

幾日後，當我去到愛丁堡間酒店嘅接待處，見到櫃枱前面果一對男女嘅身影，你可以想像得到，我有幾想「Yeah!」一聲大叫出嚟嘛？無錯，佢哋唔係第二個，就係雅琳同佢男朋友阿生。
 
我同雅琳首先對望到，佢見到我亦嚇咗一跳，仲連揸住本護照都跌埋落地。阿生就係幫佢執返嘅時候轉頭見到我，估唔到佢居然認得我，仲笑住用廣東話同我打招呼：「大哥你好，我哋之前好似係搭同一架機嚟英國，我哋就坐係你前面果行㗎咋，你記得我哋嘛？」
 
記得！我緊係記得啦！尤其係對你女朋友簡直係印象深刻，一試難忘呀！不過我梗係無咁講啦，懶係印象模糊咁話：「你講起嚟又好似係喎。又會咁啱嘅，你哋都係嚟愛丁堡，又係住呢間酒店呀？」
 
「係呀，所以話真係人生何處不相逢呢。都唔記得咗介紹返添，我叫阿生，呢個係我女朋友雅琳，大哥你點稱呼呀？」
 
「兩位幸會呀，我叫阿水。你哋會喺愛丁堡玩幾多日呀？」
 


雅琳一直都耷低頭不發一言，周身唔自在，但係阿生似乎並未留意到，自顧自繼續同我吹水：「原來係水哥，請多多關照。我哋其實係嚟留學㗎，仲有個幾禮拜就開學，我哋係過定嚟搵租盤先嘅。你呢，會喺呢邊玩幾多日呀？」
 
我笑一笑答：「玩就無我份喇。我係申請咗轉過嚟呢邊分公司做嘢嘅，預計會長住，公司幫我搵埋間屋做員工宿舍添㗎喇。不過聽日先收屋，所以今日要住酒店先。講開又講點解你哋會咁急先嚟搵屋嘅？呢邊要搵個啱嘅租盤都唔係咁容易喎。」
 
講到呢度，阿生就好似俾我㩒著咗個開關掣咁，滔滔不絕咁對我大吐苦水，簡直不能盡錄。總之大意就係佢哋本來一早搵咗一間公寓嘅套房，點知業主臨時先至話有事間房唔可以租俾佢哋，搞到佢哋大失預算，唯有早少少過嚟呢邊搵吓有無租盤。如果真係唔得嘅，可能就要搵Airbnb頂住先，不過就會貴好多…
 
我問咗佢要搵嘅大概係邊區，然後低頭諗咗一陣同佢講：「我有個提議。我間屋其實就喺你哋大學附近，雖然唔係話非常大，但係都有三間房，我自己一個人係用唔晒嘅。如果你哋唔介意同我做同屋主嘅話，我可以租兩間房俾你哋。咁樣解決到你哋住宿嘅問題，我又賺到外快，大家都有個照應。不過咁，間屋係公司幫我租嘅，我當俾朋友住係無所謂，但係就唔可以明正言順咁分租出去，所以我哋之間唔會簽租約，只可以私底下傾掂數。至於租金嘛，我間屋本來就係公司俾錢租嘅，我可以算係無本生利，就計大約市價一半就得啦。」
 
阿生聽到我咁講，雙眼簡直好似發光咁問：「咁會唔會太麻煩你呀？」講係咁講，不過就睇得出佢其實非常想成事。見到勢色唔對，一直無參與嘅雅琳拉咗阿生埋一邊細細聲傾咗一輪。睇得出佢雖然想阻止，但係對住自己男朋友係非常弱勢，相信亦講唔出乜嘢充分嘅理由反對咁吸引嘅提議，除非佢講埋自己俾我強姦過啦。
 


我見佢哋拉鋸咗一陣，就對阿生講：「都唔駛咁急做決定嘅，其實連我自己都未見過間屋嘅實際情況，如果你哋真係有興趣嘅，不如聽日同我一齊上去睇過先至再決定啦。」佢即刻答應，仲同我交換電話號碼方便聯絡添。
 
第二日我同佢哋兩個一齊去到我間屋參觀。雖然唔係新屋，但係內外都幾企理吓，而且已經包埋傢俬可以即時入住。三間房都喺樓上，主人房係連埋浴廁嘅套房，兩間客房就要共用另外嘅浴室同廁所喇。阿生對間屋好滿意，而且呢度嘅位置亦好方便佢哋返學校，更加重要嘅係我開出嘅租金真係平過外邊好多。雅琳就緊係繼續反對啦，最後佢哋都係話要再返去傾吓先。
 
當晚我就搬咗入去，亦都開始諗，如果佢哋真係唔落搭嘅話，我仲點樣搵機會再一親雅琳嘅香澤呢？同時有啲後悔，係咪應該喺佢哋睇樓啲時候就搵個機會，拉雅琳埋一邊偷偷又姦佢一次？雖然明知阿生就喺旁邊，呢個係不可能嘅任務，但係一諗起雅琳玉體橫陳嘅美景，呢個想法就難免喺我腦入面偷偷湧現。
 
喺等佢哋消息呢段時間，我真係有種渡日如年嘅感覺。好在喺一個星期之後，我終於收到阿生嘅電話，希望隔日就搬入嚟我度。原來雅琳一直都唔同意租我呢度（理由就我同佢都好清楚），但係佢地搵咗成個星期，都搵唔到其他滿意又負擔得起嘅租盤，結果佢哋都已經要開學喇，雅琳就唯有逼於無奈咁接受阿生嘅意見租我房。
 
之後阿生又講咗一大輪嘢，但係我就無乜點聽入耳，因為我耳邊只有不停響起放煙花慶祝嘅聲音。如果果一刻我有照鏡，應該會見到一個淫笑到變晒型嘅扭曲面孔，不停好似小動物磨人咁喺度磨部手機嘅恐怖畫面。總之我哋傾好咗佢哋搬過嚟嘅時間，我就開始做各種迎接佢哋嘅準備，隔日佢哋就正式成為我嘅同屋主喇。我順理成章咁留喺主人房，佢哋就各住一間客房。
 


雅琳對我嘅態度都係冷冰冰咁，無必要都唔會同我講嘢，喺屋裏面全程都黐住阿生，再唔係就係反鎖自己喺間房裏面，搞到我想落手都無機會。反而阿生對我完全無戒心，成日都同我吹水傾得好投契。佢個人雖然粗枝大葉，不過又好爽朗，如果唔係因為雅琳嘅關係，我諗我真係會同佢做到兄弟㗎。不過而家咁嘅情況，我就唯有努力同佢做襟兄弟囉！
 
之後果個星期六，我幫佢哋搞咗個小小嘅歡迎會，其實都係叫吓啲外賣嚟食咁啫。重點係之後我同阿生開始隊酒，我將之前準備好嘅存貨幾乎晒冷，啤酒、氣酒不在話下，連伏特加同威士忌都攞埋出嚟同佢講：「今日嘅酒水全部包喺我身上！」阿生聽到有免費酒任飲，即刻無視雅琳嘅勸阻，火力全開同我隊，連雅琳都俾佢拉埋落場一齊飲，結果都不免飲咗幾杯。
 
阿生嘅酒膽就夠晒喇，不過佢酒量就認真麻麻，呢件事我由上次見到佢喺飛機上面飲咗幾杯就瞓到死豬咁已經知道。果然幾個回合之後，佢已經醉到趴咗喺枱，仲打埋鼻鼾添。雅琳想起身將阿生扶返入房，不想就俾我捉住隻手。有幾分醉意嘅佢震咗一震，甩開我隻手然後講：「你唔好亂嚟呀！」
 
我對佢話：「無嘢，唔駛咁緊張。我見你搬咗入嚟之後都無乜點同我講嘢，想同你傾吓啫。」
 
雅琳答得斬釘截鐵：「我無嘢同你講！」呢一刻阿生雖然瞓得好熟，但係如果我真係撲上去強姦雅琳搞到佢掙扎大叫嘅話，都係會整醒阿生嘅，到時就真係一身蟻。