今晚我同兩個FRIEND係IONE打完機後, 就收皮返屋企,
望一望錶, 嘩原來已經係12點半
一如以往, 我地都係在街到遊蕩一陣, 吹下水買野飲,
邊吹水邊行返屋企
唔知是有心定係無意, IT仔向我開出挑戰
如果你能夠從海麗村20分鐘內跑返南山村, 
聽日LUNCH請我食個豬柳強咁話WO
我心諗, 20分鐘會唔會太簡單,
之前有跑過下步, 今日又有著跑鞋,
所以我好快就答應左佢




另一個FREIND, 加仔, 又加入戰團, 
我又心諗, 唔係連你都低估我跑速下話
1分鐘之內, 我既跑價已經由一個豬柳蛋, 
升左一倍, 變左做兩個豬柳蛋,
好耐冇跑步, IT仔返到上樓之後
我就陪加仔行返海麗, 
佢開口話, 「等我教你啦, 
吉之島上去天橋轉過去雞欄方向,
直線跑到南昌街轉上石尾」
我都好同意, 呢個路線係好快




但係要一次過跑過紗廠區, 紙札工廠, 同雞欄,
都咪話唔禾味,

屙個尿, 拉個根, 依家既我人企係吉之島出面,
我FB影張相做證, 依家時間係, 1點27分
一轉綠燈, 我就用80%全速沿住深旺道跑去富昌,
跑左十幾步就差D出事, 突然一堆的士綠燈衝曬出黎,
都唔知好嬲定好笑,
唔知係咪依家D MK冇錢買車, 就黎手租架的士出黎約戰
但作為一個男人, 我堅持相信自己,




堅持住用雙腳, 去行出自己既路

轉下眼我已經跑到南昌村, 並且向西九既方向跑,
跑到涼茶鋪, 見到前面有兩隻龜行埋黎
我個心涼左一下, 如果等陣畀佢截低, 
而搞到我冇左兩個豬柳蛋, 香港政府點賠我
就算佢真係賠啦, 我畀佢賠夠一百個豬柳蛋又點話,
我同你講呀, 其他既豬柳蛋, 係比唔上用汗水換返黎果兩個啊,
如果你覺得都係一個包, 冇傷大雅既話
我就知你係個連打機都會how do you turn this on既人
熱血男兒, 係會打到最後一刻, 
直到'切腹吧','DEFEATED'彈出, 然後一拳打落牆到冷靜自已
之後再重新上路既人
 
廢話就講完啦, 最後我係決定左無視兩隻龜, 




繼續佢有佢行BIT 我有我跑步
如是者, 係欽洲街既大馬路上
呢一晚多左一個瘋狂跑步既痴線佬, 
現在時間係1點33分

之後? 之後我就跑向北河街街市, 沿著南昌街跑到石尾街市
之後圍住大坑東村外面跑到南山村,
1點45分, 我拎起手機, 再影一張相, 
就係咁, 
付出左一公升汗水, 換返兩個豬柳蛋,
唉, 衫褲都濕曬, 但我唔撚驚,
因為做一晚海底奇兵, 其實唔難
 
已有 0 人追稿