說好的幸福呢？: 第七章-- 晚飯

星期三放學後，向傑又去那間自修室溫習，因為家裡的環境太吵，不適合溫習。
「咁啱嘅，你又嚟自修室？你唔係星期六先黎嘅咩？」凱楠問。
「我屋企裝修，太嘈，所以今日都黎囉。你唔係都係星期六先黎嘅咩？」
「聽日有chem quiz呀嘛，咪黎呢度lock in下囉。」
凱楠今次不是坐到他對面，而選擇坐在他旁邊，凱楠拿出自己的功課。
向傑德心跳得越來越快，但他卻要裝作沒事。
「傑。」
「嗯？」向傑淡定的問，但其實內心非常開心凱楠主動找他聊天。
「冇啊，我嗰日碌ig，見到呢間好似好好食嘅甜品店，你...今晚想唔想溫完書一齊食dinner，再試呢間甜品 ？」凱楠用盡了她的勇氣，才夠膽溫向傑。
向傑內心開心得想中了六合彩般的。嘴角上揚了，點了點頭。




「好呀，一齊去食啊。」凱楠笑了，繼續低頭溫習。
向傑點了點凱楠的肩膀「嗯？」
「好肚餓啊，我地去食嘢啦。」
「我都係啊，你想食咩啊？」
「嗯...就你，你鍾意食咩？」
「我呀...」凱楠想了一會「我鍾意食韓國嘢。」
「好呀，我知道呢度附近有一間幾出名嘅韓國嘢，我帶你去啊。」
原路過去餐廳，凱楠提著袋子的那側肩膀會不自覺聳起。
向傑留意到「係咪好重？我幫你拎。」接著就從凱楠的手中接過袋子，幫凱楠提著。
走了五分鐘就到餐廳了。




「幾位？」
「兩位。」向傑說。
「隨便坐。」向傑和凱楠選擇了一個卡位，叫了一點食物。過了一會，食物到了。
「我唔記得走蔥添。」凱楠埋怨道。向傑主動把凱楠的那碗拉麵來到自己面前
「我鍾意多啲蔥。」開始慢慢地把凱楠玩碗裡面的蔥夾到自己的碗裡面。
「你對全部女仔都咁好架？」凱楠文向傑。
「係呀。」向傑回答道
凱楠露出悶悶不樂的樣貌。
「得你一個女仔咋嘛。」
凱楠又露出笑容。




「你呢啲咁好嘅女仔應該好多人追。」
「咁我都唔受溝。」
「咁如果我溝你呢？」
「咁...」凱楠想了一想，心裡有點著急，不知該如何回應。「咁我會考慮嘅。」
向傑笑了一笑「哦。」繼續吃拉麵。
吃飯途中他們聊了很多話題，向傑從中知道了凱楠沒有男朋友，然後更深入的了解了凱楠。
埋單時，向傑還很貼心的幫凱楠付了。
「我下次還返錢比你。」
「唔洗啦，我請你食，我地去食甜品啊。你帶我去你想食嗰間。」
「哦。」
「老闆我要一個芒果西瓜西米露。」
「你呢靚仔，你要咩啊?」
「番薯糖水啊唔該。」糖水到了，向傑和凱楠邊聊天邊吃糖水。
「真係好好食。」凱楠笑著跟向傑說。
「同你食所以特別好食。」向傑說。

向傑望著凱楠對視了足足5秒。他們兩個的心臟都跳得很快，然後又繼續低頭吃糖水。