簡介
有人話每做一樣嘢，一個動作都會影響平行時空嘅自己；有時候喺度諗我有冇咁大影響力呀，就算真係有平行時空，我而家認知嘅自己咁微不足道，咁小影響力，連粒small potato都稱唔上嘅時候，我可以影響第二個自己？！
D- 101
| 作者 | 月木十 |
|---|---|
| 類型 | 科幻 |
| 狀態 | 未完結 |
| 更新日期 | 22-04-2026 18:10 |
| 文章字數 | 1743 |
| 點擊次數 | 0 |
Ophelia
Day 1 2024年5月9號 星期四 陰天
Dear Diary, 今日都算係個特別嘅日子，因為終於sell掂個proposal啦！！！！我要食好西，我要睇戲！呢個月嚟日日OT，咪話唔死，Cody仲鬧我好叫唔叫個名叫OT，咩喎咁我個名係叫Ophelia呀嘛，咁又真係姓鄧；今次真係「唔怕生壞命就最怕改錯名」。 Cody話我差佢餐飯食下嘢嘅，辛苦咗咁耐係要嘅，佢話要食意大利嘢喎，我都未講佢就知我想點，話唔要嗰間；呢啲咪就係好朋友囉。放心嘅，一定帶佢去食好嘢嘅。 諗返呢兩個月都幾癲，朝七就晚十二，仲有幾日瞓公司咁；好啦，終於可以唞下，唔同你講啦，去沖涼瞓教啦。 Goodnight Diary。☺
Day 2 2024年5月10號 星期五 陰天
Dear Diary, 今日老細話辛苦我哋team俾我哋放假！！Woohoo！！咁當然我都要兌現我嘅承諾，就係請Cody食飯，佢搵嗰間餐廳唔錯喎，原來屋企附近有間咁嘅餐廳我都唔知，又有新地圖可以試下啦。食飽飽就同Cody去咗海濱行下，幫佢影下相咁。 之後行行下發現咗原來有條樓梯係可以通到返屋企樓下，我住咗成兩年幾我先第一次知；Cody仲笑我，話我點解會唔知，冇解嘅對於我呢啲淨係識返工放工嘅人，識到Cody都已經好叻，然之後我哋就開始喺到回憶點解我哋會成為朋友；原來都係因為佢，佢當時一入職就發現我哋鐘意同一個唱手，之後佢就無所不談，連以前唔講嘢嘅我都變得外向咗。我哋一路傾一路行，都係行返條舊路返我屋企，唔緊要啦，下次先再行第二條路試下。 仲有兩日假放！plan下去邊先，好啦，今次又係咁先，Goodbye Diary。♡
Day 3 2024年5月11號 星期六 陰天 Dear Diary, 今日個太陽玩伏匿匿咁，一時有一時冇；點都好啦，今日做宅女，匿喺屋企唔出街~喺屋企就研究下食譜啦，有個save咗好耐嘅食譜今日終於得閒試下；唔好講笑，我煮嘢都真係有一手（哈）。 食飽，睇下戲，眼瞓又瞓陣晏教，可唔可以每日都係咁，所以幾時中六合彩。。。我知係不切實際，但所以幾時先會中。玩多日又要返工啦，聽日母親節啦，成家人約咗出去食飯，禮物當然買好啦！一定鐘意呀！ OK，今日係咁先，Goodbye Diary。