《淫娃育成計劃》: 《1 - 初次見面》
「唔好意思啊，我叫Jack呀，你叫咩名啊？可唔可以加個IG？」一把低沉嘅男聲問。
我向聲音嘅方向望過去，呢個叫Jack嘅男人着住一件緊身嘅白色T-Shirt，突顯佢胸肌嘅輪廓。佢好高大，起碼一米八，身型一睇就知道平時有做開Gym，雖然唔係健美程度，但係全身嘅肌肉線條好明顯。佢個樣算喺唔差，係旺角常見嗰種好識氹女仔嘅Type。佢淡淡嘅古龍水味混合住少少汗水嘅氣味撲鼻而嚟，令我個腦有一瞬間嘅空白。
「我⋯我叫曾凱瑩⋯」我托左一下我副黑色框眼鏡，攬實咗胸前部手提電腦。
我將個頭探一探出去，見到Jack後面有一班同佢差唔多高大，睇落都係大學生嘅男人，圍埋一齊望向我。睇嚟呢個突如其來嘅搭訕，都只不過係班男仔之間賭輸咗，要搵個睇落最唔起眼嘅女仔抄牌嘅無聊遊戲。
「我覺得你細細粒好得意呀凱瑩！可唔可以同你做個Friend？」Jack烏低少少身同我對望，彌補我地之間差唔多30 cm 嘅身高差。
雖然我唔太想搞呢啲複雜嘅男女關係，更加唔想做佢哋打賭嘅犧牲品，但係喺Jack嘅朋友面前拒絕佢又好似好衰，好唔俾面咁。
我接住佢遞俾我部電話，喺佢Instagram 摷翻我嘅Profile出嚟。
「嘩！你啲相同真人一樣咁靚喎！我哋遲啲約出嚟食飯認識下啊不如！」Jack一直睇我啲相，完全冇望我。
「嗯。」我輕輕咁回應，連我自己都幾乎聽唔到。
Jack滿意咁笑咗笑，同我揮揮手，然後轉身行返去班Friend度。佢哋一班人即刻起哄，笑住咁越行越遠。
Jack 同班Friend走咗之後，留低我一個企啲原地，嘗試去理解自己急速嘅心跳。
由細到大都係我同爹哋相依為命，佢管得我好嚴，成日教我要努力讀書，所以讀書對我嚟講變得好重要。自從中二拍拖拍到考試肥佬，我就唔敢再拍拖。雖然一直都有男仔追我，不過我都因為學業為重拒絕咗。但係可能係啱啱升大學嘅原故，有種重新出發嘅感覺。可能Jack就係我嘅真命天子，可能我可以愛情學業兼顧。
理智話俾我聽佢只係個Playboy，但係我仲發緊熱嘅面豬登證明我應承佢約出嚟唔係純粹俾面Jack。
望住Jack同佢班兄弟走遠，我手震震咁攞出電話，打開Instagram。活動欄多咗個新通知：「jack_1022 已經開始追蹤你」。
我㩒入佢個Profile，一堆相令到我即刻心跳加快。最新幾張都係佢喺Gym Room半裸上身嘅肌肉相，六舊腹肌一覽無遺。除咗大隻，佢生活仲好富貴，有張相佢挨住架黑色嘅跑車。
「嘩！睇緊咩呀面都紅曬？」
一陣濃郁而甜膩嘅香水撲過嚟，我嘅好朋友Carol唔知幾時企咗喺我身後。佢係個出名嘅情場老手，樣又靚，身材又正，仲要不停咁換男朋友。
「冇...冇啊！啱啱有個人問我攞IG...」我想收埋部電話，但Carol已經一手搶咗過去。
「嘩！曾凱瑩行桃花運啦！」Carol雙眼發光，快速掃過Jack啲相。
「呢條仔正喎！你睇下呢個胸肌，喺床上一定好有力！仲有架波子，睇嚟好有米。又Fit又靚仔又有錢，完美Boyfriend Material 啦！」
「Carol！你唔好咁痴線啦！」我怕醜到想搵個窿捐。
我將頭先Jack同朋友打賭抄牌嘅事講俾佢聽。以為佢會叫我小心啲，點知Carol聽完反曬白眼，㩒住我兩邊膊頭。
「打賭又點呀？你估真係條街隨便執件都去抄咩？」Carol上下打量住我，語氣有啲恨鐵不成鋼。
「小姐呀，你唔好成日覺得自己好毒先得㗎！你除低副死人眼鏡，個樣不知幾靚。最緊要係咩呀？係你對E Cup呀大佬！你日日着埋啲Oversize嘅衫收收埋埋做乜啫？你知唔知你呢啲對班仔嚟講係潛力股呀！」
「但係我爹哋話...」被Carol 當面講中我最敏感嘅身材，我塊面着曬火。
「你上咗U啦大個女啦！」Carol打斷我，將部電話塞返俾我。
「你條件咁好，係時候要變下啦！」