追求演藝的Mikaela: 24. 落慌而逃

細文留低在現場等待候約二十分鐘，見到當日在巴士上層當日看到的從黑色房車中步出的男人，男人也認出他，而且用很複雜的神情自著他，在場的記者認得出男人身份，客氣地問好：「王校長，乜咁壯建行斜路上來，呢度馬路唔係禁區，你座駕駛埋上來都得。」同一時間，Mikaela所乘坐的私家車亦駛上來和大律師裝束的男人會合，Mikaela的身高外貌條件，加上富家女的的打扮，立即吸引一眾新聞記者的鏡頭，有記者甚至致電回報館要求娛樂組的同事到場採訪這名疑犯。
Mikaela 見到王校長，知道他今日必定會對泰仔被殺的案件窮追不捨，見到這麼多記者和鏡頭向著自己，就率先面向記者講話：「乜今日咁大陣象？我又無叫記者上嚟。」記者甲：「小姐妳有宗殺人案在身，妳有乜野想講？」Mikaela望了望大律師打扮的男人，他微微點頭示意可以說話，Mikaela向記者說：「我只係同泰仔睇電視劇時當咗佢係楊過，一時肉緊扭傷咗佢條頸。」然後指著王校長，繼續說：「呢個男人就去報案話我謀殺，仲話我走到天腳底都會追住嚟。」記者乙：「妳個大狀會幫妳認條輕啲嘅罪，妳咁後生靚女，要坐監又真係嘥咗。」記者丙指著細文：「楊過咪喺度囉，印度警察話唔再捉妳，妳依家去機場搭飛機過去就得。」孟買警察局長向Mikaela招手，示意有話跟她說，Mikaela 依言上前，跟警察局長一番對答後臉有喜色，警察局長再說了一句：「Miss, come to India.」
Mikaela 走回大律師打扮男人面前問他的意見，他先是一陣沉默，然後壓低聲線回答：「妳要走就要快，如果妳嘅控罪轉咗做謀殺，咁妳就出唔到境，上唔到飛機。」Mikaela神色慌張地望向四周，孟買警察局長指向細文：「bring him to.」原先一直代表的女大狀從車廂步出，和Mikaela低聲商量後，Mikaela 走向細文，拖著他的手要帶他上車。
原先在遠處沉默不語但一直注視著Mikaela 的王校長終於爆發：「殺人犯，妳想帶個細路走去邊？」他步近細文，行過女大狀身邊時，眼神凌厲地跟她說：「妳呢個幫凶，我遲早去公會投訴妳。」女大狀睜大雙眼但不敢回應，王校長又跟大律師打扮的男人說：「妳幫佢辯護，小心你個升職報告。」大律師打扮的男人：「我只係幫手埋尾。」王校長望了他一眼，沒作回應，向細文招手說：「你過嚟。」站在孟買警察局長旁邊的灰色西裝男人：「小朋友，你跟王校長過去，唔好跟個女人上車。」Mikaela在眾人的目光下被迫放手讓細文走近校長，細文走近站在報案室前的王校長並向他問好：「王校長午安。」
王校長苦笑：「你唔係泰仔，泰仔無你咁醒，識得問候長輩。」他從皮包中拿出一張黑白照片，照片是在影樓拍攝，相片中王校長的太太坐在椅上，王校長和 泰仔站在兩旁，而泰仔手上抱著布公仔伯特，王校長眼神略帶哀傷，把相片交給記者，一手搭著細文膊頭：「幫手影我同佢合照，呃住我太太先，佢喺新加坡養病，泰仔嘅事唔可以同佢講，唔刺激得佢。」一眾記者聞言當然不會吝嗇相機菲林，連忙為二人合照，合照完畢後，王校長向記者交代今日來到屋邨報案室的目的：「我確認咗呢個男仔唔係泰仔，依家我入去再報一次案，一定要警察捉住個殺人犯，唔俾佢逃走。」然後他向灰色西裝的男人招手，邊向記者說：「我今日搵埋法律系來幫手。」二人一同進入報案室，細文則在門外約五步距離等候，大約過了十五分鐘，二人步出報案室，灰色西裝男人先向記者發言：「泰仔個法醫官報告已經寫好，律政司署睇完就決定控罪。」王校長：「攞份法醫報告過來，我會搵人睇。」灰色西裝男人搖頭：「校長，呢份報告係重要證據，要到上庭時由檢控官公開。」王校長略為遲疑：「叫法醫直接送個報告上來，叫埋醫學院Professor上來睇。」灰色西裝男人：「我睇睇佢哋有無去渡假。」步往附近電話亭叫秘書聯絡各人，得到的點回覆是二人都正在開車趕到報案室現場。
Mikaela 和代表她的女大狀站在較遠處的私家車旁，女大狀用手提電話收到法醫官將直接前來的消息後，立即走到王校長面前：「校長，上庭時我一定會向法官投訴你防礙司法公正。」王校長不屑地回應一句：「隨得妳，妳應付咗我向妳公會嘅投訴先啦。」說罷就轉過面不作聲。女大狀步回Mikaela 身邊：「我實投訴佢唔跟程序睇報告，妳放心。」
大約二十分鐘後，一個大學舊生團體帶著法醫官到場，人數約十人分別乘座三輛私家車，細文認得其中二人，因為他們都曾經到過學校探望校長，看來自己學校的校長也是屬於這個團體，團體為首的一人名叫Longman，細文認出他就是用上電視的方式來教訓Zoe的電視台高層，他跟手拿報告的法醫官說：「等我講幾句先。」轉身向記者高聲說：「喂，記者聽住，你哋邊個敢影我老友相，我就保證佢燉冬菇。」說時高舉自己的手提電話，記者們低聲細語：「消息封鎖。」、「飯碗要緊，忍下手啦。」 敢怒不敢言。
Longman 然後向王校長說：「王校長，聽講你老人家啱啱退休，為乜咁勞師動眾叫我老友天寒地凍送份forensic上來？」王校長：「Longman，係唔係要我過你舊生會呢一關，法醫官係客席講師，係我嘅職員，我有權叫佢上來，使唔使我叫埋現任嗰位（校長）上來confirm order?」Longman:「校長，你咁樣係衰衝動，靚女請嘅大狀一定會喺庭上叉爆你妨礙司法，到時靚女一樣會脫罪。」王校長：「呢層你少同我擔心，你哋舊生會到底交唔交份報告出嚟，信唔信我打電話俾港督？」記者聞言後起哄，紛紛打電話回報個報告上級。
有一名穿著運動裝束，架住眼鏡的男人從斜路跑步上來，他跟站在最外圍的記者了解後高聲說：「做乜要叫港督來呀？」然後走近報案室，向校長說：「校長，我到咗啦。」Longman：「大醫生，過來睇下份forensic先啦。」剛到達的男人正是醫學院教授，法醫把報告交給自己在大學的上司，動作有些為難，因為代表Mikaela 的女大狀正在十步外注視著。
醫學院教授正在審閱報告時，Longman可能為了緩和緊張氣氛，把話題轉移到細文身上：「又係你個F.1仔，做乜成塊報境板咁企咗響度？」在旁的記者代為解答細文是要假裝成泰仔和王校長合照，Longman：「F.1仔，你俾人利用咗啦，呢個大學高層從來唔益人㗎。」言語間針鋒相對，王校長微笑搭著細文膊頭：「我會送返份大禮俾佢。」Longma:「我聽住先啦，F.1仔，天色快黑齊，你早啲返歸先啦。」細文回答：「咁我返上去先啦！」Longman：「此地不宜久留，走得快好世界！」細文跟王校長道別，眼神露出不捨，在旁記者見狀向細文說：「F.1仔，呢個場面千載難逢，你企後少少睇埋場戲先啦，小心唔好俾靚女捉走就得。」細文聞言，步向一個遠離Mikaela 的位置繼續看熱鬧。




醫學院教授看過法醫報告，跟王校長說：「校長，你養子嘅傷勢唔似係意外，佢頸椎神經一次過扭斷晒，無任何生存機會，製造呢個傷勢嘅人係受過訓練，有生物學知識嘅職業殺手。」王校長和身旁的法律系灰色西裝男人對望了一眼後一言不發，再從醫學院教授手上拿過法醫報告，二人轉身走入報案室。
記者群在門外議論紛紛，氣氛開始變得緊張，Mikaela 亦察覺到情況不妙，焦急地和女大狀商討著，她更向同樣代表她的大律師打扮男人說：「喂，你收咗我錢，出句聲啦。」大律師打扮男人不置可否：「我要講嘅都講晒啦，小姐。」Mikaela：「係味要走就襯快？」大律師男人拒不回答，記者聞言又是一陣哄動。過了不久，王校長和灰色西裝男人神色凝重步出報案室，而當值的警員亦快步從報案室步出，向Mikaela 高喊：「小姐，妳嘅保釋取消咗，入來辦埋啲手續入去荔枝角。」又向記者群說：「讓一讓位，等豬籠車上來載個犯走。」灰色西裝的男人向記者以宣報方式大喊：「依家改控佢謀殺，呢個女人無得保釋！」
Mikaela 向著報案室走近幾步，行過女大狀身邊時，女大狀在她耳邊低聲說話，但旁邊的人聽不到內容，Mikaela 突然轉身走上私家車，上車前眼神還在尋找細文，警員在十步外距離趕來制止，女大狀用身自己身體擋住警員去路：「係唔係想非禮？」而孟買警察局長亦向Mikaela 大叫：「go!to India!」私家車遲疑了一會，便開車加速逃離，記者群紛紛舉機拍攝。
王校長雙手靠背，步出馬路中心，凝視著Mikaela 車輛逃走的方向，眼神中帶著一絲失落，但仍不失高層的風範，向在場記者發言：「香港嘅司法制度就去到今日為止，俾個殺人犯逃避咗法律制裁。」記者們包圍著王校長拍攝和發問，王校長繼續：「我學校嘅職員同畢業生，居然去幫助嗰個殺人犯逃走，佢哋等住釘牌燉冬菇！」大律師打扮的男人沉默不語，而女大狀則低聲回應：「呢啲係專業。」站在報案室前，跟王校長約有十五步距離的Longman 跟同伴笑說：「挑！我公司啲出品都無咁精彩對白，等我叫CAM Man 嚟拍低佢當劇情，慳返唔少製作費。」站在附近法律系灰色西裝男人亦附和：「校長們今日似乎感性咗。」Longman 向王校長大叫：「校長呀，差佬喺入面call緊人手，你老人家少擔心啦。」王校長不置可否，繼續回應記者提問，並將話題的茅頭轉向孟買警察局長身上，他攤開雙手，表示自己的處理手法並無問題，只是校長他不接受。
有一輛外表尋常的私家車從斜路衝上來然後急剎車，站在最外圍的年輕女記者被嚇得尖叫，然後把鏡頭對準車廂準備拍攝及舉報，司機座位旁的男人打開車窗：「小姐，我哋都係警務處，我哋嚟接載校長去捉殺人犯。」女記者：「警務處有呢種做法咩？」男人：「我哋係Da Vincci Hall 舊生會，雙重身份。」女記者：「你哋係乜hall?」男人重覆一次：「達文西堂呀，小姐。」女記者指向Longman:「咁你哋係唔係同一個團體？」男人搖頭：「唔同分屬會㗎。」Longman亦大叫：「小姐，我哋係V Hall㗎。」女記者為免出錯，用筆小心地記下名字。
車上的男人並非穿著警察制服，而是整齊西裝，但仍看得出結實身形，男人向校長說：「校長，唔好失望住，我哋通知晒海關啦，個女人同旅行社訂緊機票，佢應該唔會走上大陸嘅。」王校長：「佢走佬上大陸我求之不得。」又問男人：「你哋今日唔使做保鏢咩？」男人：「高官放晒假未返，上車啦校長，我哋帶你去追個殺人犯。」司機：「等我掉個頭先」私家車以漂移方式在雙程路掉頭，省卻了借位的時間，王校長一邊上車一邊說：「好彩仲有你哋。」現場觀看的人都自覺地拍掌，私家車以賽車的速度駛離，趕往啟德機場。
這時增援的警員趕到，跟記者了解事件後帶走了女大狀及孟買警察局長，大律師打扮的男人跟著二人到警署協助，Longman跟記者作簡單交代後就帶領舊生會會員離場，臨行前還禁止記者拍照，而法律系的灰色西裝男人和醫學院教授則留在報案室外的停車場，召開了一個臨時記者招待會，解答記者的提問。
天色已黑，細文亦要趕回家中，回家前特地繞路到球場，把膠袋中的布公仔伯特以坐姿放在籃球架的石屎躉上，因為他覺得這個公仔是屬於泰仔的，所以沒帶回家，布公仔似乎沒有抗議細文的做法，笑容可親地安坐在寒夜中的籃球架內。