是咁的，我同個 YouTuber 瘋狂做愛 | 《愛的紀錄》: 29

「呢兩日真係麻煩你。」飯後，藍太跟我說。

我微笑地說那是我的工作本份。

「如果⋯⋯啫係因為軒仔依家都放緊暑假。」藍太的語速變慢了：「如果你又有時間嘅話，不如我再開新一個 offer 畀你，你嚟我哋屋企長少少時間去 take care 佢好唔好？當然費用都會多返。」

軒仔不需要上學，讓我逗留久一點去進行治療訓練相關的工作當然也是對軒仔成長有益。

「可以嘅，我暫時都有空間。」藍家給我的月薪待遇已經夠我半年生活有餘，只是藍太這邀請來得突然了一點。但我的內心是認同和期待這樣延長工作時間的請求的，不知道為何。





後來我們暫時達成共識，比平日工作再多兩小時。

「如果有需要嘅話，你都可以帶軒仔出去行行，因為佢都好鍾意周圍去，可能咁都對佢發展有幫助。」藍太補充。

我點頭，當然也無所謂。

「Eva～」藍太向 Eva 招招手，待她過來後說了之後可能要陪我和軒仔出外一事。

「佢多數會想去邊？」後來我問。





Eva 聽到後高速運轉出答案：「公園呀、球場呀、商場嗰啲呀⋯⋯佢多人嘅地方都會鍾意去。」

「同小姐完全唔一樣哈哈，」Eva 淺笑地續說：「小姐最鍾意去藝術館、睇畫展、去海邊嗰啲。」

我禮貌地抿嘴一笑，藍太後來補充一句：「軒仔家姐佢做平面設計，兩姊弟鍾意啲嘢好唔同。」

平面設計師？我內心冒了疑惑，臉上還是一貫的笑意：「都好呀，個性互補。」

「但願係咁啦⋯⋯」藍太輕笑地和我道別，而在道別之前，曉晴已經回走廊深處的房間去了。