是咁的，我同個 YouTuber 瘋狂做愛 | 《愛的紀錄》: 43

「麻煩到你喇。」她把音樂調大聲一點，外面的爭吵似乎又小聲了。

「呢到有呢到好吖，」我淺笑：「呢到地毯坐得舒服過出面，又可以聽吓歌。」

只見曉晴聽後莞爾地微微側頭看著我：「你好似成日諗到好嗰一面咁。」

「咩都有兩面㗎嘛。」我說出一個雖然有點老套但卻實在的想法來，但她也是低頭溫柔地笑著。

「你一直都係咁諗？」她問：「我嘅意思係⋯⋯即使呢一面再惡劣，你都會嘗試去諗好嘅另一面？」





我點頭：「或者調轉講⋯⋯即使呢一面再美好，我都會下意識去諗壞嘅一面會係咩。」

她聽後皺眉一笑，好像在掃描眼前一個外星生物一樣，然後嗓音有點奇妙地歎道：「好特別。」

「⋯⋯係咩？」

「第一次遇到有人會專登諗壞嘅一面係咩。」她邊說邊隨《星塵》的副歌微微擺動上身，我從她的搖擺中，發現原來自己也在隨音樂搖動。

「唔將壞嘅一面放埋一齊睇，好似唔完整咁。」我說，曉晴思索了一會兒，微笑地緩緩點著頭。