是咁的，我同個 YouTuber 瘋狂做愛 | 《愛的紀錄》: 73

「觀察嚟講⋯⋯」我想了想她身上和身邊所被塑造的一切後說：「似。」

「點觀察？」她問，我倆肩膀靠得挺近的。

「如果表面啲講，我見你間房擺咗好多書講版面設計、配色嗰啲。」我說，但又同時想到她桌上的幾本戀愛心理書——究竟還是不明白其存在的原因。

「書架擺咩書你都留意！？」她瞇著眼，雖然戴口罩但能看見笑意與一點驚喜。

「觀察可能係職業病。」我聳肩。





「除咗呢啲呢？」曉晴追問：「如果唔講表面呢。」

我想了想：「咁可能你有藝術嘅氣質。」

「具體嚟講呢？」曉晴突然對這方面好像很好奇，但我沒有答案：「好難講喎。」

「但你覺得我應該係一個 Graphic Designer？」她再次問，而這次有點動搖了我。

「可以咁講？」我的確找不到其他工作的可能性，她那三千訂閱的 YouTube 頻道也根本算不上工作，所以只能如此答了。





「咁我好似都塑造得幾好⋯⋯」她像是自言自語又像是跟我對話的說，直到望向我，我才知道原來她真的在跟我說話：「但其實我唔係啦，我唔係。」