是咁的，我同個 YouTuber 瘋狂做愛 | 《愛的紀錄》: 105

後來我們到了商場內的一家大型玩具店，我仔細篩選後，買了兩款還沒跟軒仔玩過卻很適合他的桌遊。

「睇你揀得咁細心，唔怪知得細佬咁鍾意同你玩。」曉晴牽著我的手稱讚著。

「你想嘅話……我都可以私底下同你玩㗎喎。」我本來的意思是這兩款桌遊也很適合二人遊玩，但說出來之後頓時就變得截然不同了。

「玩啲咩呀？」只見曉晴聽到後，靠近我肩膀地好奇笑著。

「Board game呀……」我說，但好像越說就越奇怪了。我和曉晴相視而笑，幸好那時玩具店裏很少人，小孩也沒多個。





深呼吸後，我正經說回：「不過聽日我都會過你屋企同佢玩。」

「好呀，如果唔係佢日日都話好掛住你，冇同你玩兩日就悶到咩咁。」曉晴說。

「咁你呢？」我把握機會地半開玩笑半認真：「我哋都冇見兩日，你有冇掛住我？」

但見曉晴聽到後沒有立刻回答，反而帶著反叛的笑容挽著我手臂，直到靠近我耳邊時才柔聲密語：「等等返到你屋企⋯⋯你咪知囉？」

我不肯定曉晴是否知道自己身上的葡萄柚淡香味有多誘人，但當下她的甜言蜜語就在我的側臉隨香氣盛開，我毫無辦法只有徹底沉淪。