是咁的，我同個 YouTuber 瘋狂做愛 | 《愛的紀錄》: 115

「阿文，我真係唔知點算好⋯⋯」藍太在我一踏進藍家便面色陰沉地跟我說，我有一刻以為軒仔出了甚麽關乎生命危險的意外，但很快我便瞥見他獨自在客廳一角玩模型。

「咩事？」我望了一眼軒仔，隱約能發現平日臉上的神采今天都不見了，也沒有像平日般衝過來打招呼。

藍太長嘆了口氣，著我先到家門外去說句話。我如是退到家門外，仔細一看能發現藍太軒仔兩母子的表情都喪失了希望。

「我都唔知佢發乜神經⋯⋯今日班主任話佢喺學校小息竟然推跌咗同學，搞到個小朋友跌損膝頭同手掌，家長差啲話要報警處理，好彩班主⋯⋯」我一邊聽一邊感受著藍太複雜的情緒：憤怒、無奈、失望、自責⋯⋯還有很多無以名狀的感受。

「軒仔有冇講咩？」聽完整件事後，我問。





「佢話個同學笑佢同埋玩佢頭髮先喎！」一聽藍太憤怒的口吻，我大概能猜到她接下來的反應：「咁我話你咁就可以推人㗎喇？如果人哋真係報警呢？⋯⋯成日剩係喺度製造麻煩，我幫佢同其他家長道歉都道到煩喇⋯⋯！」

我沉默地思考了兩秒，好像說甚麽也不太合適，於是便只點頭表示在聆聽。

「跟住佢宜家返到屋企就成日冇講過嘢，好似嬲咗我話佢咁⋯⋯」藍太說到這時又吐了口大氣，好像一次過發洩了後又冷靜了一些。只見她摸了摸褲袋，最後才跟我說：「麻煩阿文你幫我搞搞佢，我真係唔想望到佢先——我要出去唞唞氣。」

「好⋯⋯」我點點頭，本來懷著開朗心情打算輕鬆來輕鬆去的，現在都不可能了。