是咁的，我同個 YouTuber 瘋狂做愛 | 《愛的紀錄》: 129

渾渾噩噩地過了凌晨，我才第一次離開床。有點頭暈地沖了冷水澡和吃了麻辣杯麵後，身體與靈魂才逐漸感覺回到地面——也是那時候，曉晴打來了。

「我啱啱上咗小巴喇。」她說，聲音有點疲倦，像是說了太久話後喉嚨有點使不上力。

「會唔會辛苦呀？你把聲聽落有啲攰。」我本能地關心。

「偶爾一次直播，用聲係用多咗少少。」曉晴說後輕笑：「嘻嘻，你好細心。」

我摸了摸頭，頭腦清醒了一點，暈眩的感覺忽然散去了。





「係呀，我諗直播咁耐都應該攰。」我說：「如果你見攰我哋就唔傾咁耐啦。」

「你啱先都有睇直播？」曉晴的語氣看來有點期待。

「我睇咗睇開頭，之後有啲嘢忙就冇睇。」我說：「後日要過嚟同你細佬做訓練，啱啱去咗準備定啲工具。」

「好有心喎！」曉晴像是開玩笑地說這句，但想到啡髮男剛才直播也說過同樣一句玩笑話，我本來想風趣回答曉晴的興致頓時也一掃而空了。

沉默之際，曉晴突然想起：「聽日日頭我屋企好似都冇人，不如你過嚟陪我拍片？」