是咁的，我同個 YouTuber 瘋狂做愛 | 《愛的紀錄》: 154

「估唔到你都係嚟咗。」曉晴牽起我的手，但說的話卻讓我無法感受到她半點驚喜。儘管我總是覺得自己很瞭解她，但她此刻牽起我的手是想討好、想親近，我也忽然之間分不清楚。

「你唔鍾意？」我問，不知道臉上已經浮現了甚麽表情。不過曉晴立刻把另一隻手也輕輕地放在我的手背上，像安撫地說：「唔係呀，我哋幾日冇見，我梗係想快啲見到你。」

我凝望著曉晴臉上有點僵硬的笑容，眼神有點迷惘地聽著她斷斷續續的解釋，甚麽Karen 比較害羞尷尬可能會覺得自己像電燈膽、甚麽她和 Karen 都沒預計我會到所以會比較意外、甚麽甚麽⋯⋯

「前幾日我哋唔係先一齊食早餐咩？」我開始感覺到呼吸既悶熱又沉重。明明前幾天我們才好好的吃早餐，有說有笑，也說對我的印象很好，覺得我很好人⋯⋯現在見面忽然就變成這樣？

「嗰日我有問過佢先，但今次我同佢講你唔會嚟接機，所以⋯⋯」曉晴有口難言地看著我，話浮空中——不用說了，所以是我錯。





「Sorry，搞到你哋唔舒服添。」我雙手在髮間焦慮地拉扯，曉晴見狀又輕輕挽著我的手下來：「唔係呀，咁你想快啲見到我都係好㗎，不過係我擔心 Karen 佢會⋯⋯」

再聽下去就像受審，我果斷省略了，只繼續道歉直到 Karen 回來。

後來 Karen 已經換了一張臉回來，換了一張不介意我在的臉。

但我會記得的，當她和曉晴在接機大堂第一眼看見我後的反應。

那反應，才是最真實的表情。