是咁的，我同個 YouTuber 瘋狂做愛 | 《愛的紀錄》: 157

我已讀後沒有回覆，讓道歉留在訊息欄的最後。

然後，我打通了電話。

「⋯⋯」大概有三秒，我們互相都沒有說話。

「Sorry⋯⋯」曉晴先開口，我感覺到她還有話想說，但我決定先說，其實自己才是錯的人。

「我同你共識係唔去接機，我應該尊重你嘅睇法，唔係自己覺得好就好。」我想先承認一切她有可能說我做得不夠好的地方：「我本身諗住可能咁樣會有驚喜，點知反而搞到件事變成咁添⋯⋯」





「件事其實冇咁差㗎⋯⋯」曉晴說：「只係我唔知點解當下唔識得畀反應，好似搞到件事嚴重咗⋯⋯後面我都同 Karen 講返，其實佢冇乜嘢，只係佢怕醜同怕做電燈膽所以先有少少尷尬。」

「我明⋯⋯希望佢唔會覺得我勁奇怪。」我連用半秒回想她們當下那真實的驚訝反應都不想，只想快點完結這個話題，讓這段回憶從彼此記憶洪流中沖走。

「唔會啦⋯⋯」曉晴輕笑，她終於笑了。雖然不知道她出於安慰還是真心，但那至少讓我緊繃了不知道多久的身體終於鬆了些許。

就當一切重新開始，我在心裏暗自安慰自己。