Mr.Fuck和Bad Girl的故事: 第六章
第六章
應承左大家會有第六章嘅，但真係好可惜，Bad Girl同Mr.Fuck嘅故事真係冇辦法再繼續寫落去，因為Bad Girl覺得好攰啦，唔係寫故寫到好攰戈啲攰，而係同Mr.Fuck嘅相處關係覺得好攰，好似得Bad Girl一個人付出咁，Bad Girl唔係接受唔到付出，而係接受唔到得一個人努力嘅付出，哩種內耗真係令人覺得好攰好辛苦，所以Bad Girl決定結束哩段唔健康又結果嘅闗係。
係見面之後，其實都Keep住有聯絡嘅，但係確確實實比之前少左，但哩啲Bad Girl一早已經幫自己打左預防針，話比自己知會有哩一日，所以Bad Girl都唔係話好痛，頭幾日Bad Girl都有主動搵下Mr.Fuck，都盡量唔做最後一個講野嘅一個，咁樣希望可以Keep到落去，加上Bad Girl之前有食藥，啲藥都仲Keep住令Bad Girl覺得好攰，所以Bad Girl好早就會訓教，之前Bad Girl點都會等Mr.Fuck，為嘅係同Mr.Fuck講嘅Good night，但係Mr.Fuck 好耐都冇同Bad Gir講啦，耐左之後Bad Girl都唔再同Mr.Fuck講，其實兩人都Keep唔到個溫度，兩人講嘅野越黎越普通，就連基本日常都唔係，Bad Girl真係好氣餒，亦唔打算再做啲咩拉近返個距離啦，因為根本就係好似熱臉貼冷屎忽咁，Bad Girl覺得冇必要比Mr.Fuck咁對待，無論係真心對Bad Girl好定純粹想同Bad Girl搞野嘅都好，都大有人在，無謂做女仔做到咁難睇，加上大家都係成年人，Bad Girl都算係個好敏感嘅人，亦好有自知之明嘅人，係一開始嘅時候，其實Bad Girl己經講左自己唔啱Mr.Fuck，係Mr.Fuck堅持痴咪黎，其實Bad Girl諗返去覺得自己好蠢，點解會信左個Fuck boy講嘅野，不過又咁講，一隻手掌拍唔響，一直而黎Bad Girl都保持清醒。
外人會覺得Bad Girl跟本就沉曬，仲話自己清醒，黎緊下一個故事Bad Girl會再講一下佢另一段真係沉到落深海嘅故事，不過講明先，係冇乜甜，大家當愛情故事咁睇啦，哩段感情Bad Girl到依家都刻骨銘心。
Bad Girl接受唔到Mr.Fuck忽冷忽熱嘅態度，都決定放生佢啦，Bad Girl有一日全日都冇揾過Mr.Fuck就係想睇下Mr.Fuck仲會唔會揾Bad Girl，果然係唔會嘅，第二日Bad Girl約左男仔出街，其實都斷左一日啦，應該都唔會搵嫁啦，點知Bad Girl同個男仔Bye bye左之後，拎手機出黎睇下嘅時候，竟然收到Mr.Fuck嘅msg，當Bad Girl已經冇之前咁激動，因為Bad Girl真係對哩段「友情」死曬心.....
💙：Photo
🖤：仲以為你唔記得左我tim~
💙：你可以搵我嫁嘛，你都知我真係好少DM嫁～
其實哩刻對Bad Girl黎講已經廢話，下？點解一定要人地揾你嘅，點解你唔可以搵人嘅，對Bad Girl黎講已經唔係特別，而係點解你永遠都覺得自己高高在上咁嘅，Bad Girl本來就唔中意哩種感覺，Bad Girl做女仔都唔會咁對啲男仔。
💙：Photo
🖤：唔好撩我.....有得睇冇得用....打算幾時再比我見下佢咁～
💙：😂😂😂😂😂😂
💙：點解你可以咁認真問啲咁廢嘅問題，佩服佩服～
🖤：我依家先知原來問幾時見係咁廢......
🖤：哩個問題我唔會再問
💙：非常好嘅語氣
哩次係Bad Girl最後一次問Mr.Fuck幾時再見，Bad Girl亦同自己講，如果今次都冇想要嘅答案就唔好問，亦唔再諗再見嘅一事，因為唔值得再曬時間係一個唔珍惜自己嘅人身上，Bad Girl覺得咁樣係留比自己最後嘅尊嚴，再留低只不過係比機會Mr.Fuck傷害自己，既然都知道結果，咁不如自己及早離開。
哩日之前Bad Girl冇再搵過Mr.Fuck，Mr.Fuck亦冇再揾Bad Girl，其實都證明左Bad Girl對Mr.Fuck黎講一啲都唔重要，無論係友情/愛情，溝通係雙向嘅，只有一個人付出係冇用，就算今次Bad Girl肯繼續付出，「討好」Mr.Fuck，Bad Girl總有一日會攰，因為根本就係一種內耗，上一段感情Bad Girl已經內耗左好多，Bad Girl唔想重蹈覆徹，所以決定徹底結束哩段關係，Bad Girl係個好絕情嘅人，一係好好，一係就好絕，會完全唔聯絡，唔會比對方再知道自己嘅野。
Bad Girl同Mr.Fuck嘅故事就咁就完左啦，多謝一直支持嘅朋友，都知道故事爛左尾令唔少朋友失望，不過都真係冇辦法，真人真事難避免有意外發生，我知道唔甜，盡量下個故事滿足返大家。
已關閉評論