妳瞞妳們 • 我瞞…我們: 5. 人哋條女 (3p)
5. 人哋條女 (3p)
同琪琪三個人食完早餐，坐低傾計差唔多到兩點鐘，雪瑤話想補眠就拉我返上房，臨分頭行之前，琪琪遞上門咭 “聽晚八點生日派對，要準時㗎”，
話唔嬲其實有嬲，女人…
返到入房，門一閂雪瑤就㨃個頭埋嚟聞遍我上身，大鑊，唔知琪琪嘅香水味有無殘留！唔通頭先挨埋膊頭又係想噉樣？我都知無咁好死唔追問琴晚去咗邊，諗住佢發難仲好，我都可以問清楚 - 點解啱啱瞓覺 無 着 褲！
雪瑤攬住我條頸 “琴晚琪琪話唔明我鍾意你啲乜，個人成碌木噉無啲情趣，叫你幫佢影相又耍手擰頭，啱啱兩個咁好傾，琴日街頭件事應該講清楚啦？”
我都估到琪琪啱啱無爆大鑊，應該係企咗我一邊，而家由女友證實，始料不及先過一關！大熱天件衫點都有啲汗味，可能遮咗琪琪香味符碌再過一關，但係點解唔追問琴晚，令到我總係因為偷睇過細妹扑嘢而心虛，唔知點開口問佢有無同個男人搞！
“妳講琴日搵琪琪嚟試我？下次唔好搵啲噉嘅嘢搞，成日話女人直覺好準，我對妳係點唔知咩？”
佢見我有啲不滿，雙手搖一搖就㨃個咀仔埋嚟 “玩吓之嘛，係細妹嘅鬼主意，我都想試吓，先生我係街頭接吻師…”，
「我都想試吓」真係一語雙關，接吻師呢次個咀仔㨃得更埋，諗起同琪琪一直無𡃶到，合埋眼，攬實條腰深吻…
𡃶𡃶吓，雪瑤雙手推住我胸膛，想除我件衫咁主動、咁心急？
佢褪開微微喘住氣 “做乜忽然咁肉緊，攬到我唞唔到氣喇，啱啱趕住落嚟都未沖涼，入嚟幫我刷背吖？”
刷背呢個性暗示同平時一樣，如果佢啱啱有做，照常理短時間都會無乜性趣至係，點解仲會想同我做？諗起個男人無套中出細妹，唔知雪瑤有無，佢既然未沖涼，入去睇吓有無端倪都好！
入到浴室，雪瑤幫我除衫 “呢度做乜整損咗嘅？”
乳頭被撳痛一吓…大鑊，醒唔起有個傷口罪證！“…哦，琴晚見到隻狗仔好得意，抱上身點知突然發癲咬我，仲愈咬愈大力”，
雪瑤望住膠布 “史諾比膠布嚟喎，咁得意嘅”，
望落去真係公仔膠布！見佢伸手想撕出嚟，唔掂，再噉落去實穿煲！攬埋去伸手到背脊幫佢除衫 “…唔知呢，可能寵物舖職員見我流血就攞畀我”，
佢開始想再攞起件衫檢查 “啱啱又唔覺件衫有血跡喎，有咩？”
再係噉神仙難救，要將情況逆轉！稍為將雪瑤轉身避開攞衫距離，跪低幫佢除低條短裙，望到底褲三角位後，醒起聞吓有無精液氣味！一吓塞個頭埋去索，聞唔到，正想揭開底褲聞清楚…
“咦~唔好啦，沖涼先”，
佢以前唔會介意，只係再𡃶咀仔時會偶然避開，今次推開我個頭都幾用力，但呢個係清洗前唯一搵到答案嘅機會！同佢鬥力一陣，聽到 “都話唔好咯！”
氣沖沖除晒衫褲，走去扭開花灑沖身兼清洗下體，噢…乜都無晒…，咦唔係喎，趁佢視線唔喺呢面，我仲可以摷條底褲！
“係咪幫我刷背㗎？”，見佢擰過嚟問，搞唔到唯有之後再處理！
除晒衫褲埋到去，幫雪瑤搽上沐浴露，我好鍾意滑捋捋時摸佢，從背後搽勻摸得一陣，輕輕擳吓條腰搞到左閃右避，每次去到呢度都會莫名興奮！掃到乳頭發現已經硬起嚟，攤大手板用掌心輕磨打圈，佢成個人慣常挨晒落我度，側頭跣埋一邊岳高頭索吻，我𡃶到落去時佢好肉緊 “唔~”，加埋自己隻手要我用力搓揉乳房，再攞起我隻手去下體，自己隻手搭住就開始捽 “呵…”，
臂長關係，手指頭只係掂到陰唇附近，淋住花灑都感覺到好滑，聯想到係咪精液流返落嚟？為免被花灑沖走，要有足夠證據就要深入採樣，中指前後貪盡都只係撩到洞口入啲 “啊~”，但係雪瑤嘅身體開始不停扭動，令手指深入嘅難度增加，撩得一陣，佢腰身主動向前咗啲，手指終於順利進入多一節！探索期間，喺陰道內採集到某一點時，“啊~唔~” 佢伸手上嚟蹺住我條頸 ，我手指繼續扣，盡量蒐集陰道內嘅黏液 “啊~啊~”，去到差唔多夠樣本就抽出。
手指離開陰道時，迅速揸實拳頭避開花灑，捽捽手指有唔少黏液，拉絲好長都唔斷，鼓起勇氣聞吓舔吓，都係同平時差唔多無異樣。
過一陣雪瑤見我無進一步，屁股挨埋嚟細佬，股罅泊貼緩緩打圈，未等到沖完涼上床即係好想要！
比着平時我已經從後抽插緊，仲邊使佢暗示，就係因為琴晚射到無晒貨，此刻細佬半軟不硬！
女友想要，我都得交功課，細佬偏偏又呢個時候先嚟玩嘢！而家貼近唔到真相之餘，仲搞到食咗前菜未滿足！
唔想畀雪瑤發現不舉問到口啞啞，急起上嚟都唔理得咁多，即刻跪低幫佢口交，希望爭取時間細佬硬到起嚟！
沿住下方舐上陰唇，“嗯” 聽到呢聲好似琪琪，細佬即刻有啲反應，雪瑤微微分開雙腳，係想我深入嘅訊息，再成條脷貼實一舐 “唔…”，叫聲變返熟悉，細佬當堂又無咁起勁，佢再稍為調整上身，而家條腰低過屁股，似係之前都擊唔中要害，忽然發覺呢個係琪琪影相時嘅姿勢，持續有幫細佬加油，即刻起勢噉舐，聽到 “唔~嗄…”，眼看細佬就得之時，浮起裏面可能有精液，之前嘅努力即刻一吓子又白費！
停得一陣，雪瑤屁股移動先發現擰咗過嚟，無功課交點好呢？靈機一觸，模仿琴晚神秘人啜我乳頭動作，即刻撳實腰股啜住陰部 “𠽌~~”，我乳頭無感，呢一啜只係有高速震動感覺，但係個女仔做得一定有原因，再認真搵出陰蒂一啜…
果然！聽到雪瑤高聲 “吖^”，跟住成個人開始變奏，雙手好肉緊伸向後似係想推開我，但又揸實自己屁股唔知想點時，呼足一口氣加長時間吸啜 “𠽌𠽌~~”，佢對膝頭屈屈吓應該受唔住，指甲已經明顯嵌入自己兩團股肉裏面，舌頭輕輕打圈陰蒂等佢舒緩吓，見佢雙手鬆返啲，再成個陰唇快速又啜又舔再打圈 “嘩…吖~嗄~吖~…”，屁股即時又震又上下擺動，“𠽌~~~” 啜多一陣，見到屁股開始大量細紋湧現再震盪式移動 “吖↑…呀呀…嗄嗄嗄…”，因抽搐而形成嘅臀浪？畫面相當詭異，唔知點樣筆墨形容，佢由高聲去到大口嘆氣聲，最後瀡低瞓咗落浴缸，似乎呢一吓「震啜」，帶咗畀佢新奇嘅高潮體驗！
慶幸無功課交都過到關，抱咗雪瑤上床，幫佢抹身時，發現左邊小腿內側有大大噠又紅又瘀，做乜搞到咁傷？但係之前又行得走得無出過聲，唔通啱啱瀡低整到？無理由，我有傍住就係驚佢撞傷！
幫雪瑤冚好被閂細冷氣後，搵勻都係得啲乳液唔見有藥膏，於是用熱毛巾輕輕敷吓傷口，唔知係咪整痛到醒咗，我即刻攞開毛巾問 “好痛呀？點解整親唔話我知，妳敷住先，我落去睇吓附近有無藥買”，
佢望一望毛巾同隻腳後 “唔使啦，之前車門夾到好痛，不過而家唔痛咯”，甜笑望住我，
正諗緊被車門夾…唔係應該兩邊瘀咩？而家只有內側…
佢微笑揚手叫我，埋到去，用拇指好溫柔掃我眉心 “唔使擔心啦，又皺晒眉”。
「可愛笑臉、溫柔愛撫、彼此真誠的關懷，每每能將疑慮一掃而空，探入被窩深吻，真愛為本能注入無窮能量，步入胯下，依舊深怕弄疼的緩慢推送，搖晃中的愛侶一如既往般行禮如儀。加深愛意親吻衝刺，快感聲音由雙唇偷偷洩出，當譜寫到製造愛情結晶品一刻時…」
“嗄…嗄…我射喇”，
慣常比我更嚴格要求抽出外射嘅雪瑤，竟然手腳鎖實我！未知佢高潮到咁肉緊定係咩，只知道大家沉浸喺餘溫當…中 “幫我攞紙巾”，
佢突然一句說話掃興又未致於，攞完一疊紙巾壓住下體就急步去廁所，平時都會攬住一陣先…呢刻內心，唔知點解有種空虛感。
雪瑤返到嚟就倒頭大睡，我去廁所時，見到佢條底褲就諗起有嘢未做，摷起襠位重重黏液濕得好緊要，用手指仔細檢查，睇吓聞吓，同之前一樣唔覺有任何精液，只有熟悉嘅愛液味道，開始覺得怪錯雪瑤，應該係自己多疑！
--
翌日，喺酒店房睇緊戲時，雪瑤對住塊鏡化妝時話 “我哋出去睇吓有無衫褲啱做代理咯？”
套戲未追完 “唔喇，琴日熱到中暑咁滯，如果樣板太多拎唔到先再搵我”，
佢擰過嚟無出聲，見到個妝同平時唔一樣，今日對眼好似加深咗眼線，特別有靈氣！
(示意圖，可能要多按更新)
雪瑤換咗一件白色一字膊短裙，着緊對絲襪時，條裙短到就連側邊都見到條粉紅色底褲，試完黑色絲襪就試肉色，走晒光有對絲襪遮吓都好，不過肉色又硬係唔知點，平時短裙一定有着「抵打褲」，點解今日條裙咁短反而唔着呢？
(示意圖，可能要多按更新)
見雪瑤重複整理左邊小腿，大大撻傷口只係遮到一啲，想遮又唔徹底就問 “肉色絲襪邊遮到㗎，換條長褲唔會好啲咩？”
“你都識講熱啦，仲着長褲~，呢對絲襪韓國新返，估唔到薄得嚟都遮到一半，好似無着過噉幾好吖，今晚琪琪生日會你去唔去？八點鐘喺樓下宴會室咋”，
就係呢句「好似無着」，令我想雪瑤着返長褲！知道服裝方面無可能拗贏無謂嘥氣，琪琪生日會嘅話又喺樓下，噉又唔拘，但循例做吓樣 “哦，都唔係咁熟，到時睇吓點先”，
“琪琪我都唔熟，人哋男友又喺度，唔係一早應承咗細妹我都唔想去，你唔會要我自己一個卦？”
原來雪瑤都唔熟琪琪，仲有個一時前任、一時現任嘅男友，噉之前女廁單嘢唔爆響口又變得合理得多 “好好好，生日禮物呢，妳買埋返嚟先定係點？”
“琪琪話想多啲人熱鬧啲，我哋剩係帶個人食餐飯得喇，行街你又唔去問咁多做咩？學你話齋，睇吓點先”，
做個鬼臉藐我一吓就孭袋出門。
(示意圖，可能要多按更新)
--
去到套戲完咗，一個人無聊打算出去行吓酒店設施，換好衫搭𨋢落到地下，先讓完對銀髮族慢慢出，出到去左右搵方向，望到有個女仔，一頭長髮散落腰間白裙好搶眼！睇真啲原來係琪琪，未揸定主意叫佢時，隔籬男人隻手有風度扶住腰背行，行行吓忽然伸手落去短傘裙裏面揸屁股一吓！琪琪即刻撥走隻手行入𨋢，但係揭起咗嘅傘裙仍然無故卡住，見到佢個白淨屁股之餘，加埋條粉紅色底褲真係絕配！
佢哋上樓後，查吓水牌係去功能室樓層。雖然又係睇唔到男人個樣，但個髮型剷得好高好熟面口，唔通又係條「剷青」？琪琪唔係話前男友咩，點解大庭廣眾仲咁親暱？
橫掂無嘢做，好奇心驅使下，決定跟上去睇吓。
-第五章完-