萬金油與孺子牛（第二季）見山無底（第三季連載中）: 61

「Water，你哋財務部嘅風險評估，有冇同松山資本果邊對接？」Flora看著平版，又偷看Kerry是否已經吃完。

「Flora姐，我哋對接過，發現風險資訊有誤差，我哋同事已經修改好，松山同意左，基本上冇咩後續要跟。」

「誤差？」她看了一眼文件。我又呷了口茶。
她似乎知道是我，我利用兩地財務及法律規則不一，讓風險部發出一個更加有利於我們的資訊，用法規和財務漏洞、加上浮動匯率，我已經拿到讓恆博更有優勢的合約。我還以為Flora看不到，看來她是故意把這個誤差放上枱面。

「係呀Flora姐。」

Flora望向我，她和我之間既曖昧又銳利。她對Water說：「財務同法規…你同Johnson冇Double check咩？」




我感覺到Johnson和Water用眼神向我求救。

「Flora，對於內地財務同法律規則，Water 同Johnson嘅謹慎，係有經過松山果邊嘅COO。唔否認呢個誤差可能影響松山嘅睇法，始終我地前恆榮係冇接觸過內地市場，所以先需要松山果邊做確認。」我輕描淡寫地呷了口茶，補充：「但Flora，你係基於恆博實業GM嘅身份去問，定係作為松山資本最大董事執行人嘅身份去問？」
我微笑。
感覺所有主管都在屏住呼吸。只有Kerry還在輕鬆地咬一口桂花糕。

Flora再次和我既曖昧又銳利地對望，她也平淡地微笑：「孫家弘，咁你而家係以COO嘅身份係問我呢條問題，定係以我大老細嘅身份，問我呢條問題？」

我們不約而同望向Kerry －眼，又繼續對望。





「Michael哥…我…」Water似乎想幫口，我望了他一眼，Water不敢說話。

「如果你認為，呢個誤差會好影響松山嚟緊嘅發展同計劃，你可以同董事會商量一下先？」沒錯，我在間接問葉嘉儀，是否需要Kerry表態。
她手握緊了一下水杯。

她用軟化了的眼神和表情撈向全場，再望向我：「松山嘅事松山嗰邊會處理。我哋恆博既然有有利嘅合約，我作為GM，自然會以公司利益為優先。Michael，你唔需要擔心。」

我嘴角上揚，也掃了一眼所有人。我拉直一下自己的西裝外套，翹起二郎腿，輕描淡寫地再望向Flora：「咁呢個議程，我冇補充。」

「咁散會。」




走之前Flora帶點耐人尋味，顧了我一下。便離開了。

其他人全部都沒有走，Johnson、Paul爺他們立刻站到我身邊，從剛才嚴肅的樣子變成輕鬆，其他人也變成「吃花生」、聚會的模樣。

「Michael哥，你同Flora姐呢啲神仙打交，我哋呢啲凡人真係搞唔掂……」
「Michael哥，你同Flora姐係咪真係一齊㗎？咁奇怪嘅你地…」
「Co爺，真係得你先駕馭到Flora姐，佢存在喺空間嗰種寒氣，真係勁過修練嗰啲九陰白骨爪…」……

「點啊？你哋有冇咁驚佢啊？」我笑笑，在會議室角落拿了盒之前客戶送的巧克力放桌上。
「呢間酒店啲朱古力好好食㗎！Michael 哥，我哋係咪可以食呀？」Vincent問。
「梗係啦，黃總送架～我擺出嚟俾你哋食㗎！」
「Co哥！！」「多謝Co爺～」……他們立刻放鬆了。

「Flora都係做嘢啫～佢唔惡架…」我呷了口茶。
「Michael哥～使唔使咁幫住你女朋友呀？」「係囉，佢頭先針對你喎…」「拿Co哥～我地撐你㗎…」…





「咳嗯…」Flora不知什麼時候一直站在門口，居然還故意咳一下。
我的主管們嚇得不敢動。好像Kenneath，拿着巧克力打算放進嘴裏，一看到Flora姐全身就僵硬了，巧克力也卡住在手和口之間。
「你唔好嚇佢哋啦葉嘉儀…」我眼神溫柔地望向Flora。
「我粒朱古力呢？」她也軟化了眼神，比剛才溫柔地和我隔空對望。
我笑了笑，親自挑一粒黑朱古力給她，走到她跟前放進她手心中：「Dark Chocolate岩唔岩？」
她嘴角上揚了一下，斯文地放進口中。吃完再對我說：「傾多陣好啦…」她便先離開。

「woooooo…」「wooo michael哥～～～」……
他們全部都帶進耐人尋味的眼神望向我。
除了正在平版上用手指左劃右刪的Kerry。但她手上不知什麼時候多了一粒巧克力。