萬金油與孺子牛（第二季）只緣身在此山中: 8
一段時間之後，攻勢又加強了。董事會和委員會甚至需要找出我合約丈夫的公司股份等，來提供我決策的透明度。而且，恆榮決定稀釋股份，TY和董事會全力配合收購，全力打仗，我亦在配合攻勢。
在這個時候，聽聞Donald昏迷了，慶幸的是他不久後就醒了，TY約了我去Donald 病房，沒想到，他不只約了我，還約了Rachel。Michael和Kerry也在Donald病房中。
「點解…我叫左你唔好飲…咁多、食咁多煙……點解啊？……如果…如果下次…你訓喺度醒唔返……你有冇問過我啊？…你有冇問過我啊……我撐唔住啦……」
去到的時候，林泳昕在哭，甚至躬下腰縮起自己。Michael身體貼近她，讓她伏在他腹上哭，－手在她腦後溫柔地撫摸着她。
Donald看到我們，向我們這個方向微笑。TY走到Kerry身邊。
「其實你唔死頂架。呢個位，你同Michael，真係好似。」TY緩緩開口。
Kerry抬頭望向溫柔的TY，淚水止不住流下來。Michael拉住Kerry的手站開了些，讓TY靠近。
TY掃了一眼Donald、和我們全部人，又溫柔地對Kerry說：「我哋呢度每一個，都應該係你可以靠得住嘅人。林泳昕，你仲有啲咩顧慮啊？」
TY在最尾的一刻，眼神停留在我身上，似乎他真的什麼都知道一樣。但是，為什麼TY會認為我會是Kerry可以靠的人？
Kerry望向TY、望向我們，她瞪大瞳孔，表露出恍然大悟。
Kerry的目光似乎掃了我一下，有些慌張，她撇開了Michael手，對著TY眉頭皺了一下。她眼神閃縮了一下，她站起來低聲說了句：「我去一去洗手間。」急步地逃跑了。
我們全部望向她的背影，Rachel想追，TY阻止了她，說了句：「比啲時間佢。」
Rachel望向Kerry逃走的方向一臉憂心，我也撇了一眼她逃跑的方向。Rachel走到Donald病床尾，我也跟隨著。Rachel望了一圈我們每個人，眉頭一皺：「所以…我係最後一個知嘅？」
「你睇到嘅角度，係我哋都睇唔到嘅。」TY坐到Donald旁邊的椅子，拿起枱上的橙剝皮。
所以…Rachel和Kerry其實……
「呵呵呵…你又黎呀TY？」Donald看著TY在剝皮又取笑他，也回應了他：「你係犀利嘅TY～你唔好做天使投資公司啦，你開戀愛顧問公司啦～Kerry呢個女呢，我個仔話佢中學大學好多男仔追㗎，佢一個都睇唔上。入咗恆榮之後，個人仲cool，你又知佢諗咩？…」Donald耐人尋味地望向Rachel，又望向Michael。
「Uncle Donald，你咩意思呀？你知Kerry點諗？」Rachel疑惑。
他和TY兩個相望地笑，Donald又望向Rachel：「你唔係最清楚架咩？佢有冇鍾意過你。」
Rachel的表情回答似乎是介乎有和沒有之間。
「佢初頭都呃咗我一下架。」TY把橙放到桌上示意大家一起吃，又望了我一秒。
Donald打岔：「幾多年前呃到你啊佢？」「哈哈哈…」「食橙啦你…」「Michael你心唔好，你食多啲…」他們那種談笑風生，其實不是表面那麼簡單。他們是知道什麼，而且TY是知道全貌的人。
Michael望向TY，又望向我，再重新望向TY。
「好多問題啊Michael？」TY去斟了杯水，一眼洞悉了他，又去拿個蘋果。Michael似乎真的很困惑。
「你又唔敢知Kerry有冇鍾意過你啊？」Donald對他說，又對TY說：「TY，而家啲後生仔女，唔講清楚真係唔會死心架。你咪講幾句你徒弟啲野比佢哋囉。」
Donald雲淡風輕地吃着橙。
TY邊切蘋果邊說：「Flora？你係旁觀者，你點睇？」
TY這樣望向我，讓我有種無形的壓迫感。
「Kerry…唔係應該係我情敵咩？唔係應該問佢本人咩？」我裝作若無其事，開口。
但，TY不像是會無緣無故問我這個問題的人。
Rachel撇了我一眼，目光不友善。
我打量了一下Rachel，有點心虛地說了句：「你都係人哋情敵，唔係咩？」Rachel默默吃了一塊橙，我也跟着吃了一塊。
TY為什麼要問我？
我偷偷望向TY，他平淡地微笑，正好也望向我這個方向。我吞了吞口水。
「Kerry去咗咁耐嘅。」Michael開口。
「哈哈哈…掛住人呀？」Donald說完這句，TY吃著蘋果，觀看著我和Rachel，讓我有種打從心底控制不住的緊張感。
「我去搵洗手間佢？」Rachel提出。
「你肯定佢喺洗手間？」TY 一語道破了，Kerry可能已經逃走了。
「咁我去…」Rachel正想走。
「唔好去住。」TY冷靜地打岔，他似乎在等什麼。
TY吃了一片蘋果，不漫不疾地開口：「對上一次見佢喊，係五年幾前。」
Rachel聽到之後似乎想到了什麼，很專心地聆聽TY是否有下一句。
五年幾年是我第一次面對面和Michael交手，也是第一次和Kerry交手。TY似乎是想引導我們去思考一下，當時關於Kerry的細節位。
Donald居然又笑了，指著TY笑了：「開戀愛顧問公司啦你～梁德言！」
「冇諗法？」TY抬頭望向Michael，Michael似乎慌了。
TY的穿透力，向來不簡單。
「講唔講比佢知啊？」Donald笑著拿了片橙問TY，TY沒回答，只是吃了片蘋果。
「你諗下你同Flora第一次交手嘅時候，仲有邊個在場？」Donald說。
猜不到，原來Michael忘記了Kerry的存在。
「所以呢？」Michael問了一個他們不會回答的問題。
「哎…我冇野講啦～」Donald那個笑聲似乎有些嫌棄，他望向TY，TY只是微笑：「Michael，你出去搵下Kerry先啦。」
Michael一臉困惑，還是出去先找Kerry。