萬金油與孺子牛（第二季）只緣身在此山中: 28

「哈哈哈…」「哈哈哈哈…」TY和Donald同時哈哈大笑，都在望向我。

Kerry耳朵有點紅，但繼續切着蘋果說：「普通咖啡咋嘛～Marcus，唔好大驚小怪啦～你有興趣嘅，下次我有個以前做marketing嘅朋友，而家係日本一間咖啡豆公司做marketing head，我叫佢寄啲sample俾你試吓…」
對著Marcus，Kerry的面向確實是偏直接。因為對着直接的人，兜圈是沒有用的。

「果然係Kerry姐！33歲就坐到恆榮marketing head，你真係我哋偶像～」
「你偶像唔係Flora咩？」Ken少說。
「Flora姐係No.1～」他滿意地微笑，望向我。我也驚喜地微笑：「多謝你喎Marcus~」
Kerry似乎掃了我們一眼，嘴唇有個非常細微顯示不滿的微表情。
「其實可唔可以問吓，你中意Flora 啲咩呢？」Rachel這句，問的是Marcus的建議，但目光是望向Kerry。




「Flora姐仲係BD經理嗰陣，佢既能力已經喺我哋六大集團、上下五屆嘅MT圈子入面傳開咗。加埋Flora姐本身真係又靚女、皮膚又超級好、人又nice，佢去親嘅ball、high table dinner、交流會，我哋好多人都會搶名額……」
Kerry放下了手上的蘋果和刀，望向Marcus的眼神，似乎是很認真在聆聽。
「Kerry，你記唔記得我哋上次一齊討論Flora姐？你對Flora姐了解咁深，你覺得我講得啱唔啱啊？」
所有人包括我，彷彿都在度抽一口涼氣，整個房間的空氣彷彿被抽了真空一樣。

Kerry似乎完全沒料到，今日會有這個對話。但她臨場反應還是很快，表情管理和調節也很到位，似乎是在平衡她的每一個面向。
她先點頭，然後平淡帶一絲真誠回應：「我覺得Marcus你講得好好。我上下兩屆MT，都有好多人同你啱啱講嘅評價一樣。不過我唔敢班門弄斧，好似你話齋，雖然我33歲就做咗主管，但係喺呢度咁多個包括你面前，我經驗其實仲好淺…」

完美，簡直標準答案。我環顧一下所有人的表情，似乎對這個答案有拿到自己想要的感覺。
林泳昕…你真的很強……





「Kerry你都同意啊？不過你真係太謙虛啦！你咁叻，又後生過我哋，如果你經驗再豐富啲，你就係下一個Flora姐……」
好一個Marcus，真的一波未平一波又起。

TY似乎對這個局面很滿意，他的微笑和平時不一樣，會不會…Marcus其實在他預料之中？

「Marcus，你都一樣好犀利～話唔定你就係下一個！」Kerry那種對著Marcus故意裝出來的真誠，還有會瞪大一點雙眼的表情控制。我看到了。
我嘴角控制不住暗暗上揚。

「嘻嘻～邊係呢？」Kerry成功把Marcus誇到心頭，也難怪Marcus現在會經常找Kerry吃飯。Kerry真的完美掌握到Marcus喜歡的直接、真誠想要的同等反饋。




也難怪…在場所有人，對林泳昕，也有各自喜愛的點……

但經過這次，我確實發現了，林泳昕，對他們每一個人都很了解。她能精準針對每個人的需求，給予他們想要的相處和答案。確實和我開始靠近Michael時，對Kerry的第一評價一樣———用情感語言來說，她是一個非常高段位的海王。

她在「養魚」，但每一條魚，都是心甘情願游入她的魚塘，心甘情願留下來。

那我呢？
她對我…到底是什麼……
我會不會，也成為了她的魚……
我在乎了她，她達到了放餌的目的，吸引了我。所以…她可以安全回去Michael的懷抱……
是這樣嗎？

那…她之前對我的……
可能對每個人私下，她也是這樣……
那他們剛才為什麼……





「Flora姐？」
Marcus喊我，我回過神。
「難得咁齊人，不如我哋七個一齊去食飯？」Marcus問，又略帶抱歉地對TY說：「TY哥，等你好返你就可以同我哋一齊食～」
TY點點頭。
「你問吓其他人得唔得？」我交給他們決定。
「梗係好啦！點啊想食咩？」Donald主動站過來：「之前住咗喺醫院兩個幾月，我真係有好多嘢想食…你哋得嘅就陪我食啦？」
「我可以。」「好啊Donald哥～」「我而家都得閒～」Michael、Ken少、Rachel也應承了。
Kerry猶豫了1秒，還是說：「好。」
「Flora姐你呢？」Marcus問。
「我都可以。」
「Lets Go！！」

「你哋食得開心啲啦！」TY說。
「TY哥咁我哋走先啦…」……我們輪着跟TY道別。