萬金油與孺子牛（第二季）只緣身在此山中: 34

勞煩了Marcus和我一起照顧這個醉到抱住廁所吐的Kerry。
Marcus幫我把Kerry安頓到我床上，我給他倒了一杯茶，坐在客廳一起喝茶、看著𥦬外的雷聲閃電交加，沒有一刻暫停的雨勢。

「Kerry佢…其實好中意你…」
沉默良久，Marcus呷一口茶，釋出一個淡淡、輕輕、意想不到的微笑，望向我。
我有點尷尬。
他說：「我哋幾個集團有個八卦group，都係我嗰陣最熟嗰十幾個朋友喺入面。之前果排恆榮啲花生成個商界都食緊，關於Michael哥同Kerry姐。之後係Ken少同Rachel姐。所以Kerry姐喺我哋公司係好出名…」

他呷了一口茶，看了我一眼，見我在聆聽，沒有回應他。他繼續：「後尾傳你、Michael哥同Kerry姐，佢哋就出嚟講佢哋自己收到嘅風。特別係你舊公司啲主任、經理級，話幾年前已經見過Kerry姐喺你辦公室同茶水間嗰度偷睇，會唔會係咁多年前已經準備向你報仇嘅大計？因為你同Michael經常對手，吸引左michael哥嘅目光，所以Kerry姐就係恆榮同michael嘅山頭對立吸引返michael哥嘅目光，同你隔空開火。」





「不過自從最近真係開始了解Kerry呢個人之後，顛覆咗我對佢一直以來嘅睇法。佢真係對你每一個細節、每一樣你鍾意唔鍾意嘅嘢、你嘅動向，都好留意。呢種留意，比我開始得更早、更深入。如果佢當你係情敵，佢唔會留意得咁仔細。」
他用力歎了一口氣：
「我好佩服佢、甚至…好羨慕佢啊！……佢努力左咁耐，佢比你見到喇……」
Marcus說這句的時候，流露出羨慕、呷醋，有點失落感，但又真心共情、為Kerry感到高興。他，真的是一個很真誠的男生。

「Flora姐…」
他望向我，輕輕問我：「咁你呢？你係點諗㗎？」
我？……

他似乎看出了我猶豫什麼。看來，商界無秘密。你以為，收得好好，其他人其實只是在看着笑。





「你想唔想聽真話？」Marcus面上有點認真。
我望向他，有點疑惑。
「其實…TY哥係我舅父仔。佢同Kerry之間嘅嘢，佢同我講過少少。係佢叫我唔好俾你哋知道我同佢嘅關係住。」天啊…那TY的佈局，Marcus他…知道多少…
我徹底震驚了，亦很努力做表情管理。

「你……」我欲言又止。
「我知道你想講咩。對唔住啊Flora姐，瞞住你……」他呷了口茶：「言舅父佢一直都係我嘅目標，佢真係一個神一般嘅男人。佢返嚟香港之前同我講過，可能有需要我幫手。對住言舅父，你真係會覺得自己所有心肝脾肺腎都俾佢睇晒咁。Kerry姐佢，係唯一一個言舅父特別鍾意、特別欣賞嘅女仔，有時我覺得佢照顧Kerry仲多過照顧我呢個姨甥仔。」

「初頭我以為Michael真係咁愛Kerry姐，咁Kerry姐利用佢接近你，成件事咪好衰…後尾我先發現，點解言舅父咁堅持一定要返落嚟香港。因為對住Kerry嘅隱瞞，Michael哥第一反應唔係同佢坦白，而係用你、同Rachel姐去反掣Kerry。喺呢個時候我知道我之前嘅諗法係錯嘅～Michael哥唔係愛緊Kerry，佢係傷害緊Kerry。所以我決定幫言舅父完成埋佢想做嘅嘢。」




天啊……TY……
但…
他說得對。由Michael和我建立「合作關係」開始，之後把Rachel拉入地皮項目，他注定是在把林泳昕推開……

雨勢終於減弱，Marcus主動把杯拿去廚房洗乾淨。
「Marcus，你放低得啦，我會洗……」
「Flora姐…」
他回頭微笑：「我欣賞你，呢樣嘢係真㗎……」
我與他對望，互望向笑。

我在Marcus身上還看到一樣東西，一樣我不敢或者不應該這樣說的東西。

TY對Kerry，其實是超越了伯樂、師徒的感情。他建立信托，但實益人是Kerry。TY在內地、香港為她佈局十幾年，就是想她接班。他在癌症期間還精心為她佈局，就是為了讓她可以開心。

如果有人話…TY曾經對Kerry動過心，我都會相信。





Kerry外貌甜美、身材豐滿，還有智慧、有城府。她的那種「深不可測但又讓人想靠近」的氣質，Rachel、Ken少、Michael這些百億千億的頂流也無法抗拒，連我作為女人，也深陷其中。更何況，是有智慧有城府、魄力驚人的TY。

林泳昕，用了多年時間觀察、接近我。TY梁德言，亦一直為她佈局、鋪路，幫他最珍視的女人，去完成她的佈局。真的比《傾城之戀》唯美。

海王…林泳昕……你值得的……