萬金油與孺子牛（第二季）只緣身在此山中: 53
過了兩日，林泳昕開始「動」了，雖然堆積的工作和文件有點多，但她親自補救之前失手的客戶，憑自己實力主動聊了一單美國70強的公司的合作，震驚了中港台新加坡的十大集團。
「恆博實業」正式成立，上市改版第一天，股價已經比暗盤高出12%。而同一天，亞太商會交流晚宴的焦點都落在我們身上。更多新的、未合作過的集團、董事等主動接觸我們，特別來找我、Michael和Kerry聊天。
「你哋恆博實業呢期勁啦，岩岩傾成出咗名唔係咁容易同人合作嘅Jones Holding呢啲百年家族生意。」
「Michael, Flora 你哋公司個Kerry Lam，千祈唔好俾佢跳船啊！之前已經聽過佢將紅海集團同全中國第二大中介伏生控股打落馬嘅事，呢個女仔，真係人才……」
「TY應該好放心交個江山俾佢…」
「Michael，你同Flora呢個組合本身已經無敵，半年做大五倍，盈利翻一倍。如果加埋Kerry，我真係驚我哋好快冇埞企……」……
這幾個都是商界的老前輩，都認識TY。我和Michael和他們聊天，Kerry和TY在另一邊聊天，Kerry手中還拿著個黑松露蛋撻。
「係喎Michael，聽講你而家同Kerry分咗手，同埋Flora一齊？」其中一個是Donald利TY的共同圈子。他是想知道我們的感情會不會影響生意決定。
「Henson你放心。Flora、Kerry同我都係將公司利益擺第一嘅人，恆博實業我哋都係股東、董事，生意夥伴從來都係我哋最重要嘅資產。」Michael微笑，呷了口酒，回答得很標準。
「哈哈…」他們幾個同時也雲淡風輕地悠閒笑笑。
「難怪你有個朵叫商界韋小寶。TY同Donald亦都成日提起你。Michael，你真係…～」
我望向這個「韋小寶」，雖然他「批發」，但他的暖、溫柔，都是真的。
「拿Michael，我哋于水科技嚟緊嘅自動化機械人、商場自動化配置，就交俾你地恆博。你同Flora辦事，我地放心。」這位是目前亞洲最大科技公司于水科技的董事長兼大股東陳力先生，是其中一個我們最近非常希望拉攏的合作夥伴。
「陳總你放心。而家AI、機械人同自動化都係全球增長最快嘅市場。我地恆博其下環球物業，早就已經做好準備。」我如平常地回應。
他們互相點點頭，呷著酒。
「點呀？Michael同Flora，真係好做得嘢㗎。」此時TY和Kerry來了，Kerry手上換成花咲蟹肉蟹膏一口酥。我望向Kerry，Kerry也用那個「為食」的微笑回應我。
「TY，你犀利啦～你公司一次過有齊咁頂尖嘅人才。」
「哈哈哈…冇見幾個月，阿力你又幽默咗…」TY在人前，永遠是那般沉穩、淡然，聲音低沉有力。
「TY我去拎個玫瑰榚，你要唔要啊？」Kerry這句，讓幾位前輩都放鬆地笑了。TY也笑了，他望向Kerry，淡淡地說：「食唔食到咁多啊？一陣開飯啦…」
他這個眼神，我在醫院那次見過，不像是普通師徒的感覺。
Kerry走開了。其中一個TY相識30多年的朋友，全亞最大煙草商BTJ的董事長邵揚先生，一直望向TY：「TY，得啦～你徒弟…」
TY －個眼神，邵總就沒說下去，只是笑笑。
正正是這個眼神，加上邵總和我之前在意大利和TY另一位舊朋友聊天時，看到他們一提起林泳昕的眼神，是如出一轍的。這是一個隱藏玄機的眼神。有什麼重要事，需要TY壓下去？我覺得答案，開始呼之欲出……
他們散開了，TY和我也找其他人聊天，但我的目光依然在留意Kerry。我看到她和Michael在食物前相聚，似乎有說有笑。剛剛跟另一個客戶聊完天，我便走了過去。
「傾緊咩啊？」我溫柔地掃向Kerry，之後我又故意溫柔望向Michael。Michael主動握住我手，有點深情望我：「TY叫Kerry唔好食咁多吖嘛～我笑爆佢～」
我靠近他，無意識地把他的酒倒了一半進我的杯中：「一陣你又心唔舒服…唔好飲咁多啦…」
「好啦～」他微笑。
「使唔使咁閃啊？」Donald走過來取笑。
Donald、TY、邵總還有一個Donald的朋友來了。
邵總又望了TY －眼，TY只是呷了一口酒，微笑。
「Donald，你唔好笑我啦…」Michael笑笑說。
「人地Flora好多追求者、好多迷弟架～Michael，你勁啦，成個商界最靚最叻果d女仔都比你溝曬！」Donald朋友說。
「朱總你係我榜樣黎，我知朱總咁多年都溝死咗好多女…」朱總向來出名風流，雜誌公開的老婆都有四任。
「溝女你真係要同佢學下～佢最掂！唔似TY，食長齋！」邵總取笑TY。
我第一次在TY的面上看到一個無奈到不行的表情。TY向來是一個表情管控很小心的人，會出現這種表情，實屬難得。
Michael忽然幫我調整低胸衣領，和我對望著。他再拖住我手，我也握住他，微微笑。
忽然我留意到在挑甜品的Kerry腋下近胸的位置連身裙，似乎有點爆開了。我很想上前幫助她，但我沒有外套，Michael似乎也在猶豫。但TY此時已經把自己的西裝外套披在Kerry身上。他在Kerry耳邊低聲說了兩句，便重新保持距離。
沒錯，旁人眼中可能認為這只是普通的風度，加上他們師徒關係已經多年。但我不是這樣認為。
梁德言對Kerry……我直覺認為…是真的……
「哈哈哈…我去添啲酒先。」Donald走開了。