萬金油與孺子牛（第二季）只緣身在此山中: 58

「下一個議程係關於松山資本同恆博實業期權協議……」
這個議程是我提出的。我想知，Michael會如何處理，同時我……不知為什麼，我只想給他一個澄清的機會。因為他用了不太妥當的方法，但只要有會議紀錄，他將來就不會被質疑。
他望向我，我也不避忌望向他。

「Water，你哋財務部嘅風險評估，有冇同松山資本果邊對接？」我看著平版，又偷看Kerry是否已經吃完我的桂花糕。

「Flora姐，我哋對接過，發現風險資訊有誤差，我哋同事已經修改好，松山同意左，基本上冇咩後續要跟。」

「誤差？」我看了一眼文件。Michael呷了口茶。
Michael利用兩地財務及法律規則不一，讓風險部發出一個更加有利於我們的資訊，用法規和財務漏洞、加上浮動匯率，他已經拿到讓恆博更有優勢的合約。




這是一件很有機會被「秋後算帳」的事，我只是怕他玩太大燒到自己……我，也是保障公司……

「係呀Flora姐。」

我望向他，我們之間既曖昧又銳利。我對Water說：「財務同法規…你同Johnson冇Double check咩？」

「Flora，對於內地財務同法律規則，Water 同Johnson嘅謹慎，係有經過松山果邊嘅COO。唔否認呢個誤差可能影響松山嘅睇法，始終我地前恆榮係冇接觸過內地市場，所以先需要松山果邊做確認。」他輕描淡寫地呷了口茶，補充：「但Flora，你係基於恆博實業GM嘅身份去問，定係作為松山資本最大董事執行人嘅身份去問？」
他微笑。
所有主管都在屏住呼吸，Kerry還在輕鬆地咬一口桂花糕。





我再次和Michael既曖昧又銳利地對望，我也平淡地微笑：「孫家弘，咁你而家係以COO嘅身份係問我呢條問題，定係以我大老細嘅身份，問我呢條問題？」

我們不約而同望向Kerry －眼，又繼續對望。

「Michael哥…我…」Water似乎想幫口，Michael望了他一眼，Water不敢說話。

「如果你認為，呢個誤差會好影響松山嚟緊嘅發展同計劃，你可以同董事會商量一下先？」他在間接問我是否需要Kerry表態。
好一個孫家弘。

我用軟化了的眼神和表情撈向全場，再望向他：「松山嘅事松山嗰邊會處理。我哋恆博既然有有利嘅合約，我作為GM，自然會以公司利益為優先。Michael，你唔需要擔心。」





他嘴角上揚，也掃了一眼所有人。他拉直一下自己的西裝外套，翹起二郎腿，輕描淡寫地再望向我：「咁呢個議程，我冇補充。」
我知道，他覺得自己控場了。這個男人，很可愛……

「咁散會。」
走之前我帶點耐人尋味，故意顧了他一下。便離開了。
我其實還站在門外，偷聽他們說話。

Johnson、Paul爺他們立刻站到我身邊，從剛才嚴肅的樣子變成輕鬆，其他人也變成「吃花生」、聚會的模樣。

「Michael哥，你同Flora姐呢啲神仙打交，我哋呢啲凡人真係搞唔掂……」
「Michael哥，你同Flora姐係咪真係一齊㗎？咁奇怪嘅你地…」
「Co爺，真係得你先駕馭到Flora姐，佢存在喺空間嗰種寒氣，真係勁過修練嗰啲九陰白骨爪…」……

「點啊？你哋有冇咁驚佢啊？」Michael笑笑，在會議室角落拿了盒之前客戶送的巧克力放桌上。




「呢間酒店啲朱古力好好食㗎！Michael 哥，我哋係咪可以食呀？」Vincent問。
「梗係啦，黃總送架～我擺出嚟俾你哋食㗎！」
「Co哥！！」「多謝Co爺～」……他們立刻放鬆了。

「Flora都係做嘢啫～佢唔惡架…」他呷了口茶。
他，在替我說話嗎？
「Michael哥～使唔使咁幫住你女朋友呀？」「係囉，佢頭先針對你喎…」「拿Co哥～我地撐你㗎…」…

「咳嗯…」我故意咳一下。
主管們嚇得不敢動，身體好像僵硬了。
「你唔好嚇佢哋啦葉嘉儀…」他眼神溫柔地望向我。
我的感覺，再次複雜起來……
「我粒朱古力呢？」我也軟化了眼神，和我隔空對望。
他笑了笑，親自挑一粒給我，走到我跟前，放進我手心中：「Dark Chocolate岩唔岩？」
他都記得我的喜好。無論是718、奶昔、果仁bar、還是黑朱古力。





我嘴角上揚了一下，斯文地放進口中。吃完再對他說：「傾多陣好啦…」我便先離開。

「woooooo…」「wooo michael哥～～～」……